यशैया 64:1 - नेवाः बाइबल

¹ छि आकाश चीकाः क्‍वहां झाःगु जूसा व पर्वतत छिगु न्‍ह्यःने थुरथुर खाःगु जूसा ज्‍यूगु।

यशैया 64:1 ပူးပေါင်းရင်းမြစ်များ

भजनसंग्रहया सफू 46:6

जाति जातियापिं मनूतय् दथुइ तसकं हल्‍लाखल्‍ला जुल, राज्‍य-राज्‍य लिगिलिगि सनाः क्‍वःदल वय्‌कलं थःगु सः पिकयादिल, पृथ्‍वी नायावन।

भजनसंग्रहया सफू 68:8

इस्राएलया परमेश्‍वर, सीनै पर्वतय् खनेदय्‌कः झाःम्‍ह परमेश्‍वरया न्‍ह्यःने पृथ्‍वी लिगिलिगि सन व स्‍वर्गं वा गात।

भजनसंग्रहया सफू 79:10

जाति जातियापिन्‍सं जिमिके “छिमि परमेश्‍वर गन दु” धकाः छाय् न्‍यनाच्‍वन? छिं जिमिगु मिखा न्‍ह्यःने छिकपिनि दासतय्‌गु हिबाः वय्‌कूगुया ब्‍वला साइतिनि धकाः जात जातियापिन्‍त क्‍यनादिसँ।

प्रस्‍थान 19:11

अले इपिं स्‍वन्‍हु खुन्‍हु तक तयार जुइमाः। छाय्‌धाःसा थनिं स्‍वन्‍हु लिपा परमप्रभु सीनै पर्वतय् सकसिनं खंक झाइ।

प्रस्‍थान 3:8

अथे जुयाः इमित मिश्रीतय्‌गु ल्‍हातं त्‍वःतकाः व देशं मेगु भिंगु व तःधंगु दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् हयेत जि क्‍वहां वयागु दु।

यशैया 41:15

“स्‍व, जिं छन्‍त छगू न्‍हूगु व च्‍वामुसे च्‍वंगु नकिं दुगु अन्‍न दायेगु पाता दय्‌काबी। छं पर्वततय्‌त तासय् याइ अले उकियात दायाः छ्वस याइ।

यशैया 63:15

स्‍वर्गं स्‍वयादिसँ, अले थःगु दक्‍वसिबय् च्‍वय्‌यागु पवित्र व महिमां जाःगु सिंहासनं क्‍वय् स्‍वयादिसँ। छिगु जोश व शक्ति गन वन? छिं जिपिंपाखें छिगु क्‍वमिलुसु व दयामाया लितकाःगु दु।

यशैया 63:19

न्‍हापा न्‍हापांनिसें जिपिं ला छिकपिनिम्‍ह हे खः, तर जिपिं छिं गुबलें शासन यानामदीपिं प्रजा थें च्‍वं, जिपिं छिगु नां ज्‍वनाः मजुइपिं प्रजा थें च्‍वं।

आमोस 9:13

परमप्रभुं धयादी, “थज्‍याःगु दिं वयाच्‍वंगु दु,” “गुबलय् छिमिके यक्‍व अन्‍न बाली दइ, छिमिसं फुक्‍क छ्व बुँपालेगु ई स्‍वयाः न्‍ह्यः हये फइ मखु,” दाखमद्य दय्‌केगु स्‍वयाः याकनं दाख सइ। पर्वत व डाँडां क्‍वहां वयाच्‍वंगु थें तसकं साःगु दाखमद्य जुइ।

आमोस 9:5

दक्‍व शक्ति दुम्‍ह परमप्रभु परमेश्‍वर वय्‌कः हे खः, गुम्‍हं पृथ्‍वीयात थीबलय् व नायावनी, उकी च्‍वंपिं दक्‍वसिनं दुखं च्‍वनी। पृथ्‍वी खुसिबाःया इलय् नील खुसि थें थाहां वइ अले मिश्र देशया खुसि थें क्‍वहां वनी।

जकरिया 14:4

उखुन्‍हु हे वय्‌कः यरूशलेमयागु पुर्बपाखे जैतून डाँडाय् दनादी। अबलय् जैतून डाँडा पुर्बंनिसें पच्‍छिम तक दथु दथुं चिरिबायाः तःधंगु गाः जुइ। बच्‍छि डाँडा उत्तरपाखे व बच्‍छि डाँडा दच्‍छिनपाखे चिलावनी।

मर्कूस 1:10

लखं थाहां झाःबलय् वय्‌कलं स्‍वर्ग चालावंगु व पवित्र आत्‍मा सुकुभतु जुयाः थःपाखे कुहां वयाच्‍वंगु खन।

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।