यशैया 65:9 - नेवाः बाइबल

⁹ जिं याकूबपाखें सन्‍तानत व यहूदापाखें जिगु पर्वतय् अधिकार याइपिं हये। जिं ल्‍ययातयापिन्‍सं हे अन अधिकार याइ, अले जिमि प्रजा अन च्‍वनी।

यशैया 65:9 ပူးပေါင်းရင်းမြစ်များ

यशैया 27:6

आः वइगु दिनय् याकूबया सन्‍तान इस्राएलया मनूतय्‌सं हा कयाच्‍वनी। अले इस्राएल मुखू ह्वयावइ व फल सय्‌की अले फुक्‍क पृथ्‍वी फलं जाइ।

यशैया 30:19

हे यरूशलेमय् च्‍वंपिं सियोनया मनूत, हाकनं छिपिं ख्‍वयेमाली मखुत। छिपिं ग्‍वाहालिया निंतिं ख्‍वःगु सः तायेवं वय्‌कः गुलि दयां जाःम्‍ह जुयादी। छिमिगु बिन्‍ति न्‍यनेवं हे वय्‌कलं छिमित लिसः बियादी।

यशैया 32:18

जिमि प्रजा धाःसा शान्‍ति च्‍वनेगु थाय् जुइ, सुरक्षा दुगु छेँत, व हाःसः मदुगु आराम कायेगु थासय् च्‍वनी।

यशैया 45:19

जिं खिउँगु देशय् सुनां मसीक न्‍वमवाना, ‘जिं छन्‍त मफतय् माला’ धकाः याकूबया सन्‍तानयात मधया। जि परमप्रभुं सत्‍य नवाये, जिं पाय्‌छिगु खँ घोषणा याये।”

यशैया 45:25

तर परमप्रभुं हे फुक्‍क इस्राएलया सन्‍तानतय्‌त बचय् यानादी। इपिं सकसिनं वय्‌कःया प्रशंसा याइ।

यशैया 49:8

परमप्रभुं थथे धयादी, “जिं दयामाया यायेगु इलय् छन्‍त लिसः बी, अले उद्धारया दिनय् छन्‍त जिं ग्‍वाहालि याये। जिं छन्‍त जिमि मनूतलिसें जिगु बाचा चिनेत, देश हाकनं पलिस्‍था यायेत व उकिया नाश जूगु फुक्‍क सम्‍पत्ति हाकनं छिमिगु अधिकारय् हयेत,

यशैया 57:13

छिमिसं ग्‍वाहालिया निंतिं बिन्‍ति यायेबलय् छिमिसं मुंकागु मूर्तितय्‌सं छिमित बचय् यायेमा! फसं इमित ब्‍वय्‌कायंकी, छगू हे सासलं इपिं सकसित ब्‍वय्‌कायंकी। तर सुनां जिके शरण काइ वं देशय् अधिकार याइ, अले जिगु पवित्र पर्वतय् नं अधिकार याइ।”

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यशैया 65:15

छिमिसं थःपिनिगु नां जिं ल्‍ययापिनिगु निंतिं सरा कथं त्‍वःतावनि। अले जि, परमप्रभु परमेश्‍वरं छिमित स्‍यानाबी। तर जिं थः दासतय्‌गु निंतिं मेगु नां बी।

यशैया 65:22

इमिसं दय्‌कूगु छेँतय्‌के मेपिं बाय् च्‍वंवइगु गुबलें जुइ मखु, अले इमिसं प्‍यूगु दाखमाया फल मेपिन्‍सं नयेगु गुबलें जुइ मखु। छाय्‌धाःसा सिमाया आयु थें जिमि प्रजाया आयु जुइ, अले जिं ल्‍ययापिन्‍सं थःगु ल्‍हातं ज्‍या यानाः अप्‍वः दिं तक लय्‌तायाच्‍वनी।

इजकिएल 36:24

“‘जिं जाति जातितपाखें छिमित पित हये। फुक्‍क देशं छिमित मुंके, अले छिमित छिमिगु थःगु हे देशय् लित हये।

सपन्‍याह 3:20

उबलय् जिं छिमित मुंके अले छिमित छेँय् हये। जिं छिमिगु मिखाया न्‍ह्यःने हे छिमिगु भिंगु दिं लित बीबलय्, पृथ्‍वी न्‍यंक जिं धात्‍थें हे छिमिगु नां व प्रशंसा च्‍वन्‍ह्याकाबी,” परमप्रभु धयादी।

मत्ती 24:22

परमेश्‍वरं व ईयात चिहाकय्‌का मदीसा सुं हे बचय् जुइ मखु। वय्‌कलं थःम्‍हं ल्‍ययातःपिं मनूतय्‌गु निंतिं व ईयात चिहाकय्‌कादी।”

रोमी 11:28

छिमिसं भिंगु खँ न्‍यनाः इपिं परमेश्‍वरया शत्रु जुल। अय्‌नं वय्‌कलं इमि तापाःबाज्‍यापिन्‍त ल्‍यया तःगुलिं इपिं वय्‌कःया यःपिं खः।