यशैया 64:4 - नेवाः बाइबल

⁴ थःगु लँ स्‍वइपिनिगु निंतिं ज्‍या यानादीम्‍ह छि थें ज्‍याःम्‍ह परमेश्‍वरयात संसारया शुरुंनिसें न न्‍हाय्‌पनं न्‍यंगु दु, न मिखां हे खंगु दु।

यशैया 64:4 ပူးပေါင်းရင်းမြစ်များ

उत्‍पत्ति 49:18

परमप्रभु! जि छिं उद्धार याइगु पियाच्‍वनागु दु।

एज्रा 9:7

जिमि पुर्खातय्‌गु इलंनिसें थौं तक हे जिमिसं तःधंगु पाप यानागु दु। जिमिगु पापं यानाः जिपिं, जिमि जुजु व पुजाहारीत विदेशी जुजुपिनिगु ल्‍हातय् लात। जिपिं मध्‍ये गुलिंसित स्‍यात, गुलिंसित ज्‍वनाः विदेशय् यंकल। जिमित लुटपाट यात, तसकं क्‍वह्यंकल, बेइज्‍जत यात। थौं तक नं अथे हे जुयाच्‍वंगु दु।

भजनसंग्रहया सफू 103:18

परमेश्‍वरं वय्‌कःया बाचा मानय् याइपिन्‍त व वय्‌कःया उपदेश पालन याइपिन्‍त दया यानादी।

भजनसंग्रहया सफू 130:5

जिं परमप्रभुयात पियाच्‍वना, जिं दुनुगलंनिसें हे वय्‌कःया लँ स्‍वयाच्‍वना। अले जिगु आशा वय्‌कःया वचनय् दु।

भजनसंग्रहया सफू 31:19

छिगु भय काइपिनिगु निंतिं छिं तयातयादीगु भिंगु खँ गुलि तःधं। अले थःगु शरणय् वइपिन्‍त सकसिगुं न्‍ह्यःने माक्‍व बियादी।

भजनसंग्रहया सफू 62:1

जिगु मनं परमेश्‍वरयाके जक झासु लनी। जिगु उद्धार वय्‌कःयापाखें जक जुइ।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यशैया 40:31

तर परमप्रभुयाके भलसा तइपिनिगु बल हाकनं न्‍हूगु जुइ। इपिं इमा थें च्‍वय् च्‍वय् ब्‍वया जुइ अले ब्‍वाँय् वनाः नं त्‍यानुचाइ मखु। इपिं न्‍यासि वनाः नं मूर्च्‍छा जुइ मखु।

यशैया 59:12

छाय्‌धाःसा जिमिगु द्वंबिद्वं छिगु न्‍ह्यःने यक्‍व दु, अले झीगु पापं हे झीगु विरोधय् साक्षी बी। जिमिगु द्वंबिद्वं जिपिंनापं हे दु अले जिमिगु अधर्मत जिमिसं नालाकाये।

यशैया 66:8

थज्‍याःगु खँ सुनां न्‍यंगु दु? थज्‍याःगु खँ सुनां खंगु दु? छु! छन्‍हुं हे छगू देश दय्‌के फइ ला? वा छुं भतिचा इलय् हे छगू जाति पिकाये फइ ला? अय्‌नं सियोनं ला ब्‍यथा शुरु जुइ सात हे थः मचात बुइकी।

दानिएल 9:15

“हे परमप्रभु जिमि परमेश्‍वर, छिं थः मनूतय्‌त बल्‍लाःगु ल्‍हातं मिश्र देशं पित हयाः थौं तक नं थःगु निंतिं नां तयादिल। जिमिसं पाप यानागु दु, जिमिसं मभिंगु ज्‍या यानागु दु।

दानिएल 9:5

जिमिसं पाप यानागु दु अले द्वंकागु दु। जिपिं मभिंपिं जुयागु दु अले विद्रोही जुयागु दु। जिपिं छिगु आज्ञा व नियमपाखें फहिला वनागु दु।

दानिएल 9:8

हे परमप्रभु, जिमि जुजुपिं, शासकत व पुर्खातय्‌सं छिगु विरोधय् वनाः पाप याःगुलिं जिपिं लज्‍याय् लाःगु दु।

होशे 7:7

इपिं दक्‍व भुतू थें क्‍वाइ, इमिसं थः शासकतय्‌त खतम याइ। इमि दक्‍व जुजुतय्‌त स्‍याइ, तर इपिं मध्‍ये सुनानं ग्‍वाहालिया निंतिं प्रार्थना याइ मखु।

जकरिया 10:9

जिं इमित थीथी मनूतय्‌थाय् छ्यालब्‍याल यानाः ब्‍यूसां, इमिसं जितः लुमंका हे च्‍वनी। इपिं व इमि मस्‍त बचय् जुइ। अले इपिं लिहां वइ।

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

लूका 2:25

अबलय् यरूशलेमय् शिमियोन धाःम्‍ह छम्‍ह मनू दु। थ्‍व मनू तसकं धर्मीम्‍ह व परमेश्‍वरया भक्त खः। व इस्राएलीतय्‌गु उद्धार जुइगु दिं स्‍वयेत पियाच्‍वंम्‍ह खः। पवित्र आत्‍मा वयाके च्‍वनादीगु दु।

यूहन्‍ना 14:3

जि वनाः छिमित थाय् दय्‌के धुंकाः हानं वयाः छिमित जि च्‍वनेथाय् ब्‍वनायंके। अले छिपिं जिनापं च्‍वनी।

रोमी 8:19

फुक्‍क सृष्‍टि परमेश्‍वरं थः सन्‍तानतय्‌त क्‍यनेगु दिं स्‍वयेत आय्‌बुया च्‍वंगु दु।

१ कोरिन्‍थी 1:7

अय्‌जूगुलिं येशू ख्रीष्‍ट झायादी तिनि धकाः छिपिं पियाच्‍वंगुलिं छिमित छुं नं आत्‍मिक वरदान मगाःमचाः जुइ मखु।

१ थेसलोनिकी 1:10

छिमिसं परमेश्‍वरया काय् स्‍वर्गं झाइतिनि धकाः लँ स्‍वयाच्‍वंगु दु हं। वय्‌कः परमेश्‍वरं सीम्‍हं म्‍वाकादीम्‍ह येशू खः। न्‍याय याइबलय् वय्‌कलं झीत बचय् यानादी।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

हिब्रू 11:16

तर इमिसं व स्‍वयाः भिंगु व बांलाःगु स्‍वर्गयागु देशय् वनेगु मनंतुनाच्‍वंगु दु। उकिं परमेश्‍वरं नं थःत इमि परमेश्‍वर खः धकाः धयादीत लज्‍या चायामदी, छाय्‌धाःसा वय्‌कलं इमिगु निंतिं छगू शहर हे दय्‌कादीगु दु।

याकूब 5:7

दाजुकिजापिं, प्रभु मझातले मन तया च्‍वँ। बाली लये दइगु आशां मनूतय्‌सं बाली पिनाः वा मवतले मन तयाः पियाच्‍वनी।

१ यूहन्‍ना 4:10

झीसं परमेश्‍वरयात माया यानागु मखु, बरु वय्‌कलं हे झीत माया यानादीगुलिं झीगु पाप क्षमा यानाबीत थः हे काय्‌यात बलिदान यायेत छ्वयाहयादिल – माया धयागु थ्‍व हे खः।