यशैया 61:2 - नेवाः बाइबल

² वय्‌कलं जितः परमप्रभुं दयामाया याइगु दँ व झी परमेश्‍वरया बदला कायेगु दिं घोषणा यायेत, फुक्‍क दुखं च्‍वनाच्‍वंपिंन्‍त सान्‍त्‍वना बीत छ्वयाहयादीगु खः।

यशैया 61:2 ပူးပေါင်းရင်းမြစ်များ

यशैया 1:24

अथे जुयाः प्रभु, दक्‍व शक्ति दुम्‍ह परमप्रभु, इस्राएलया बल्‍लाःम्‍हय्‌सिनं धयादी, “आहा! जिं जिमि शत्रुतय्‌त जिगु तं क्‍यने, अले जिगु विरोध याःगुया बदला काये,

यशैया 13:6

ततःसलं हालाः ख्‍व! परमप्रभुया दिं लिक्‍क हे वःगु दु। व दिनय् दक्‍व शक्ति दुम्‍ह परमप्रभुं नाश यानादी।

यशैया 2:12

उखुन्‍हु दक्‍व शक्ति दुम्‍ह परमप्रभुं फुइँ यानाजुइपिं व तःधंछुया जुइपिं सकसित क्‍वमिलु यानादी।

यशैया 25:8

वय्‌कलं मृत्‍युयात सदांया निंतिं नुनाछ्वयादी। परमप्रभु परमेश्‍वरं फुक्‍कसिगु मिखां ख्‍वःबि हुयादी। वय्‌कलं फुक्‍क पृथ्‍वीं थः प्रजाया बदनामी चीकाः छ्वयादी। परमप्रभु थःम्‍हं हे थ्‍व खँ धयादीगु दु।

यशैया 34:2

परमप्रभु फुक्‍क देशयापिं मनूतनापं तंपिकयादीगु दु। वय्‌कःया तं इमि फुक्‍क सिपाइँतय्‌त लाःगु दु। वय्‌कलं इमित धात्‍थें हे भज्‍यंक नाश यानादी। वय्‌कलं इमित मनू स्‍याइपिनिगु ल्‍हातय् तयादीगु दु।

यशैया 34:8

परमप्रभुं सियोनया पंलिनाः बदला कायेगु छगू दिं दु व सजाँय बीगु छगू दँ दु।

यशैया 35:4

नुगलय् भय दुपिन्‍त धा, “साहस या, ग्‍याये मते। छिमि परमेश्‍वर शत्रुतय्‌त सजाँय बीत झायादी, अले छिमित बचय् यायेत परमेश्‍वरया बदलानापं झायादी।”

यशैया 40:1

छिमि परमेश्‍वरं धयादी, जिमि प्रजायात सान्‍त्‍वना, सान्‍त्‍वना।

यशैया 49:8

परमप्रभुं थथे धयादी, “जिं दयामाया यायेगु इलय् छन्‍त लिसः बी, अले उद्धारया दिनय् छन्‍त जिं ग्‍वाहालि याये। जिं छन्‍त जिमि मनूतलिसें जिगु बाचा चिनेत, देश हाकनं पलिस्‍था यायेत व उकिया नाश जूगु फुक्‍क सम्‍पत्ति हाकनं छिमिगु अधिकारय् हयेत,

यशैया 51:12

“छिमित सान्‍त्‍वना बीम्‍ह जि हे खः। सीनावनीपिं मनूतपाखें, घाँय् थें गनावनीपिं मनूतय् सन्‍तान खनाः छ छाय् ग्‍याये माःगु?

यशैया 57:18

जिं इमिगु पहःचहः खनागु दु, अय्‌नं जिं इमित लंकाबी। जिं इमित यंके, अले हाकनं दुखं च्‍वनीपिन्‍त सान्‍त्‍वना बी।

यशैया 58:5

छु जिं ल्‍ययागु अपसं थथे हे खः ला? मनूतय्‌सं छन्‍हु जक क्‍वमिलु जुयाच्‍वनेगु ला? छु थ्‍व तिंकथिमा थें थःगु छ्यं क्‍वछुकेगु व भांग्रा फीगु अले नउनं बुलिइगु दिं जक खः ला? छु छिमिसं थुकियात अपसं धायेगु ला? छु छिमिसं थुकियात परमप्रभुयात लय्‌ताय्‌केगु दिं धायेगु ला?

यशैया 60:10

“परदेशीतय्‌सं छंगु पःखाः हाकनं दय्‌की, अले इमि जुजुतय्‌सं छंगु सेवा याइ। जिगु तमं जिं छन्‍त कय्‌का, अय्‌नं जिं छन्‍त दया याये।

यशैया 66:14

छिमिसं थ्‍व खनी अले छिमिगु नुगः तसकं लय्‌ताइ अले छिपिं घाँय् थें च्‍वन्‍ह्याइ। परमप्रभुया ल्‍हाः थः दासतपाखे न्‍ह्यज्‍याकूगु, वय्‌कःया तं धाःसा शत्रुतपाखे न्‍ह्यानाच्‍वंगु खंके बियादी।

यर्मिया 31:13

अबलय् ल्‍यासेत लय्‌लय्‌तातां प्‍याखं हुली। ल्‍याय्‌म्‍हपिं व बुरापिं लय्‌ताइ। छाय्‌धाःसा जिं इमिगु दुःखयात चीकाः इमित लय्‌ताय्‌के। जिं इमित सान्‍त्‍वना बी अले दुःखया पलेसा लय्‌ताः बी।

यर्मिया 46:10

तर व दिं प्रभु, दक्‍व शक्ति दुम्‍ह परमप्रभुया दिं खः, बदला काइगु दिं, थः शत्रुतय्‌त बदला काइगु दिं। लुमधंतले तरवारं नाश याइ, हि त्‍वनाः वं प्‍याःचाः लंकी। छाय्‌धाःसा उत्तरयागु देशय्, यूफ्रेटिस खुसि सिथय्, प्रभु, दक्‍व शक्ति दुम्‍ह परमप्रभुं बलि छानादी।

मीका 3:8

तर जि ला परमप्रभुया शक्तिं जाःगु दु, परमप्रभुया आत्‍मां जाःगु दु, अले न्‍याय व शक्तिं जाःगु दु। याकूबयात वयागु अपराध व इस्राएलयात वयागु पाप कनाबीत।

मत्ती 5:4

नुगः मछिंका जुइपिं मनूत धन्‍यपिं खः, परमेश्‍वरं हे इमित ह्यय्‌कादी।

लूका 4:19

अले परमप्रभुं दया माया यानादीगु थुबलय् हे खः धकाः नं न्‍यंका जुइत जितः छ्वयाहयादीगु खः।”

लूका 6:21

छिपिं नयेपित्‍याका च्‍वंपिं धन्‍यपिं खः, छाय्‌धाःसा छिमिसं लुधंके खनीतिनि। आः ख्‍वया च्‍वंपिं धन्‍यपिं खः, छाय्‌धाःसा छिपिं लय्‌ताये दइतिनि।

२ कोरिन्‍थी 6:2

परमेश्‍वरं थथे धयादीगु दु – “पाय्‌छिगु इलय् जिं छिमिगु खँ न्‍यनागु दु। अले उद्धारया दिनय् जिं छिमित ग्‍वाहालि यानागु दु।” स्‍व, पाय्‌छिगु ई थ्‍व हे खः, उद्धारया दिं नं आः हे खः!

१ थेसलोनिकी 2:16

इमिसं जिमित यहूदीमखुपिन्‍त मुक्तियागु खँ न्‍यंके हे मब्‍यू। इमिसं थुकथं पाप मुंकाच्‍वन। उकिं इमिसं लिपा तकं परमेश्‍वरयागु तं फया च्‍वनेमाली।