यशैया 64:3 - नेवाः बाइबल

³ गुबलय् छिं तःधंगु ज्‍या यानादी, व जिमिसं मति हे तयागु मदु, अनंलि छि क्‍वहां झायादिल, अले पर्वतत छिगु न्‍ह्यःने थुरथुर खात।

यशैया 64:3 ပူးပေါင်းရင်းမြစ်များ

२ शमूएल 7:23

अले छिगु जाति इस्राएल थें ज्‍याःगु जाति मेगु छु जाति दु धकाः? थः हे मू पुलाः त्‍वःतकेत झाःगु पृथ्‍वीइ मेगु छुं जाति दु ला? छिं मिश्रं थः मनूतय्‌त मू पुलाः त्‍वःतकाः थःगु नां तःधंकादिल, छिं अजू चायापुगु ज्‍या क्‍यनादिल अले छि थःमनूतय्‌गु लँय् दंपिं जाति जातियात व इमि द्यःतय्‌त ख्‍याना छ्वयादिल।

भजनसंग्रहया सफू 106:22

गुम्‍हय्‌सिनं हामया देशय् अजू चायापुगु ज्‍या व लाल समुद्रय् ग्‍यानपुसे च्‍वंगु ज्‍या यानादीगु खः।

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

भजनसंग्रहया सफू 66:5

परमेश्‍वरं छु यानादिल धकाः स्‍वः वा, वय्‌कलं मनूतय्‌थाय् गज्‍याः गज्‍याःगु अजू चायापुगु ज्‍या यानादिल।

भजनसंग्रहया सफू 68:8

इस्राएलया परमेश्‍वर, सीनै पर्वतय् खनेदय्‌कः झाःम्‍ह परमेश्‍वरया न्‍ह्यःने पृथ्‍वी लिगिलिगि सन व स्‍वर्गं वा गात।

भजनसंग्रहया सफू 76:12

वय्‌कलं शासकतय्‌गु घमण्‍डयात नचुकादी। पृथ्‍वीया जुजुत वय्‌कः खनाः ग्‍याइ।

प्रस्‍थान 34:10

अले परमप्रभुं धयादिल, “स्‍व, जिं छनापं छगू बाचा चिने। पृथ्‍वीइ फुक्‍कं जातितय् दथुइ गुबलें मजूगु अजू चायापुगु ज्‍या जिं छिमि मनूतय् न्‍ह्यःने यानाक्‍यने। अले छिमिगु दथुइ च्‍वनाच्‍वंपिं मनूतय्‌सं परमप्रभुया ज्‍या खनी, छाय्‌धाःसा जिं छपाखें छगू तःधंगु ज्‍या याये।

यशैया 5:25

अथे जुयाः परमप्रभु थः प्रजालिसे तंचायादीगु दु अले इमित सजाँय बीत थःगु ल्‍हाः ल्‍ह्वनादीगु दु। पर्वतत थरथर खाइ अले सीम्‍हत धू थें लँय् अथें हे वांछ्वया तइ। तर उलि जुलं नं परमप्रभुया तं क्‍वलाइ मखुनि अले इमित सजाँय बीत वय्‌कःया ल्‍हाः ल्‍ह्वना तुं च्‍वनादी।

यशैया 64:1

छि आकाश चीकाः क्‍वहां झाःगु जूसा व पर्वतत छिगु न्‍ह्यःने थुरथुर खाःगु जूसा ज्‍यूगु।

हबकूक 3:3

परमेश्‍वर तेमानं झायादीगु दु पवित्र परमेश्‍वर पारान डाँडापाखें। सेला वय्‌कःया महिमां स्‍वर्ग त्‍वःपुल, अले पृथ्‍वी वय्‌कःया प्रशंसां जाल।

हबकूक 3:6

वय्‌कः जुइगु दिनाः पृथ्‍वीयात संकादिल। वय्‌कलं स्‍वयादिल, अले जात जातित थुरथुर खात। न्‍हापांनिसें दुगु पहाड पर्वतत कुचा कुचा जुल, उपिं पुलांगु डाँडात क्‍वदल। वय्‌कः सदां झाया हे च्‍वनादी।

व्‍यवस्‍था 10:21

वय्‌कः हे च्‍वछाये बहःम्‍ह छिमि परमेश्‍वर खः। वय्‌कलं छिमिगु निंतिं छिमिसं खंक हे तःधंगु व ग्‍यानपुसे च्‍वंगु अजू चाइपुगु ज्‍या यानादिल।

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?