यशैया 64:9 - नेवाः बाइबल

⁹ हे परमप्रभु तसकं तंपिकयादी मते, जिमिगु पाप न्‍ह्याबलें लुमंकादी मते। बिन्‍ति याये, जिमित दया यानादिसँ, छाय्‌धाःसा जिपिं फुक्‍कं छिकपिनि हे प्रजा खः।

यशैया 64:9 ပူးပေါင်းရင်းမြစ်များ

२ राजा 25:9

वं परमप्रभुया देगः, दरबार व शहरया फुक्‍क छेँय् मि तयाबिल। ततःखागु फुक्‍क छेँ वं छ्वयेकाबिल।

भजनसंग्रहया सफू 119:94

जि छिकपिनिम्‍ह हे खः, छिं जितः बचय् यानादिसँ, जिं छिगु उपदेश मालागु दु।

भजनसंग्रहया सफू 38:1

हे परमप्रभु, जितः तमय् ब्‍वःबियादी मते। थःगु तच्‍वःगु तमय् जितः सजाँय बियादी मते।

भजनसंग्रहया सफू 6:1

हे परमप्रभु! जितः तमय् ब्‍वःबियादी मते। थःगु तच्‍वःगु तमय् जितः सजाँय बियादी मते।

भजनसंग्रहया सफू 79:13

अले छिकपिनि मनू, छिकपिनि बथांया फै, जिमिसं छितः सदां सदां सुभाय् बियाच्‍वने, पुस्‍तां पुस्‍ता तकं छितः तःधंकाच्‍वने।

यशैया 43:25

“जि, जि व हे खः, गुम्‍हय्‌सिनं छंगु अपराध थःगु हे लागिं क्षमा यानाबी, जिं छंगु पाप गुबलें लुमंके मखु।

यशैया 57:17

जि इमिसं याःगु पाप व लोभया कारणं तंम्‍वयागु खः। जिं इमित सजाँय बिया, अले जिगु ख्‍वाः इपिंपाखें सुचुका। अय्‌नं इमिसं थःगु हे पहःचहलय् जिराहा जुयाच्‍वन।

यशैया 60:10

“परदेशीतय्‌सं छंगु पःखाः हाकनं दय्‌की, अले इमि जुजुतय्‌सं छंगु सेवा याइ। जिगु तमं जिं छन्‍त कय्‌का, अय्‌नं जिं छन्‍त दया याये।

यशैया 63:18

छिकपिनि प्रजां छुं ईया निंतिं जक छिगु पवित्र थासय् अधिकार याये खन। आः जिमि शत्रुतय्‌सं छिगु पवित्र थाय्‌यात न्‍हुत्तुन्‍हुगु दु।

यशैया 63:19

न्‍हापा न्‍हापांनिसें जिपिं ला छिकपिनिम्‍ह हे खः, तर जिपिं छिं गुबलें शासन यानामदीपिं प्रजा थें च्‍वं, जिपिं छिगु नां ज्‍वनाः मजुइपिं प्रजा थें च्‍वं।

यशैया 63:8

वय्‌कलं धयादिल, “धात्‍थें हे थुपिं जिमि प्रजा खः, उपिं काय्‌पिं गुपिन्‍सं जितः ध्‍वखा बी मखु।” अथे जुयाः वय्‌कः इमित मुक्ति बीम्‍ह जुयादिल।

यर्मिया 10:24

हे परमप्रभु, जितः भिंकादिसँ, तर खःगु न्‍यायनं जक, तंम्‍वयाः मखु, मखुसा जि नाश जुइ।

यर्मिया 3:12

उकिं छ वनाः उत्तर पाखे थ्‍व खँ धा, “हे विश्‍वास यायेबहः मजूम्‍ह इस्राएल, छ लिहां वा, जि छ खनाः तम्‍वये मखु, छाय्‌धाःसा जि दयामाया दुम्‍ह खः, जि न्‍ह्याबलें तंचायाच्‍वने मखु,” परमप्रभुं धयादी।

यर्मिया 44:21

“छिमिसं, छिमि पुर्खात, छिमि जुजुपिं व हाकिमत व देशयापिं मनूतय्‌सं यहूदाया शहर शहरय् व यरूशलेमया गल्‍लि गल्‍लिइ च्‍याकूगु धुपाँय्‌या बारे छु परमप्रभुयात लुमंसे मवः ला? छु! वय्‌कलं बिचाः याना मदिल ला?

विलाप 2:7

परमप्रभुं थःगु वेदीयात मनंनिसें त्‍वःतादीगु दु, थःगु पवित्र थाय्‌यात त्‍वःतादीगु दु। वयागु दरबारतय्‌गु अंगःत तछ्यायेत वय्‌कलं शत्रुतय्‌गु ल्‍हातय् बियादिल। इपिं परमप्रभुया देगलय् हे नखःचखःया दिनय् थें सः थ्‍वय्‌कः हाल।

विलाप 5:18

छाय्‌धाःसा सियोन पर्वत झिजांमिजां दंगु दु, ध्‍वंचात अन चाःहिलाः जुइ।

विलाप 5:20

छाय् छिं जिमित ल्‍वमंकाः च्‍वनादियागु? छाय् छिं थुलिमछि ई तक जिमित त्‍वतादियागु?

विलाप 5:22

छिं जिमित त्‍वःताः हे दियागु खः ला? छितः जिपिं खनाः तसकं तं पिहां वः ला?

इजकिएल 29:16

इस्राएलयापिं मनूतय्‌सं हाकनं गुबलें मिश्र देशयात भलसा याइ मखु। तर झीसं न्‍हापा मिश्रयात भलसा यानाः गुलि बांमलाःगु ज्‍या याना धकाः मिश्रयागु छ्यालब्‍याल जूगु अवस्‍थां इस्राएलयात सिइके बी। अनंलि इमिसं जि हे परमप्रभु परमेश्‍वर खः धकाः सी।’”

लेवी 26:31

जिं छिमिगु शहरत नाश यानाबी, छिमिगु पुजा यायेगु थाय्‌यात भज्‍यंक स्‍यंकाबी, अले छिमिसं ब्‍यूगु नस्‍वाः वःगु बलि नालाकाये मखु।

हबकूक 3:2

हे परमप्रभु, जिं छिगु बारे न्‍यनागु दु। हे परमप्रभु, छिं यानादीगु ज्‍या खनाः जि छक्‍क हे जुल। जिमिगु इलय् न्‍हूकथं थःगु ज्‍या क्‍यनादिसँ, जिमिगु इलय् व सीकेबियादिसँ। तंचायादीसां जिमित दया यानादिसँ।

मलाकी 1:4

एदोमीतय्‌सं धया जुइफु, “झीपिं नाश जुइ धुंकूसां झीसं उपिं शहरत हाकनं दय्‌के।” दक्‍व शक्ति दुम्‍ह परमप्रभुं धाःसा थथे धयादी, “इमिसं हाकनं दय्‌कूसां जिं उपिं स्‍यंकाबी। मनूतय्‌सं एदोमयात दुष्‍ट देश धकाः धाइ। परमप्रभु इपिं लिसे न्‍ह्याबलें तंचायादी धकाः मनूतय्‌सं धाइ।

२ पत्रुस 2:17

थज्‍याःपिं मनूत सुनावने धुंकूगु बुंगाःचा थें खः, अले हानं इपिं ग्‍वःफसं पुइके यंकूगु सुपाँय् थें खः। इमिगु निंतिं परमेश्‍वरं तसकं खिउँसे च्‍वंगु गाः दय्‌कादीगु दु।

प्रकाश 20:10

इमित थगय् याना जूम्‍ह शैतानयात ज्‍वनाः गन्‍धकयागु मि गालय् क्‍वफानाबिल। पशु व फताहा अगमवक्तायात नं अन हे क्‍वफाना तःगु दु। इमित अन सदां चच्‍छि न्‍हिच्‍छिं सास्‍ती याना तइ।