यशैया 60:2 - नेवाः बाइबल

² स्‍व! खिउँगुलिं पृथ्‍वीयात व तसकं खिउँगुलिं मनूतय्‌त त्‍वपुयातःगु दु, तर परमप्रभुया जः छंके वःगु दु, अले परमप्रभुया महिमा छंके खनेदः वःगु दु।

यशैया 60:2 ပူးပေါင်းရင်းမြစ်များ

१ राजा 8:11

पुजाहारीतय्‌सं अन सुपाँय् दुगुलिं सेवा याये मफुत, छाय्‌धाःसा परमप्रभुया महिमां देगः जाःगु दु।

भजनसंग्रहया सफू 102:16

गुबलय् परमप्रभुं सियोनयात हानं दय्‌कादी वय्‌कलं थः गुलि तःधंम्‍ह खः धइगु क्‍यनादी।

भजनसंग्रहया सफू 80:1

हे इस्राएलया फैजवाः, जिमिगु खँ न्‍यनादिसँ। छिं हे योसेफया सन्‍तानयात फैबथांयात थें ज्‍वयादीगु खः। पपू दुपिं करूबतय् दथुइ च्‍वनादीम्‍ह हे परमेश्‍वर, मनूतय्‌त थःगु जः क्‍यनादिसँ।

यशैया 2:5

अय् याकूबया सन्‍तानत, वा, झीपिं परमप्रभुया जःलय् न्‍यासि वनेनु।

यशैया 4:5

अनंलि सियोन पर्वतय् व अन मुनाच्‍वंपिं मनूतय्‌के परमप्रभुं न्‍हिनय् सुपाँय् व चान्‍हय् कुँ व मित्‍याः छ्वयाहयादी। फुक्‍क शहरयात परमेश्‍वरया महिमां त्‍वपुइ अले रक्षा यानादी।

यशैया 58:10

अले दुनुगलंनिसें छिमिसं थःत नयेमखंपिनिगु निंतिं बिल धाःसा अले अन्‍याय जुयाच्‍वंपिनिगु निंतिं मगाःमचाः पूवंकल धाःसा छिमिगु जः खिउँथाय् तुयुजः थें जुइ, अले बाचाया ई नं न्‍हिनय् थें जुइ।

यशैया 58:8

अले छिमिगु जः सुथय्‌सियागु थें पिहां वइ, अले छिपिं याकनं हे लनावनी। अनंलि छिमिगु धार्मिकता छिमिगु न्‍ह्यः न्‍ह्यः वनी, अले परमप्रभुया महिमा धाःसा छिमित रक्षा यायेत ल्‍यूल्‍यू वइ।

यशैया 62:1

यरूशलेमया धार्मिकता सुथ न्‍हापांया जः थें खनेमदुतले, अले वयागु मुक्ति च्‍यानाच्‍वंगु मिप्‍वाःया जः थें खनेमदुतले, सियोनया निंतिं जि सुम्‍क च्‍वने मखु। यरूशलेमया निंतिं जि सुम्‍क च्‍वने मखु।

यशैया 66:11

छाय्‌धाःसा वया निंतिं सान्‍त्‍वना बीपिं दुरु त्‍वनाः लुधंकी, अले पूरा दुरु त्‍वने धुंकाः छिपिं तसकं लय्‌ताइ।”

यशैया 8:22

अनंलि इमिसं पृथ्‍वीपाखे स्‍वइबलय् अन दुःख, खिउँगु व ग्‍यानपुसे च्‍वंगु सिबय् मेगु छुं खनी मखु। अले इमित खिउँगुलिइ वांछ्वइगु जुइ।

यर्मिया 13:16

वय्‌कलं तसकं खिउँगु हये न्‍ह्यः हे, तसकं खिउँगु डाँडाय् छिपिं लुफिंहाये न्‍ह्यः हे परमप्रभु थः परमेश्‍वरया प्रशंसा या! छिमिसं जःया आशा याइ, तर वय्‌कलं उकियात खिउँगुलिइ हिलाः तसकं खिउँकादी।

इजकिएल 10:4

परमप्रभुया महिमा करूबतय्‌गु च्‍वय्‌नं देगःया लुखाखलुइ वन। देगः सुपाँचं जाल अले चुक धाःसा परमप्रभुया महिमाया ज्‍वाल्‍लच्‍वंगु जलं जाल।

लेवी 9:23

अनंलि मोशा व हारून पवित्र पाल दुने दुहां वन, अले पिहां वयाः मनूतय्‌त आशिष बिल। अले परमप्रभुया महिमा फुक्‍क मनूतय्‌गु न्‍ह्यःने खनेदत।

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

गन्‍ती 16:19

कोरहं फुक्‍क खलःयात इमिगु विरोधय् नापलायेगु पालया ध्‍वाखाय् मुंकल। उबलय् परमप्रभुया महिमा फुक्‍क खलःयाथाय् खनेदत।

मत्ती 15:14

इमित त्‍वःताछ्व। इपिं कांपिं लँजवाः खः। कांम्‍ह मनुखं कांम्‍ह मनूयात ल्‍हाः ज्‍वनाः यंकूसा इपिं निम्‍हं गालय् लाइ।”

मत्ती 23:19

अय् कांपिं मनूत, छायेहःगु तःधं ला कि छायेहःगु च्‍वख याइगु बलि बीगु थाय् तःधं?

मत्ती 23:24

अय् कांपिं न्‍ह्यलुवाःत, छिमिसं झाःपत्तियात लिकयाः वांछ्वइ। उँटयात धाःसा नुना हे छ्वइ।

यूहन्‍ना 1:1

दक्‍वसिबय् न्‍हापा हे वचन दु, अले थ्‍व वचन परमेश्‍वर नाप दु। थ्‍व वचन हे परमेश्‍वर खः।

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 1:18

परमेश्‍वरयात सुनानं गुबलें हे खंगु मदु। अय्‌नं बाः नाप च्‍वंम्‍ह याकः काय्‌नं हे वय्‌कःयात क्‍यनादीगु दु।

यूहन्‍ना 8:55

वय्‌कःयात छिकपिन्‍सं म्‍हमस्‍यूनि, जिं धाःसा म्‍हस्‍यू। जिं वय्‌कःयात म्‍हमस्‍यू धकाः धाल धाःसा जि नं छिकपिं थें तुं मखुगु खँ ल्‍हाइम्‍ह जुइ। जिं वय्‌कःयात म्‍हस्‍यूगुलिं वय्‌कःयागु वचन मानय् यानाच्‍वना।

प्रेरित 14:16

न्‍हापा न्‍हापायापिं मनूतय्‌त परमेश्‍वरं इमि यःथें याकेबियादिल।

प्रेरित 17:23

छाय्‌धाःसा जिं चाःहुलाः छिकपिनि पुजा याइथाय् स्‍वः वनाबलय् अन छथाय् थथे धकाः आखः कियातःगु खना – ‘म्‍हमस्‍यूम्‍ह द्यःयात।’ छिकपिन्‍सं म्‍हमसीकं पुजा याना च्‍वंम्‍हय्‌सिगु हे खँ जिं न्‍यंकाच्‍वनागु खः।

प्रेरित 26:18

इमिगु मिखा चाय्‌का बीत, इमित खिउँथासं जलय् हयेत, अथे हे जितः विश्‍वास याकाः पाप क्षमा याकेत, शैतानपाखें लिगनाः परमेश्‍वरयाथाय् पवित्र याके हयेत जिं छन्‍त इमिथाय् छ्वयाच्‍वना।’”

२ कोरिन्‍थी 3:18

थुकथं झीगु ख्‍वाः उलातःगुलिं प्रभुयागु जलं झल झल थिनाच्‍वंगु दु। प्रभुयागु जलं झीपिं नं न्‍हियान्‍हिथं प्रभु थें जुइत छगू जलं मेगु जलय् हिला वनाच्‍वनागु दु।

कलस्‍सी 1:13

वय्‌कलं हे झीत शैतानयागु खिउँगु राज्‍यं लिगनाः थः यःम्‍ह काय्‌यागु राज्‍यय् हयादिल।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।