यशैया 6:3 - नेवाः बाइबल

³ अले छम्‍हय्‌सिनं मेम्‍हय्‌सित थथे धकाः हालाच्‍वन, “दक्‍व शक्ति दुम्‍ह परमप्रभु, पवित्र, पवित्र, पवित्रम्‍ह खः। वय्‌कःया महिमां फुक्‍क पृथ्‍वीइ जायाच्‍वंगु दु।”

यशैया 6:3 ပူးပေါင်းရင်းမြစ်များ

एज्रा 3:11

इमिसं परमप्रभुयात प्रशंसा यानाः व सुभाय् बियाः थथे धकाः भजन हाल, “वय्‌कः भिंम्‍ह खः, इस्राएलया निंतिं वय्‌कःया दयामाया सदां दयाच्‍वनी न्‍ह्याबलें दयाच्‍वनी।” अले सकलें मनूतय्‌सं तसलं हालाः परमप्रभुयात तःधंकल, छाय्‌धाःसा देगःया जग तये धुंकूगु खः।

भजनसंग्रहया सफू 57:11

हे परमेश्‍वर! छि आकाश स्‍वयाः नं तःधनेमा। छिगु महिमा पृथ्‍वीया फुक्‍क थासय् न्‍यनेमा।

भजनसंग्रहया सफू 66:2

वय्‌कःया नांया महिमा यानाः म्‍ये हा। वय्‌कःयात महिमा यानाः तःधंकि।

भजनसंग्रहया सफू 72:19

वय्‌कःयागु महिमां जाःगु नांया सदां प्रशंसा जुयाच्‍वनेमा। पृथ्‍वी न्‍यंक वय्‌कःयागु महिमां जायेमा। आमेन! आमेन!

भजनसंग्रहया सफू 8:2

छिं थः विरोधीतय्‌गु कारणं यानाः शत्रुतय्‌गु म्‍हुतुप्‍वाः तिकेत मस्‍त व ह्याउँमस्‍तय्‌गु म्‍हुतुं थःत तःधंकादिल।

भजनसंग्रहया सफू 90:16

छिगु ज्‍या छि दासतय्‌सं खनेमा, छिगु महिमा इमि सन्‍तानतय्‌सं खनेमा।

भजनसंग्रहया सफू 97:6

स्‍वर्गं वय्‌कःया धार्मिकता क्‍यनी, सकल मनूतय्‌सं वय्‌कःया महिमा खनी।

भजनसंग्रहया सफू 99:3

इमिसं छिगु तःधंगु व तःजिगु नांया प्रशंसा यायेमा! वय्‌कः पवित्र खः।

भजनसंग्रहया सफू 99:9

परमप्रभु झी परमेश्‍वरया प्रशंसा या, अले वय्‌कःया पवित्र पहाडय् आराधना या! परमप्रभु झी परमेश्‍वर पवित्र खः।

प्रस्‍थान 15:11

हे परमप्रभु, छि थें जाःम्‍ह सु द्यः दु धकाः? छि थें पवित्रम्‍ह सु दु धकाः? छि थें तःधंगु महिमां जाःम्‍ह व भय कायेबहःम्‍ह सु दु धकाः? छिं थें सुनां अजू चायापुगु ज्‍या क्‍यनेफु?

यशैया 24:16

पृथ्‍वीइ तापाक्‍क च्‍वंपिन्‍सं “धर्मीम्‍ह प्रभुया महिमा” धकाः हाःगु सः ताये दइ। तर जितः धाःसा छुं नं आशा मदु, जि गना वनाच्‍वंगु दु। धिक्‍कार जितः! बेइमानपिन्‍सं विश्‍वासघात याइ! बेइमानपिन्‍सं धोखा बियाः हे विश्‍वासघात यानाच्‍वनी!

यशैया 40:5

अनंलि परमप्रभुया महिमा खने दइ, संसारया फुक्‍क मनूतय्‌सं छक्‍वलं व खनी, छाय्‌धाःसा परमप्रभुया म्‍हुतुं हे थथे धयादीगु खः।”

यशैया 54:5

छाय्‌धाःसा छन्‍त सृष्‍टि यानादीम्‍ह छिमि भाःत खः, वय्‌कःया नां दक्‍व शक्ति दुम्‍ह परमप्रभु खः। इस्राएलया पवित्र परमेश्‍वर छन्‍त उद्धार यानादीम्‍ह खः। वय्‌कःयात फुक्‍क पृथ्‍वीया परमेश्‍वर धकाः धाइ।

इजकिएल 43:2

अले जिं इस्राएलया परमेश्‍वरया महिमा पुर्बपाखें वयाच्‍वंगु खना। वय्‌कःया सः यक्‍व लःयागु थें च्‍वं, वय्‌कःया महिमां जमिन प्‍वालप्‍वाल थित।

इजकिएल 44:4

अनंलि उम्‍ह मनुखं जितः देगःया न्‍ह्यःनेपाखे उत्तरयागु मू ध्‍वाखां देगःया दुनेया चुकय् यंकल। जिं स्‍वयाबलय् परमप्रभुया देगः वय्‌कःया महिमां जाःगु खना। जि बँय् भ्‍वसुला।

हबकूक 2:14

छाय्‌धाःसा समुद्र लखं जाः थें पृथ्‍वी परमप्रभुया महिमाया ज्ञानं जाइ।

जकरिया 14:9

उखुन्‍हु हे परमप्रभु फुक्‍क पृथ्‍वीयाम्‍ह जुजु जुयादी। सकल मनूतय्‌सं वय्‌कःयात परमप्रभु धकाः आराधना याइ अले व हे नामं वय्‌कःयात म्‍हसीकी।

गन्‍ती 14:21

अय्‌नं धात्‍थें जि म्‍वाःम्‍ह खः, अले परमप्रभुया महिमां पृथ्‍वी जाः थें

एफिसी 1:18

परमेश्‍वरयागु ज्‍याखँ फुक्‍कं थुइके फय्‌केत छिमिगु नुगः चाय्‌कादिसँ धकाः नं जिं प्रार्थना यानाच्‍वनागु दु। अले छु आशायागु निंतिं वय्‌कलं छिमित सःतादीगु खः व वय्‌कलं थः मनूतय्‌त छु छु आशिष बियादी धकाः धयादीगु खः, छिमिसं सी।