यशैया 63:3 - नेवाः बाइबल

³ “जि याकःचां हे दाखयात तुतिं न्‍हुत्तुन्‍हुया, सुं नं जातित जिनापं मदु। जिं तमं इमित न्‍हुत्तुन्‍हुया तीसिना, अले जिं झ्‍वँकय् इमित न्‍हुत्तुन्‍हुया। इमिगु हिया फुति जिगु वसतय् लाःगु दु, अले जिगु वसः फुक्‍कं हिया हिं जाःगु दु।

यशैया 63:3 ပူးပေါင်းရင်းမြစ်များ

उत्‍पत्ति 49:11

वं थः गधायात भिंगु दाखमाय् ची अले गधाया मचायात भिंगु कचाय् ची। वं थःगु वसः दाखमद्यय् ही अले भान्‍तां लंयात दाखया रसय् ही।

२ राजा 9:33

येहूं धाल, “वयात क्‍वफानाछ्व!” उकिं इमिसं वयात क्‍वफानाछ्वल। वयागु हिया फुति अंगलय् लात अले सलतय्‌सं वयात न्‍हूबलय् इमिगु म्‍हय् नं हिया फुति लात।

अय्‍यूब 40:12

फुक्‍क घमण्‍डी मनूयात स्‍वयाः इमित क्‍वय् क्‍वका। इपिं दनाच्‍वंगु थासय् हे दुष्‍ट मनूतय्‌त काच्‍याक कुचुक यानाब्‍यु!

भजनसंग्रहया सफू 60:12

परमेश्‍वरया ग्‍वाहालिं जिमिसं त्‍याके, वय्‌कलं जिमि शत्रुतय्‌त बुकादी।

यशैया 22:5

दर्शनया ब्‍यासिइ प्रभु, दक्‍व शक्ति दुम्‍ह परमप्रभुपाखें जू वःगु थ्‍व हाःहू व तुतिं न्‍हुत्तुन्‍हुयेगु व भयया दिं खः, पर्वतय् ग्‍वाहालि फ्‍वनेगु दिं।

यशैया 25:10

थ्‍व पर्वतयात परमप्रभुं रक्षा यानादी मोआबया मनूतय्‌त धाःसा छ्वालियात सौलय् न्‍हुत्तुन्‍हु थें न्‍हुयादी।

यशैया 28:3

एफ्राइमया अय्‌लाःगुलुतय्‌गु घमण्‍डया श्रीपेचयात, पालि तलय् तयाः न्‍हुत्तुन्‍हुइतिनि।

यशैया 59:17

वय्‌कलं धार्मिकताया छाती-पाता, व छेनय् मुक्तिया तपुलि पुयादिल। अले वय्‌कलं ब्‍वला काइगु वसः पुयादिल, अले जोसयात लं थें पुनादिल।

यशैया 63:6

तमं जिं जाति जातितय्‌त न्‍हुत्तुन्‍हुया। जिगु तमं इमित काय्‌का बिया, अले जिं इमिगु जीवनया हि बँय् प्‍वंकाबिया।”

विलाप 1:15

“परमप्रभुं जितः रक्षा याइपिं दकलय् बल्‍लाःपिं फुक्‍क सिपाइँतय्‌त क्‍वह्यंकादीगु दु। वय्‌कलं जिमि ल्‍याय्‌म्‍हपिं मनूत नाश यायेत सिपाइँत छ्वयादिल। दाखयात तिसीगु थें परमप्रभुं जितः, यहूदाया कन्‍या म्‍ह्याय्‌यात तिसिनादिल।

योएल 3:13

इँचा संकि, छाय्‌धाःसा छ्व लय्‌गु ई जुइ धुंकल। वा, दाखयात न्‍हुत्तुन्‍हु, छाय्‌धाःसा दाखतिसिगु थाय् जाये धुंकल, दाखति तइगु गाः जायाः भय्‌भय् बिल। इपिं तसकं मभिंना वने धुंकल।”

मीका 7:10

“जितः परमप्रभु छिमि परमेश्‍वर गन दु?” धकाः धाइम्‍ह जि शत्रु थ्‍व खनाः तसकं मछाली। अले जिगु मिखां व क्‍वःदःगु खनी। वयात गल्‍लि गल्‍लिइ ध्‍याचःयात थें न्‍हुत्तुन्‍हुइ।

जकरिया 10:5

इपिं लडाइँलय् थः शत्रुतय्‌त लँया धुलय् न्‍हुत्तु न्‍हुइपिं बल्‍लाःपिं सिपाइँत थें जुइ। परमप्रभु इपिं लिसे दीगुलिं इमिसं सल गयाः वइपिं सिपाइँतय्‌त नं बुकी।

मलाकी 4:3

जिं थ्‍व ज्‍या यायेगु दिनय् छिमिसं दुष्‍टतय्‌त तुतिं न्‍हुइ, अले इपिं छिमिगु तुति क्‍वय्‌यागु नउ थें जुइ,” दक्‍व शक्ति दुम्‍ह परमप्रभुं धयादी।