यशैया 64:2 - नेवाः बाइबल

² मिं झाःत च्‍या थें अले लः ग्‍वाराग्‍वारां दाय्‌कू थें, थः शत्रुतय्‌त थःगु शक्ति क्‍यनेत अले जाति– जातितय्‌त थरथर खाकेत छि क्‍वहां झासँ।

यशैया 64:2 ပူးပေါင်းရင်းမြစ်များ

भजनसंग्रहया सफू 106:8

अय्‌नं वय्‌कलं थःम्‍हं बचं बियादीगु थें थःगु तःधंगु शक्ति क्‍यनेत इमित बचय् यानादिल।

भजनसंग्रहया सफू 46:10

“सुम्‍क च्‍वँ! जि परमेश्‍वर खः धकाः सीकि! जितः फुक्‍क जातियापिन्‍सं तःधंकी, संसारय् न्‍यंकभनं जितः तःधंकी।”

भजनसंग्रहया सफू 79:10

जाति जातियापिन्‍सं जिमिके “छिमि परमेश्‍वर गन दु” धकाः छाय् न्‍यनाच्‍वन? छिं जिमिगु मिखा न्‍ह्यःने छिकपिनि दासतय्‌गु हिबाः वय्‌कूगुया ब्‍वला साइतिनि धकाः जात जातियापिन्‍त क्‍यनादिसँ।

भजनसंग्रहया सफू 83:13

हे जिमि परमेश्‍वर, धू थें, फसं ब्‍वयेकूगु सुपः थें इमित छ्यालब्‍याल यानादिसँ।

भजनसंग्रहया सफू 9:20

हे परमप्रभु, इमित ख्‍यानादिसँ! जाति जातियापिन्‍त थःपिं सीमानिपिं खः धकाः सीकेबियादिसँ। सेला

भजनसंग्रहया सफू 99:1

परमप्रभु जुजु खः, मनूत ग्‍यायेमा। वय्‌कः करूबतय् दथुइ च्‍वनादीगु दु। पृथ्‍वी लिगिलिगि सनेमा।

प्रस्‍थान 14:4

जिं मिश्रया जुजु फारोया नुगः छाय्‌काबी, वं छिमित ल्‍यू वइ। जिं फारो व वया सेनायात त्‍याके, अले जिगु महिमा जुइ। मिश्रीतय्‌सं जि हे परमप्रभु खः धकाः सीकी।” इस्राएलीतय्‌सं अथे हे यात।

यशैया 28:21

वय्‌कःया ज्‍या, थःगु गज्‍जबगु ज्‍या पूवंकादीत परमप्रभु पराजीम पर्वतय् दनादी थें दनादी, गिबोनया ब्‍यासि वय्‌कः झायादी थें झाइ।

यशैया 37:20

आः हे परमप्रभु, जिमि परमेश्‍वर, जिमित वयागु ल्‍हातं त्‍वःतकादिसँ, अले संसारया फुक्‍क देशं छि परमप्रभु जक परमेश्‍वर खः धकाः सीमा।”

यशैया 63:12

वय्‌कः गन दी? गुम्‍हय्‌सिनं थःगु बल्‍लाःगु ल्‍हाः मोशाया जव ल्‍हाःपाखे न्‍ह्यज्‍याकादिल, गुम्‍हय्‌सिनं सदां सदांया निंतिं थःगु नां जाय्‌केत इमिगु हे न्‍ह्यःने लःयात निगू भाग यानादिल।

यर्मिया 33:9

अले थुकिया निंतिं जिं यानागु फुक्‍क भिंगु भिंगु ज्‍याया बारे न्‍यनीपिं थ्‍व संसारया फुक्‍क जातितय्‌गु न्‍ह्यःने थ्‍व शहरं जितः नां, लसता व हनाबना हयाबी। जिं थुकिया लागि यानागु फुक्‍क भिंगु ज्‍याया बारे उपिं जातितय्‌सं न्‍यनी, अले जिं थुकियात बियागु गाक्‍क सुख शान्‍तिया कारणं इपिं ग्‍यानाः थुरथुर खाइ।’

यर्मिया 5:22

छिपिं जिलिसें ग्‍याये म्‍वाः ला?” परमप्रभुं धयादी। “छिपिं जिगु न्‍ह्यःने थरथर खाये म्‍वाः ला? जिं फियात समुद्रं पुलावने मफइगु न्‍ह्याबलें दयाच्‍वनीगु पंगःया सिमाना यानाबिया। अले थुकिया लबुत थाहां वःसां उपिं त्‍याइ मखु। उपिं थ्‍वय्‌क हाःसां उकियात पुलावने फइ मखु।

आमोस 4:12

“अथे जुयाः अय् इस्राएलयापिं मनूत, जिं छिमित सजाँय बी, जिं अथे याः हे याये। अय् इस्राएलयापिं मनूत जिं अथे याये त्‍यनागुलिं छिपिं परमेश्‍वरया न्‍ह्यःने वयेत तयार जु।”

मीका 1:4

वय्‌कःया क्‍वय् पहाडत नायावनी, अले ब्‍यासित निब्‍व जुइ। पहाडत मिइ मैन नायावं थें नायावनी, भीरं लः क्‍वहां वः थें ल्‍वहंत सुल्‍ल क्‍वहां वनी।

जकरिया 14:4

उखुन्‍हु हे वय्‌कः यरूशलेमयागु पुर्बपाखे जैतून डाँडाय् दनादी। अबलय् जैतून डाँडा पुर्बंनिसें पच्‍छिम तक दथु दथुं चिरिबायाः तःधंगु गाः जुइ। बच्‍छि डाँडा उत्तरपाखे व बच्‍छि डाँडा दच्‍छिनपाखे चिलावनी।

व्‍यवस्‍था 2:25

थनिंनिसें आकाशया क्‍वय् दुपिं सकलें जातितय्‌गु मनय् छिमिगु ग्‍याःचिकु तयाबी। छिमिगु खँ न्‍यनाः इपिं थुरथुर खाइ अले इमिगु नुगः भाराभारा मिनी।”