यशैया 66:13 - नेवाः बाइबल

¹³ मांम्‍हं थः मचायात सान्‍त्‍वना ब्‍यू थें जिं छिमित सान्‍त्‍वना बी। अले छिमिसं यरूशलेमया कारणं सान्‍त्‍वना काये खनी।”

यशैया 66:13 ပူးပေါင်းရင်းမြစ်များ

भजनसंग्रहया सफू 137:6

जिं छन्‍त लुमंकागु मदुसा, जिं यरूशलेमयात जिगु दकलय् तःधंगु लसता भाःपियागु मदुसा जिगु मे थक्‍वय् प्‍यपुनेमा।

भजनसंग्रहया सफू 94:19

जि तसकं नुगः मछिनीबलय् छिं जितः हःपाः बियाः लय्‌ताय्‌कादी।

यशैया 12:1

व दिंखुन्‍हु छिमिसं थथे धाइ, “हे परमप्रभु, जिं छिगु प्रशंसा याये! छि जिनापं तंचायादीगु दु, अय्‌नं आः छिगु तं क्‍वलाय् धुंकूगु दु अले छिं जितः सान्‍त्‍वना बियादीगु दु।

यशैया 40:1

छिमि परमेश्‍वरं धयादी, जिमि प्रजायात सान्‍त्‍वना, सान्‍त्‍वना।

यशैया 40:2

यरूशलेमया मनूतय्‌त साहस ब्‍यु। इमित धा, इमिसं ताःइलंनिसें सास्‍ती नयावयाच्‍वंगु दु। आः इमिगु पाप क्षमा जूगु दु, इमिगु पापया लागिं जिं इमित पूरा सजाँय बियागु दु।

यशैया 49:13

हे आकाश, लय्‌तातां तसकं म्‍ये हा! हे पृथ्‍वी, लय्‌ता! हे पर्वतत कथुप्‍वाः चाय्‌काः तसकं म्‍ये हा! छाय्‌धाःसा परमप्रभुं थः प्रजायात सान्‍त्‍वना बियादीगु दु, अले दुःखकष्‍टय् लानाच्‍वंपिं प्रजातयात वय्‌कलं दयामाया यानादी।

यशैया 51:12

“छिमित सान्‍त्‍वना बीम्‍ह जि हे खः। सीनावनीपिं मनूतपाखें, घाँय् थें गनावनीपिं मनूतय् सन्‍तान खनाः छ छाय् ग्‍याये माःगु?

यशैया 51:3

परमप्रभुं धात्‍थें हे सियोनयात सान्‍त्‍वना बियादी, अले वय्‌कलं इमिगु झिजांमिजां दंगु थाय्‌यात दया यानादी, अले मरुभूमियात अदनया बगैँचा थें व अनयागु गंगु बँयात परमप्रभुया क्‍यब दय्‌कादी। अन लसता व आनन्‍द, सुभाय्‌या म्‍येया सः न्‍यनेदइ।

यशैया 66:10

“हे यरूशलेमयात माया याइपिं, छिपिं सकलें वनापं लय्‌ता, अले वयागु निंतिं लय्‌ता। हे वयागु निंतिं दुखं च्‍वनीपिं, आः लय्‌तायाः खुसि जु!

२ कोरिन्‍थी 1:3

झी प्रभु येशू ख्रीष्‍टया परमेश्‍वर व बाःयात झीसं सुभाय् बी हे माः। वय्‌कः दया माया दुम्‍ह व फुक्‍क कथंया सान्‍त्‍वना बियादीम्‍ह परमेश्‍वर खः।

२ कोरिन्‍थी 1:4

जिमित दुःखकष्‍ट जुइबलय् वय्‌कलं हे सान्‍त्‍वना बियादी। थुकथं परमेश्‍वरं हे थथे जिमित सान्‍त्‍वना बियादीगुलिं जिमिसं नं दुःखकष्‍ट सियाच्‍वंपिन्‍त सान्‍त्‍वना बी फु।

१ थेसलोनिकी 2:7

खः ला, ख्रीष्‍टया प्रेरित जूगुलिं जिमिसं थथे याये फुगु खः। अय्‌नं जिमिसं छिमित मांनं मस्‍तय्‌त सुसाःकुसाः याः थें तितिपापा याना तया।