यशैया 60:3 - नेवाः बाइबल

³ जाति जातित छंके दुगु जलय् व जुजुत छंके खनेदुगु सुथया निभाःया जलय् वइ।

यशैया 60:3 ပူးပေါင်းရင်းမြစ်များ

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

भजनसंग्रहया सफू 102:16

गुबलय् परमप्रभुं सियोनयात हानं दय्‌कादी वय्‌कलं थः गुलि तःधंम्‍ह खः धइगु क्‍यनादी।

भजनसंग्रहया सफू 138:4

हे परमप्रभु, छिगु वचन न्‍यनाः पृथ्‍वीयापिं सकल जुजुपिन्‍सं छितः सुभाय् बीमा,

भजनसंग्रहया सफू 2:10

उकिं, हे जुजुपिं, बुद्धि दय्‌कि! पृथ्‍वीया शासकत, होश या!

भजनसंग्रहया सफू 22:27

फुक्‍क जातियापिन्‍सं वय्‌कःयात लुमंकी, अले परमप्रभुयाथाय् वइ। फुक्‍क जातिया मनूतय्‌सं वय्‌कःयात भागि याइ।

भजनसंग्रहया सफू 68:29

यरूशलेमय् दुगु छिगु देगःया कारणं जुजुपिन्‍सं छिगु निंतिं देछा हइ।

भजनसंग्रहया सफू 72:11

फुक्‍क जुजुपिं वयागु न्‍ह्यःने क्‍वछू वइ। फुक्‍क जातियापिन्‍सं वयागु सेवा याइ।

यशैया 11:10

अले उखुन्‍हु मनूतय्‌गु निंतिं यिशैया हाया सन्‍तान छम्‍ह झण्‍डा थें दनी। जाति जातित फुक्‍क वय्‌कःयाथाय् मूंवइ, अले वय्‌कः छम्‍ह महिमां जाःगु आराम कायेगु थाय् जुइ।

यशैया 42:6

“जि, परमप्रभुं जिगु धार्मिकताकथं छन्‍त सःतागु दु, जिं छंगु ल्‍हाः ज्‍वनाः छन्‍त रक्षा याये। जिं छन्‍त जिमि मनूतलिसें जिगु बाचाया चिं अले यहूदीमखुपिनिगु निंतिं जः दय्‌काबी।

यशैया 45:14

परमप्रभुं थथे धयादी, “मिश्र देशय् सःगु व कूश देशया व्‍यापार अले उपिं ततःधिकःपिं शेबाया मनूत व जात जातित छन्‍थाय् वइ, अले इपिं छंगु हे जुइ। इपिं सिखलं चिनातःगु अवस्‍थाय् छंगु ल्‍यूल्‍यू वइ, इपिं छंगु न्‍ह्यःने क्‍वछुइ अले थथे धकाः छन्‍त बिन्‍ति याइ, ‘धात्‍थें हे परमेश्‍वर छिलिसे दी, मेम्‍ह सुं मदु, वय्‌कः बाहेक सुं मेम्‍ह परमेश्‍वर मदु।’”

यशैया 45:22

“जिपाखे फःहिला वा, अले बचय् जु, हे पृथ्‍वीया कुन्‍चाय् थ्‍यंक च्‍वंपिं फुक्‍क मनूत, छाय्‌धाःसा जि हे परमेश्‍वर खः, जि बाहेक मेपिं सुं नं मदु।

यशैया 49:12

स्‍व, इपिं तापाक्‍कंनिसें वइ, गुलिं उत्तरपाखें, गुलिं पच्‍छिमपाखें व गुलिं दच्‍छिनय् आश्‍वानया देशं वइ।”

यशैया 49:23

छंगु निंतिं जुजुपिं बौ थें अले इमि रानीपिं सुसाकुसा याइम्‍ह मां थें जुइ। इपिं छंगु न्‍ह्यःने बँय् भ्‍वसू वइ। इमिसं छंगु तुतिया धू फ्‍यइ। अनंलि छं थुइकि जि हे परमप्रभु खः, जिके भलसा तइपिं लाजय् लाइ मखु।”

यशैया 56:8

ज्‍वनायंकूपिं त्‍वःतकाः हःम्‍ह परमप्रभु परमेश्‍वरं थथे घोषणा यानादी, “छथाय् मुनाच्‍वंपिं बाहेक जिं मेपिन्‍त नं इपिंनापं हे छथाय् मुंके हये।”

यशैया 60:10

“परदेशीतय्‌सं छंगु पःखाः हाकनं दय्‌की, अले इमि जुजुतय्‌सं छंगु सेवा याइ। जिगु तमं जिं छन्‍त कय्‌का, अय्‌नं जिं छन्‍त दया याये।

यशैया 60:16

माम्‍हं थः मस्‍तय्‌त बिचाःसंचाः याःथें जाति जाति व जुजुपिन्‍सं छन्‍त बिचाः संचा याइ, उबलय् छं परमप्रभु थःत मुक्ति बीम्‍ह, उद्धार याइम्‍ह व याकूबया दक्‍व शक्ति दुम्‍ह खः धकाः थुइकी।

यशैया 62:2

जाति जातितय्‌सं छंगु धार्मिकता व फुक्‍क जुजुपिन्‍सं छंगु गौरव खनी, अले छन्‍त धाःसा परमप्रभु थःम्‍हं हे तयादीगु न्‍हूगु नामं सःती।

यशैया 66:12

परमप्रभुं थथे धयादी, “जिं शान्‍तियात खुसि थें अले जाति-जातितय्‌गु सम्‍पत्ति खुसिबाः थें यरूशलेमपाखे न्‍ह्याकाबी। छिमिसं दुरु त्‍वनेखनी अले छिमित ब्‍वहलय् क्‍वबियायंकी, अले मुलय् म्‍हितकीगु याइ।

आमोस 9:12

अले इस्राएलया मनूतय्‌सं एदोमय् ल्‍यंदनिपिं मनूतय्‌त व जिगु नां दुपिं दक्‍व जात जातितय्‌त अधिकार याइ,” परमप्रभुं थथे धयादी, वय्‌कलं थथे हे यानादी।

जकरिया 2:11

“उखुन्‍हु यक्‍व जातित परमप्रभुलिसे मिलय् जुइ अले जिम्‍ह मनूत जुइ। जि छिमिगु हे दथुइ च्‍वने। थुकिं यानाः छिमिसं दक्‍व शक्ति दुम्‍ह परमप्रभुं हे जितः छिमिथाय् छ्वयाहयादीगु खः धकाः सी।

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

लूका 24:47

अले ख्रीष्‍टयागु हे नामं पश्‍चाताप यानाः पाप क्षमा जुइगु खँ यरूशलेमंनिसें फुक्‍क संसारय् न्‍यंकेमाः।

यूहन्‍ना 12:32

जितः यख्‍खाइबलय् जिं फुक्‍क मनूयात थःथाय् सालाकाये।”

प्रेरित 13:47

छाय्‌धाःसा थथे या धकाः प्रभुं हे जिमित धयादीगु दु – “‘जिं छिमित यहूदीमखुपिन्‍थाय् जः ह्वलेत, अले संसारयात मुक्तियागु लँ क्‍यनेत छ्वयाच्‍वना।’”

प्रेरित 15:17

अले मेपिं फुक्‍क मनूत, अज्‍ज ला जिं थः मनूत यायेत सःतापिं यहूदीमखुपिं मनूतय्‌सं तक नं परमेश्‍वरयात माली।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 21:24

थुकियागु जलय् जात जातियापिं मनूत जुइ। अले संसारयापिं जुजुपिन्‍सं थःगु सम्‍पत्ति व महिमा अन हे हइ।