यशैया 61:4 - नेवाः बाइबल

⁴ इमिसं न्‍हापांनिसें नाश जुयाच्‍वंगु शहरत हाकनं दय्‌की। नाश जुयाच्‍वंगु थाय्‌त हाकनं दय्‌की, पुस्‍तौं पुस्‍तांनिसें दुनाच्‍वंगु छेँत दुगु शहरतय्‌त इमिसं हाकनं न्‍हूगु यानाः दय्‌की।

यशैया 61:4 ပူးပေါင်းရင်းမြစ်များ

एज्रा 9:9

जिपिं दासत जूसां झी परमेश्‍वरं जिमित व हे अवस्‍थाय् त्‍वःतामदी। छिगु कारणं फारसयाम्‍ह जुजुं जिमित ग्‍वाहालि याःगु दु। थ्‍व छिं जिमित न्‍हूगु जीवन बियादीगु थें खः। छिं जिमित छिगु देगः दय्‌केबिल अले जिमित यहूदा व यरूशलेमय् आराम बियादिल।

भजनसंग्रहया सफू 46:8

वा, परमप्रभुया ज्‍या स्‍व, वय्‌कलं संसारय् गुकथं नाश हयादिल।

भजनसंग्रहया सफू 74:3

शत्रुतय्‌सं देगलय् च्‍वंगु फुक्‍कं नाश यानाबिल। थुखेपाखे नं थःगु पलाः न्‍ह्याकादिसँ।

यशैया 52:9

हे यरूशलेमया भज्‍यंक नाश जूगु थाय्‌त, लसतां छसलं म्‍ये हा, छाय्‌धाःसा परमप्रभुं थः प्रजायात सान्‍त्‍वना बियादीगु दु। वय्‌कलं मू पुलाः यरूशलेमयात त्‍वःतकादीगु दु।

यशैया 58:12

छिमि मनूतय्‌सं दुनाच्‍वंगु छेँत हाकनं दय्‌की। यक्‍व पुलांगु जगत इमिसं ल्‍ह्वनी। छिमित ‘दुनाच्‍वंगु पःखाःत दय्‌कीपिं,’ अले ‘च्‍वनीगु छेँया निंतिं हाकनं न्‍हूगु लँपु दय्‌कीपिं’ धकाः धाइ।”

मीका 7:11

हे इस्राएल, छिमिगु पःखाःत दय्‌कीगु दिं वइ, छिमिगु सिमाना तापाक तक अप्‍वय्‌केगु दिं वइ।

जकरिया 1:17

“अज्‍ज नं न्‍यंकि– दक्‍व शक्ति दुम्‍ह परमप्रभुं धयादी, ‘जिगु शहरत हाकनं च्‍वन्‍ह्याइ, अले परमप्रभुं सियोनयात हाकनं शान्‍ति बियादी अले यरूशलेमयात हाकनं ल्‍ययादी।’”