यशैया 6:5 - नेवाः बाइबल

⁵ अले जिं धया, “धिक्‍कार जितः! जि नाश जुइन। छाय्‌धाःसा जिगु म्‍हुतुं पिहां वःगु फुक्‍क खँ अशुद्ध खः। अले जि अशुद्ध म्‍हुतु दुपिं मनूतलिसें च्‍वंच्‍वनागु दु। तर जिं थःगु हे मिखां दक्‍व शक्ति दुम्‍ह परमप्रभु जुजुयात खनागु दु।”

यशैया 6:5 ပူးပေါင်းရင်းမြစ်များ

उत्‍पत्ति 32:31

वयागु प्‍यंपाया साहा ब्‍यंगुलिं व खू काकां न्‍यासि वनाः पनीएल पुले धुंकाः सूर्य लुल।

भजनसंग्रहया सफू 24:10

तःधंम्‍ह जुजु सु खः? दक्‍व शक्ति दुम्‍ह परमप्रभु! वय्‌कः तःधंम्‍ह जुजु खः। सेला

प्रस्‍थान 24:10

इमिसं इस्राएलया परमेश्‍वरयात खन। परमेश्‍वर दनादीगु थाय् आकाश थें यचुगु नीलमणी थें खने दु।

प्रस्‍थान 3:6

वय्‌कलं हानं धयादिल, “जि छिमि पुर्खाया परमेश्‍वर खः, अब्राहाम, इसहाक व याकूबया परमेश्‍वर खः।” अले मोशां थःगु ख्‍वाः त्‍वपुल, छाय्‌धाःसा परमेश्‍वरयात स्‍वयेत व ग्‍यात।

प्रस्‍थान 33:20

अले वय्‌कलं धयादिल, “अय्‌नं छं जिगु ख्‍वाः स्‍वये फइ मखु, छाय्‌धाःसा जिगु ख्‍वाः स्‍वयाः सुं नं मनूत म्‍वानाच्‍वने फइ मखु।”

प्रस्‍थान 4:10

अले मोशां परमप्रभुयात धाल, “हे प्रभु जि उलि न्‍ववाये सःम्‍ह मखु, जि न्‍हापा नं बांलाक न्‍ववाये सःम्‍ह मखु अले छिलिसे न्‍ववाये धुंकाः नं जि बांलाक न्‍ववाये मसःनि। जि ध्‍वाथुइक न्‍ववाये सःम्‍ह मखु।”

प्रस्‍थान 6:12

अय्‌नं मोशां परमप्रभुयात धाल, “इस्राएलीतय्‌सं हे जिगु खँ मन्‍यन धाःसा, जि खँ ल्‍हाये मसःम्‍हय्‌सिगु खँ फारोनं गथे यानाः न्‍यनी?”

प्रस्‍थान 6:30

मोशां परमप्रभुयात लिसः बिल, “स्‍वयादिसँ, जि बांलाक न्‍ववाये सःम्‍ह मखु। अथे जुयाः फारोनं जिगु खँ गथे यानाः न्‍यनी?”

यशैया 24:16

पृथ्‍वीइ तापाक्‍क च्‍वंपिन्‍सं “धर्मीम्‍ह प्रभुया महिमा” धकाः हाःगु सः ताये दइ। तर जितः धाःसा छुं नं आशा मदु, जि गना वनाच्‍वंगु दु। धिक्‍कार जितः! बेइमानपिन्‍सं विश्‍वासघात याइ! बेइमानपिन्‍सं धोखा बियाः हे विश्‍वासघात यानाच्‍वनी!

यशैया 29:13

परमप्रभुं थथे धयादी, “थुपिं मनूत ख्‍वाः क्‍यनेत जिथाय् लिक्‍क वइ। अले थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापानाः च्‍वनी। थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ।

यशैया 33:17

छिमिगु मिखां जुजुयात व वय्‌कःया बांलाःसूयात खनी अले तापाक हे न्‍यनावंगु देशयात छिमिसं खनी।

यशैया 59:3

छाय्‌धाःसा छिमिगु ल्‍हाः हिं त्‍वपूगु दु व छिमिगु पतिंचाय् दोष कीगु दु अले छिमिगु म्‍हुतुं मखुगु खँ ल्‍हाःगु दु अले छिमिगु मेचां मभिंगु खँ ल्‍हाःगु दु।

यशैया 64:6

जिपिं सकलें अशुद्ध मनूत थें जूगु दु, अले झीगु फुक्‍क धर्मया ज्‍या भ्‍वाथःगु कापः थें खः। जिपिं फुक्‍कं सिमाहः थें गनावनी अले जिमिगु पापं जिमित फसं थें पुइकायंकी।

यर्मिया 1:6

जिं धया, “स्‍वयादिसँ परमप्रभु परमेश्‍वर, जि ला नवाये नं मसः, जि ला मचा हे तिनि।”

यर्मिया 51:57

जिं इमि हाकिमत, अले बुद्धि दुपिं मनूतय्‌त काय्‌काबी, वया बडा-हाकिमत, हाकिमत व सिपाइँतय्‌त नं। इपिं न्‍ह्याबलेंया निंतिं द्यनी अले दनी मखु,” परमप्रभुं धयादी गुम्‍हय्‌सिगु नां दक्‍व शक्ति दुम्‍ह परमप्रभु खः।

इजकिएल 12:2

“अय् सीमानिम्‍ह मनू, छ छगू विद्रोही घरानाया दथुइ च्‍वनाच्‍वंगु दु। इमिके स्‍वयेगु मिखा ला दु अय्‌नं इमिसं मखं। इमिके न्‍यनेगु न्‍हाय्‌पं ला दु अय्‌नं इमिसं मताः छाय्‌धाःसा इपिं विद्रोही मनूत खः।

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

दानिएल 9:20

जिगु व थः इस्राएली दाजुकिजापिनिगु पाप नाला कयाः परमप्रभु जिमि परमेश्‍वरयात वय्‌कःया पवित्र पर्वतया निंतिं बिन्‍ति याना हे च्‍वना।

हबकूक 3:16

थ्‍व खँ जिं न्‍यनाबलय् जिगु नुगः तसकं थुरथुर खात, थ्‍व खँ जिं न्‍यनाबलय् जिगु म्‍हुतुसि थुरथुर खात, जिगु क्‍वँय्‌त दुने दुने मर्कय् जुल, अले जिगु तुति फ्‍यारर खात। अय्‌जूसां जिमित हमला याः वइपिं जात जातितय्‌त वइगु दुःखया दिंयात जिं धैर्य यानाः पियाच्‍वने।

गन्‍ती 17:12

इस्राएलीतय्‌सं मोशायात धाल, “स्‍वयादिसँ, जिपिं सिनावनी, जिपिं स्‍यन, जिपिं स्‍यन।

न्‍यायकर्ता 13:22

वं थः कलाःयात धाल, “आः झीपिं सीगु जुल, छाय्‌धाःसा झीसं परमेश्‍वरयात खनागु दु।”

न्‍यायकर्ता 6:22

व परमप्रभुया दूत हे खः धकाः सियाः गिदोनं ग्‍यानाः धाल, “हे परमप्रभु! जिं परमप्रभुया दूतयात जिगु न्‍ह्यःने खना।”