यशैया 6:8 - नेवाः बाइबल

⁸ अनंलि परमप्रभुं थथे धाःगु जिं ताल, “जिं सुयात छ्वयेगु? अले जिमिगु निंतिं सु वनेगु?” जिं लिसः बिया, “जि वने प्रभु, जितः छ्वयादिसँ!”

यशैया 6:8 ပူးပေါင်းရင်းမြစ်များ

उत्‍पत्ति 1:26

अले परमेश्‍वरं धयादिल, “मनूयात झीपिं थें हे च्‍वंक व झीगु हे ख्‍वाःलसि वयेक दय्‌के। अले इमित समुद्रय् च्‍वंपिं न्‍यातय्‌त, आकाशय् च्‍वंपिं झंगःपंक्षीतय्‌त, छेँय् लहीपिं फुक्‍क जीवजन्‍तुतय्‌त, फुक्‍क पृथ्‍वीयात व पृथ्‍वीइ घिसय्‌ जुयाजुइपिं जीवजन्‍तुतय्‌त अधिकार याकेब्‍यु।”

उत्‍पत्ति 11:7

कुहां वनेनु, अले झीसं इमिगु भाय्‌यात ल्‍वाकःबुकः याये। अले इमिसं थवंथवय् धाःगु खँ थुइ मखु।”

उत्‍पत्ति 22:1

छुं ई लिपा परमेश्‍वरं अब्राहामयात जाँचय् यायेत सःतादिल, “अब्राहाम!” वं लिसः बिल, “प्रभु, जि थन हे दु।”

उत्‍पत्ति 22:11

उबलय् हे स्‍वर्गं परमप्रभुया दूतं वयात सःतल, “अब्राहाम, अब्राहाम!” वं धाल, “जि थन दु।”

उत्‍पत्ति 3:22

अनंलि परमप्रभु परमेश्‍वरं धयादिल, “आः मनू नं झीपिं थें भिं व मभिं स्‍यूम्‍ह जुइ धुंकल। वं जीवनया सिमायागु फल नयेदइ मखु, अले सदां म्‍वानाच्‍वने नं दइ मखु।”

२ शमूएल 1:7

लिफः स्‍वःबलय् वं जितः खन अले वं जितः सःतल। जिं लिसः बिया, ‘धयादिसँ, छु दु?’

१ राजा 22:20

परमप्रभुं धयादिल, ‘रामोत-गिलादय् हमला यानाः व सीत आहाब जुजुयात सुनां हेय्‌की?’ “छम्‍हय्‌सिनं छगू खँ धाल, मेम्‍हय्‌सिनं मेगु हे खँ धाल।

यशैया 65:1

परमप्रभुं धयादी, “जिके न्‍यं मवःपिन्‍त जिं लिसः बीत तयार दु। अय्‌नं इमिसं जितः हे मालाच्‍वंगु मदु। ‘जि थन दु, जि थन हे दु’ धयासां जिमि प्रजा जितः प्रार्थना याःगु मदु।

इजकिएल 1:24

इपिं वंबलय् इमिगु पपूया सः यक्‍व लःया सः, दकलय् तःधंम्‍हय्‌सिगु सः, सेनाया हलचलयागु सः थें जिं ताया। इपिं झ्‍वातां दनीबलय् इमिसं थथःगु पपू क्‍वय् क्‍वकाइगु।

इजकिएल 10:5

करूबतय्‌गु पपूया सः पिनेया चुकय् तक ताये दु। व सः दक्‍व शक्ति दुम्‍ह परमेश्‍वर नवानादीबलय् ताये दइगु सः थें च्‍वं।

इजकिएल 9:1

हाकनं वय्‌कलं तसकं हालाः थथे धाःगु जिं ताल, “शहरयात सजाँय बीत ल्‍ययातःपिं मनूतय्‌त जिगु न्‍ह्यःने हजि! इपिं सकसिनं ल्‍हातय् थथःगु हतियार ज्‍वनाच्‍वंगु जुइमाः।”

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

प्रेरित 22:21

“प्रभुं जितः थथे धयादिल – ‘छ वने हे माः, जिं छन्‍त तातापाक यहूदीमखुपिन्‍थाय् छ्वयेत्‍यना।’”

प्रेरित 26:19

“थथे जूगुलिं हे, जुजु अग्रिपास, जिं स्‍वर्गपाखेंयागु दर्शनय् खनागु खँ गथे मन्‍यनेगु?

प्रेरित 9:4

थथे जूगुलिं व बँय् भ्‍वसू वन। अले वयात थथे धयाहःगु सः ताये दत – “शाऊल, शाऊल, जितः छं छाय् दुःख बियाच्‍वनागु?”

एफिसी 3:8

परमेश्‍वरया चिधंम्‍ह स्‍वयाः नं अज्‍ज चिधंम्‍ह मनू जितः हे ख्रीष्‍टयागु तःजिगु भिंगु खँ यहूदीमखुपिन्‍त न्‍यंकः वनेगु ज्‍या परमेश्‍वरं लःल्‍हानादिल।

१ शमूएल 3:4

अनंलि परमप्रभुं शमूएलयात सःतादिल। शमूएलं लिसः बिल, “जि थन हे दु।”