यशैया 60:4 - नेवाः बाइबल

⁴ “अथे जुयाः छंगु मिखा ब्‍वयाः चाकःछिं स्‍व! इपिं फुक्‍क छन्‍थाय् मुनाः छन्‍थाय् वइ। छिमि काय्‌पिं तापाकं वइ, अले छिमि काय्‌म्‍ह्याय्‌पिं ल्‍हातं क्‍वबिया छन्‍थाय् हइ।

यशैया 60:4 ပူးပေါင်းရင်းမြစ်များ

यशैया 11:12

वय्‌कलं जाति-जातितय्‌गु निंतिं छगू चिंया झण्‍डा धस्‍वाकादी अले त्‍वःतकाहःपिं इस्राएलया मनूत व छ्यालब्‍याल जुयाच्‍वंपिं यहूदाया मनूतय्‌त पृथ्‍वीया कूंकुलामं मुंकाः छथाय् हयादी।

यशैया 14:2

यक्‍व जातितय्‌सं इस्राएलया घराना परमप्रभुं इमित बियादीगु देशय् लिहां वयेत ग्‍वाहालि याइ। अले पिने वःपिं मनूत इमिगु निंतिं च्‍यः जुयाः सेवा याइ। इस्राएलीतय्‌त ज्‍वनायंकूपिन्‍त इमिसं ज्‍वनाः कुनी। इस्राएलीतय्‌त मभिं यानाः क्‍वत्‍यलातःपिन्‍त इमिसं हे शासन याइ।

यशैया 42:6

“जि, परमप्रभुं जिगु धार्मिकताकथं छन्‍त सःतागु दु, जिं छंगु ल्‍हाः ज्‍वनाः छन्‍त रक्षा याये। जिं छन्‍त जिमि मनूतलिसें जिगु बाचाया चिं अले यहूदीमखुपिनिगु निंतिं जः दय्‌काबी।

यशैया 43:6

जिं उत्तर देशयात धाये, ‘इमित छ्व।’ दच्‍छिन देशयात जिं धाये, इमित पने मते। जिमि काय्‌पिन्‍त तापाकंनिसें व जिमि म्‍ह्याय्‌पिन्‍त पृथ्‍वीया कुंकुलामंनिसें हजि,

यशैया 49:12

स्‍व, इपिं तापाक्‍कंनिसें वइ, गुलिं उत्तरपाखें, गुलिं पच्‍छिमपाखें व गुलिं दच्‍छिनय् आश्‍वानया देशं वइ।”

यशैया 49:17

छन्‍त हाकनं दय्‌कीपिं याकनं लिहां वइ, छन्‍त नाश याइपिं छन्‍त त्‍वःतावनी।

यशैया 49:18

छंगु मिखा ब्‍वयाः चाकःछिं स्‍व। छिमि काय्‌पिं फुक्‍क छन्‍थाय् मूंवइ। परमप्रभुं थथे घोषणा यानादी, धात्‍थें जि म्‍वाःम्‍ह खः थें, छं इमित तिसायात थें पुनी, छं इमित भम्‍चायात थें समाः याइ।

यशैया 66:20

अले इमिसं फुक्‍क जाति-जातितपाखें छिमि फुक्‍क थः मनूत, सलत, रथत, खच्‍चरत, ऊँटतय्‌के क्‍वबिकाः जिगु पवित्र पर्वत यरूशलेमय् परमप्रभुया निंतिं बलि थें यानाः हइ,” परमप्रभुं धयादी। “इस्राएलया सन्‍तानतय्‌सं थःगु अन्‍नबलि शुद्धगु थलय् तयाः परमप्रभुया देगलय् हइगु थें इमिसं थुमित हइ।

यर्मिया 30:10

“‘उकिं परमप्रभुं धयादी, हे जिम्‍ह दास, याकूबया सन्‍तान, ग्‍याये मते। हे इस्राएलयापिं मनूत, नुगः क्‍वतुंके मते। जिं थम्‍हं हे छिमित तापाःगु देशं व छिमि सन्‍तानयात ज्‍वनायंकातःगु देशं बचय् यानाः हये। याकूबयात हाकनं शान्‍ति व सुरक्षा दइ। सुनानं वयात ख्‍याये फइ मखु।’

आमोस 9:14

जिं थः मनू इस्राएलीतय्‌त ज्‍वना यंकूगु थासं लित हये। “भज्‍यंक नाश जुइ धुंकूगु शहरयात हाकनं इमिसं दय्‌कीतिनि, अले अन च्‍वनी। इमिसं दाखक्‍यबय् दाखमा पी अले दाखमद्य त्‍वनी। इमिसं क्‍यबय् फलया सिमात पी अले यक्‍व फलफुल नइ।

मीका 7:12

उगु दिनय् अश्‍शूर देशं, अले मिश्रया शहर शहरंनिसें कयाः यूफ्रेटिस खुसि तकयापिं व तातापाःगु समुद्रंनिसें व पहाडंनिसें मनूत छिमिथाय् वइ।

हाग्‍गै 2:7

जिं फुक्‍क जातितय्‌त संकाबी, अले फुक्‍क जातितय्‌गु धन-सम्‍पत्ति थन मुं वइ। अले थ्‍व देगःयात झःझः धाय्‌के बी,’ दक्‍व शक्ति दुम्‍ह परमप्रभुं धयादी।

मत्ती 8:11

जिं छिमित धाये – पुर्ब व पच्‍छिमं यक्‍व हे मनूत वयाः अब्राहाम, इसहाक व याकूबपिं नाप स्‍वर्गयागु राज्‍यय् च्‍वनी।

यूहन्‍ना 4:35

‘प्‍यला लिपातिनि बाली लये त्‍यइ’ धकाः छिमिसं धयाजुल। जिं छिमित धाये – ‘छकः बुँइ वनाः बांलाक स्‍व, अन्‍न सयाः नं लयेगु ई जुइ धुंकल।’

प्रेरित 13:44

मेगु विश्रामबार खुन्‍हु परमेश्‍वरयागु वचन न्‍यनेत शहरय् च्‍वंपिं अप्‍वः थें मनूत वल।