यशैया 60:9 - नेवाः बाइबल

⁹ धात्‍थें हे टापुतय्‌सं जितः स्‍वइ, तर्शीशया व्‍यापारीतय्‌गु जहाजत न्‍ह्यः न्‍ह्यः दु। परमप्रभु छिमि परमेश्‍वरया निंतिं, व इस्राएलया पवित्र परमेश्‍वरया हनाबनाया निंतिं इपिं छिमि काय्‌पिन्‍त तापाकं इमिगु लुँ व वहःनापं छन्‍थाय् हइ। छाय्‌धाःसा वय्‌कलं छन्‍त गौरवं जाय्‌कादी।

यशैया 60:9 ပူးပေါင်းရင်းမြစ်များ

उत्‍पत्ति 9:27

परमेश्‍वरं येपेतयात थकायेमा। वं शेमया पालय् बासं च्‍वनेदयेमा। कनान येपेतया दास जुइ।”

१ राजा 10:1

गुबलय् शेबायाम्‍ह रानीं सोलोमनया नां व वया परमप्रभुलिसें दुगु स्‍वापुया बारे न्‍यन, उबलय् व थाकुगु थाकुगु न्‍ह्यसःत ज्‍वनाः सोलोमनयात जाँचय् यायेत वल।

१ राजा 10:22

हीरामया जहाजतनापं समुद्रय् वनीगु वया ब्‍यापारी जहाज नं दु। वया जहाजं स्‍वदँ-स्‍वदँय् छकः लुँ, वहः, किसिया दं, माकः व म्‍हय्‌खा ज्‍वनाः वइगु।

१ राजा 22:48

यहोशापात जुजुं ओपीर देशं लुँ हयेत ब्‍यापारी जहाजत दय्‌कल। तर एस्‍योन-गेबेरय् उपिं स्‍यंगुलिं जहाजत बनेज्‍याया लागि न्‍ह्याके मफुत।

१ राजा 8:41

“छिकपिनि प्रजा इस्राएली मखुम्‍ह सुं परदेशी छिगु नां न्‍यनाः तापाःगु देशं वइबलय्,

भजनसंग्रहया सफू 48:7

पुर्बयागु फसं तर्शीशया जहाजत कुचा कुचा दः थें छिं इमित नाश यानादिल।

भजनसंग्रहया सफू 72:10

तर्शीश व तापाक तापाक च्‍वंगु समुद्रया सिथय् च्‍वंपिं जुजुतय्‌सं वयात कर पुलेहइ। शेबा व सेबाया जुजुपिन्‍सं वयात देछा छाःवइ।

भजनसंग्रहया सफू 97:1

परमप्रभु जुजु खः। पृथ्‍वी लय्‌तायेमा, समुद्रया टापुत लय्‌तायेमा।

प्रस्‍थान 33:19

वय्‌कलं धयादिल, “जिं छंगु न्‍ह्यःने हे थःगु फुक्‍कं भिंगु क्‍यने, अले छंगु न्‍ह्यःने हे परमप्रभुया नां च्‍वय्‌के। जिं सुयात कृपा याये मास्‍ति वइ वयात कृपा याये। सुयात जिं दया याये मास्‍ति वइ वयात दया याये।”

हितोपदेश 18:20

म्‍हुतुया फलं मनूतय् प्‍वाः जाइ। म्‍हुतुं पिहां वःगु खँग्‍वलं मनूतय्‌त लुधंकी।

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 2:16

वय्‌कलं दक्‍वसिबय् तःधंगु व तसकं बांलाःगु जहाज थें च्‍वंपिं फुक्‍कसित नाश यानादी।

यशैया 24:15

अथे जुयाः पुर्बय् च्‍वनीपिन्‍सं परमप्रभुया प्रशंसा या! समुद्रया सिथय् च्‍वनीपिन्‍सं परमप्रभु इस्राएलया परमेश्‍वरया नांया प्रशंसा या!

यशैया 42:10

परमप्रभुया निंतिं छपु न्‍हूगु भजन हा, पृथ्‍वीया ताताःपाःगु थासं वय्‌कःया प्रशंसा या। हे समुद्रय् यात्रा याइपिं अले उकी दुगु फुक्‍क जीवजन्‍तुं, हे टापुत अले अन च्‍वंपिं फुक्‍क मनूत!

यशैया 42:4

वं पृथ्‍वीइ न्‍याय पलिस्‍था मयातले व बमलाइ मखु, निराश नं जुइ मखु। वयागु स्‍यनातःगु खँय् ताताःपाःगु देशय् च्‍वंपिन्‍सं थःगु आशा तइ।”

यशैया 43:4

छ जिगु मिखाय् तसकं मू वंम्‍ह व हनाबना दुम्‍ह जूगुलिं, जिं छन्‍त माया यानागुलिं जिं मनूतय्‌त छंगु पलेसा व जात जातितय्‌त छंगु जीवनया पलेसा बी।

यशैया 43:6

जिं उत्तर देशयात धाये, ‘इमित छ्व।’ दच्‍छिन देशयात जिं धाये, इमित पने मते। जिमि काय्‌पिन्‍त तापाकंनिसें व जिमि म्‍ह्याय्‌पिन्‍त पृथ्‍वीया कुंकुलामंनिसें हजि,

यशैया 46:13

जिं थःगु धार्मिकता लिक्‍क हयाच्‍वनागु दु। व तामपाः, छिमिगु लिक्‍क हे दु। जिगु उद्धारं लिबाकी मखु। जिं सियोनयात उद्धार बी, अले इस्राएलयात जिगु महिमा क्‍यने।

यशैया 49:1

हे टापुत, जिगु खँ न्‍यँ! हे तातापाःगु थासय् च्‍वंपिं जातित, थ्‍व खँ न्‍यँ। जि बुइ न्‍ह्यः हे परमप्रभुं जितः ल्‍ययादिल। जि बुइ न्‍ह्यः हे वय्‌कलं जितः जिगु नामं सःतादिल।

यशैया 49:22

परमप्रभु परमेश्‍वरं थथे धयादी, “स्‍व, जिं जाति जातियात ल्‍हाःभाय् यानाः सःते अले जिगु चिंया झण्‍डा जाति-जातितय्‌गु न्‍ह्यःने धस्‍वाके। इमिसं छिमि काय्‌पिन्‍त थःगु ल्‍हातं क्‍वबिया हइ अले इमिसं छिमि म्‍ह्याय्‌पिन्‍त ब्‍वहलय् क्‍वबिया हइ।

यशैया 51:5

जिगु दया व न्‍याय याकनं हे लिक्‍क थ्‍यंगु दु। जिगु उद्धार लँपुइ हे दु, जिगु बल्‍लाःगु ल्‍हातं जाति-जातितय्‌गु निंतिं न्‍याय हये। तातापाक्‍क च्‍वंगु फुक्‍क देशं जिके मिखा ब्‍वयाच्‍वनी, अले जिगु बल्‍लाःगु ल्‍हातय् आशा तयाः पियाच्‍वनी।

यशैया 55:5

छिमिसं म्‍हमस्‍यूगु जातितय्‌त सःता हइ, अले छिमिसं म्‍हमस्‍यूपिं जातित छिमिथाय् हथाय् चाचां वइ। छाय्‌धाःसा परमप्रभु छिमि परमेश्‍वर, इस्राएलया पवित्र परमेश्‍वरं छिमित गौरवं जाय्‌कादीगु दु।”

यशैया 57:17

जि इमिसं याःगु पाप व लोभया कारणं तंम्‍वयागु खः। जिं इमित सजाँय बिया, अले जिगु ख्‍वाः इपिंपाखें सुचुका। अय्‌नं इमिसं थःगु हे पहःचहलय् जिराहा जुयाच्‍वन।

यशैया 60:4

“अथे जुयाः छंगु मिखा ब्‍वयाः चाकःछिं स्‍व! इपिं फुक्‍क छन्‍थाय् मुनाः छन्‍थाय् वइ। छिमि काय्‌पिं तापाकं वइ, अले छिमि काय्‌म्‍ह्याय्‌पिं ल्‍हातं क्‍वबिया छन्‍थाय् हइ।

यशैया 60:6

ऊँटया बथां, मिद्यान व एपाया ऊँटतय्‌सं छंगु देय् त्‍वपुइ। अले शेबाया फुक्‍क मनूत परमप्रभुया प्रशंसा यायां लुँ व धुपाँय् ज्‍वनाः छन्‍थाय् वइ।

यशैया 66:12

परमप्रभुं थथे धयादी, “जिं शान्‍तियात खुसि थें अले जाति-जातितय्‌गु सम्‍पत्ति खुसिबाः थें यरूशलेमपाखे न्‍ह्याकाबी। छिमिसं दुरु त्‍वनेखनी अले छिमित ब्‍वहलय् क्‍वबियायंकी, अले मुलय् म्‍हितकीगु याइ।

यर्मिया 3:17

उबलय् यरूशलेमयात ‘परमप्रभुया सिंहासन’ धाइ। अले फुक्‍क जातित व हे यरूशलेमय् जिगु नांयात इज्‍जत यायेत मुनेगु याइ। अले इपिं जिराहा जुयाः थःगु मनया मभिंगु खँया ल्‍यू गुबलें जुइ मखु।

यर्मिया 30:19

अनयापिं मनूतय्‌सं प्रशंसाया म्‍ये हाली अले लय्‌ताइ। जिं इमिगु ल्‍याः अप्‍वय्‌काबी इमिगु ल्‍याः कम जुइ मखु। जिं इमित इज्‍जत बीके, सुनानं इमित क्‍वह्यंकी मखु।

इजकिएल 39:7

“‘जिं थःगु पवित्र नां जिगु प्रजा इस्राएलया दथुइ क्‍यने। जिं थःगु पवित्र नांयात अपमान याकेबी मखु। अले जात जातिं जि परमप्रभु हे इस्राएलया पवित्र परमेश्‍वर खः धकाः सी।

मीका 4:13

“हे सियोनया म्‍ह्याय्, दनाः अन्‍नयात दा, छाय्‌धाःसा जिं छन्‍त नँयागु नेकूत बी, जिं छन्‍त कँय्‌यागु ख्‍वः बी, अले छं यक्‍व हे जातितय्‌त कुचा कुचा याये फइ।” इमिगु अधर्मयागु कमाइ अले इमिगु सम्‍पत्ति सारा पृथ्‍वीयाम्‍ह परमप्रभुयात देछाइ।

मीका 7:12

उगु दिनय् अश्‍शूर देशं, अले मिश्रया शहर शहरंनिसें कयाः यूफ्रेटिस खुसि तकयापिं व तातापाःगु समुद्रंनिसें व पहाडंनिसें मनूत छिमिथाय् वइ।

सपन्‍याह 2:11

वय्‌कलं इमित तसकं ख्‍यानादी। अले वय्‌कलं पृथ्‍वीइ च्‍वंपिं द्यःतय्‌त न्‍हंका छ्वयादी। अनंलि ताताःपाक च्‍वंपिं जाति जातिया मनूतय्‌सं थथःगु देशय् च्‍वनाः वय्‌कःयात आराधना याइ।

जकरिया 14:14

यरूशलेमयात बचय् यायेत यहूदायापिं मनूतय्‌सं लडाइँ याइ। इमिसं जःखः च्‍वंपिं फुक्‍क जातितय्‌गु धन-सम्‍पत्ति अले यक्‍व लुँ, वहः व वसः लाका काइ।

लूका 2:32

यहूदीमखुपिन्‍त नं लँ क्‍यनीम्‍ह वय्‌कः मुक्तिदाता व जः खः। उकिं वय्‌कः मुक्तिदाता झायादीगुलिं मनूतय्‌सं झी इस्राएलीतय्‌त तःधंकी।”

यूहन्‍ना 17:26

जिं इमित छिगु नां म्‍हसीके बिया। अझ नं जिं सीके बीतिनि। छिं जितः माया यानादी थें इमिसं नं याये फयेमा, अले जि इमिके च्‍वने फयेमा।”

प्रेरित 9:15

तर प्रभुं वयात धयादिल – “छ हुँ छाय्‌धाःसा यहूदीमखुपिन्‍त, जुजुपिन्‍त व इस्राएलीतय्‌त नं जिगु नां न्‍यंके छ्वयेत जिं थ्‍व मनूयात ल्‍ययागु दु।

गलाती 3:26

येशू ख्रीष्‍टयात विश्‍वास यानाः वय्‌कः नाप मिलय् जूगुलिं छिपिं फुक्‍कं परमेश्‍वरया सन्‍तान जुल।

गलाती 4:26

सारा धाःसा परमेश्‍वरं चिनातःगु बाचा थें खः। सारा न्‍यानातःम्‍ह भ्‍वातिं मखु, व स्‍वर्गयागु यरूशलेम थें खः। अले झीपिं वया सन्‍तान जुल।

यहोशू 9:9

इमिसं लिसः बिल, “जिपिं छिम्‍ह दासत यक्‍व तापाःगु देशं परमप्रभु छिमि परमेश्‍वरयागु नां न्‍यनाः वयागु खः, छाय्‌धाःसा जिमिसं वय्‌कलं मिश्र देशय् यानादीगु फुक्‍क ज्‍याया बारे न्‍यनागु दु।