यशैया 61:6 - नेवाः बाइबल

⁶ अले छिमित परमप्रभुया पुजाहारी धकाः धाइ, छिमित झी परमेश्‍वरया दासया नां बी। छिमिसं जाति-जातितय्‌गु धन सम्‍पत्तिं नइ, अले इमिगु हे धन-सम्‍पत्ति छिमिगु निंतिं फुइँ जुइ।

यशैया 61:6 ပူးပေါင်းရင်းမြစ်များ

प्रस्‍थान 19:6

छिपिं जिगु निंतिं पुजाहारीतय्‌गु छगू राज्‍य व छगू पवित्र जाति जुइ।’ छं इस्राएलीतय्‌त धायेमाःगु खँ थ्‍व हे खः।”

यशैया 23:18

अय्‌नं वयागु लबः व वं कमय् याःगु परमप्रभुया निंतिं अलग तइ। वं कमय् याःगु धन मुंकेगु याइ मखु। वयागु ब्‍यापारं वःगु लबः परमप्रभुया मनूतय्‌गु निंतिं माक्‍वः नयेगु नसा व पुनेत बांबांलाःगु वसःया निंतिं जुइ।

यशैया 54:3

छाय्‌धाःसा छ अप्‍वयाः जवंखवं न्‍यनावनी, अले छिमि सन्‍तानतय्‌सं मेमेगु जातियात पितिनाछ्वइ, अले इपिं इमिगु झिजांमिजां दंगु शहरय् च्‍वनी।

यशैया 56:6

परमप्रभुया सेवा यायेत, परमप्रभुया नांयात माया यायेत व वय्‌कःया आराधना यायेत, विश्रामबार सदां मानय् यायेत अले जि व जि मनूतय्‌गु दथुइया बाचायात विश्‍वास यायेबहः जुयाः पालन यायेत परमप्रभुलिसें थःत मिलय् याःपिं परदेशीतय्‌त धाःसा,

यशैया 66:12

परमप्रभुं थथे धयादी, “जिं शान्‍तियात खुसि थें अले जाति-जातितय्‌गु सम्‍पत्ति खुसिबाः थें यरूशलेमपाखे न्‍ह्याकाबी। छिमिसं दुरु त्‍वनेखनी अले छिमित ब्‍वहलय् क्‍वबियायंकी, अले मुलय् म्‍हितकीगु याइ।

यशैया 66:21

अले इपिं मध्‍ये गुलिसित पुजाहारी व लेवी जुइत जिं ल्‍यये,” परमप्रभुं धयादी।

यर्मिया 33:18

अले लेवी पुजाहारीतय्‌गु वंशय् न्‍हियान्‍हिथं जिगु लागि होमबलि छाइम्‍ह, अन्‍नबलि छ्वय्‌किम्‍ह व मेमेगु बलि छाइम्‍ह न्‍ह्याबलें दया हे च्‍वनी।’”

इजकिएल 14:11

अले इस्राएलया मनूत जिपाखें गुबलें थुखे उखे वनी मखु, इमिसं थःगु फुक्‍क पापं थःत अशुद्ध याइ मखु। इपिं जिम्‍ह प्रजा जुइ, अले जि इमि परमेश्‍वर जुये, परमप्रभु परमेश्‍वरं धयादी।’”

रोमी 12:1

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

१ कोरिन्‍थी 3:5

अपोल्‍लोस धाःम्‍ह सु खः धकाः? अथे हे पावल धाःम्‍ह सु खः धकाः? जिपिं निम्‍हं छिमित प्रभुयागु भिंगु खँ कनाः विश्‍वास याकापिं परमेश्‍वरया च्‍यःत जक खः। प्रभुं जिमित याकेबियादी थें जिमिसं यानाच्‍वनागु खः।

१ कोरिन्‍थी 4:1

जिपिं परमेश्‍वरयागु गुप्‍ति खँ लःल्‍हाना तःपिं ख्रीष्‍टया च्‍यःत खः धकाः छिमिसं भाःपीमाः।

२ कोरिन्‍थी 11:23

इपिं ख्रीष्‍टया च्‍यः खःसा जि झन इपिं स्‍वयाः भिंम्‍ह च्‍यः खः। थथे धायेबलय् जि वें थें च्‍वने फु। तर जिं थाकुक्‍क ज्‍या यानागु दु, तःकः मछि झ्‍यालखानाय् नं च्‍वना। तःकः मछि हे जितः कोर्रां दाःगु दु, तःकः मछि जितः सितुपातु वंक दाःगु दु।

२ कोरिन्‍थी 6:4

न्‍ह्यागु हे याःसां जिपिं परमेश्‍वरयागु ज्‍या याइपिं मनूत खः धकाः क्‍यना। सह यानाः सह याये मफयेगु दुःखकष्‍ट जुलं नं, नये मखनं नं, अले तसकं थाकुलं नं जिमिसं सह यानाच्‍वना।

व्‍यवस्‍था 18:2

इस्राएलया मेगु कुलतय्‌त थें इमित सर्बय दइ मखु। परमप्रभुं बचं बियादीगु थें वय्‌कः हे इमिगु सर्बय खः।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

प्रकाश 1:6

वय्‌कलं परमेश्‍वर बाःयागु सेवा यायेत धकाः झीपाखें पुजाहारीतय्‌गु छगू राज्‍य स्‍वनादिल। येशू ख्रीष्‍टया न्‍ह्याबलें महिमा व आदर जुयाच्‍वनेमा। आमेन!

प्रकाश 20:6

सीपिं म्‍वाना वःगुली ब्‍वति काये दुम्‍ह मनू धात्‍थें हे धन्‍यम्‍ह व पवित्रम्‍ह खः। थुपिं हानं सी माली मखु, बरु थुपिं परमेश्‍वर व ख्रीष्‍टया पुजाहारीत जुयाच्‍वने दइ। अले वय्‌कः नाप इमिसं नं द्वःछि दँ तक राज्‍य याये खनी।

प्रकाश 5:10

छिं हे इमित झी परमेश्‍वरया सेवा यायेत छगू राज्‍य व पुजाहारीत दय्‌कादिल। अले इमिसं संसारय् राज्‍य याइ।”