यशैया 6:2 - नेवाः बाइबल

² वय्‌कःया च्‍वय् सराफत च्‍वनाच्‍वंगु दु, उपिं फुक्‍कसिके खुगू खुगू पपू दु। निगू पपुतिं इमिसं थःगु ख्‍वाः त्‍वपुयातःगु दु, मेगु निगू पपुतिं थःगु तुति त्‍वपुयातःगु दु। अले मेगु निगू पपुतिं ब्‍वयाच्‍वंगु दु।

यशैया 6:2 ပူးပေါင်းရင်းမြစ်များ

उत्‍पत्ति 17:3

अब्राम बँय् भ्‍वपुल। परमेश्‍वरं धयादिल,

१ राजा 19:13

व सः तायेवं एलियां थःगु ख्‍वाः गां त्‍वपुल, अले पिहां वनाः गुफाय् दुहां वनेथाय् दन। छगू सलं वयात थथे धाल, “एलिया, छ थन छु यानाच्‍वनागु?”

१ राजा 22:19

मीकायां हानं धाल, “उकिं परमप्रभुया थ्‍व वचन न्‍यनादिसँ– जिं परमप्रभुयात थःगु सिंहासनय् च्‍वनादीगु व स्‍वर्गया फुक्‍क सेना वय्‌कःया जवय् व खवय् दनाच्‍वंगु खना।

१ राजा 6:24

छम्‍ह करूबया निपुं पपू २.२ – २.२ मिटर ताहाः, अले मेगु नं २.२ मिटर ताहाः। अथे जुयाः छपु पपूया च्‍वकां मेगु पपूया च्‍वका तक ४.४ मिटर दु।

१ राजा 6:27

वं उपिं करूबतय्‌त देगःया महा-पवित्र थासय् तल। उमिगु पपू थुकथं न्‍यनावंगु दु कि छम्‍ह करूबया छपु पपुतिं छखेपाखेया अंगःयात थ्‍यूगु दु, मेम्‍ह करूबया छपु पपुतिं मेखे पाखेया अंगःयात थ्‍यूगु दु। अले उमिगु मेगु निपु पपुतिं क्‍वथाया दथुइ थ्‍यूगु दु।

१ राजा 8:7

सनू तःगु थाय्‌या च्‍वय् करूबतय्‌गु पपू चकनाच्‍वंगु दु। सनू व उकिया न्‍वःयात करूबतय्‌गु पपुतिं त्‍वपुयातःगु दु।

नहेम्‍याह 9:6

छि जक परमप्रभु खः। छिं हे आकाश, दकलय् तःजाःगु आकाश व उकियागु दक्‍व नगुत, पृथ्‍वी व उकी दुगु फुक्‍क, समुद्र व उकी दुगु फुक्‍क दय्‌कादिल। छिं हे उपिं फुक्‍कयात जीवन बियादी। अले स्‍वर्गया सेनां छितः आराधना याइ।

अय्‍यूब 1:6

छन्‍हु स्‍वर्गयापिं दूतत परमप्रभुया न्‍ह्यःने दं वःबलय् शैतान नं इपिंलिसें वल।

अय्‍यूब 15:15

परमेश्‍वरं थः पवित्रम्‍ह मनूयात हे पत्‍याः यानादी मखु धाःसा अले स्‍वर्ग वय्‌कःया मिखाय् यचुसे मच्‍वं धाःसा,

अय्‍यूब 4:18

परमेश्‍वरं थः सेवकतय्‌त हे पत्‍याः याना मदिल धाःसा, अले स्‍वर्गदूततय्‌त द्वंकुगुया दोष बियादिल धाःसा,

भजनसंग्रहया सफू 103:20

परमप्रभुया प्रशंसा या, वय्‌कःया आज्ञा मानय् याइपिं व वय्‌कलं धाःथें याइपिं हे बल्‍लाःपिं स्‍वर्गदूतत!

भजनसंग्रहया सफू 104:4

फय्‌यात छिं दूत यानादीगु दु, अले च्‍यानाच्‍वंगु मित्‍याःयात थः दास यानादीगु दु।

भजनसंग्रहया सफू 18:10

वय्‌कः करूबया म्‍हय् च्‍वनाः ब्‍वयाः झाल। वय्‌कः फय्‌या पपुतिइ च्‍वनाः ब्‍वयाः झाल।

भजनसंग्रहया सफू 89:7

परमेश्‍वर पवित्र मनूतय्‌गु सभाय् तसकं इज्‍जत यायेमाःम्‍ह व थः जःखः च्‍वंपिं फुक्‍क स्‍वयाः अप्‍वः ग्‍याये माःम्‍ह खः।

प्रस्‍थान 25:20

उपिं करूबतय्‌सं थथःगु पपू च्‍वय्‌पाखे चकंका च्‍वंगु व प्रायश्‍चितया कृपा-आसनयात थःगु पपूं त्‍वपुयातःगु जुइमाः। इमिगु ख्‍वाः चुलिंचू प्रायश्‍चितया कृपा-आसनपाखे स्‍वय्‌कातःगु जुइमाः।

प्रस्‍थान 3:6

वय्‌कलं हानं धयादिल, “जि छिमि पुर्खाया परमेश्‍वर खः, अब्राहाम, इसहाक व याकूबया परमेश्‍वर खः।” अले मोशां थःगु ख्‍वाः त्‍वपुल, छाय्‌धाःसा परमेश्‍वरयात स्‍वयेत व ग्‍यात।

प्रस्‍थान 37:9

उपिं करूबतय्‌सं थथःगु पपू च्‍वय्‌पाखे चक्‍कंकाः प्रायश्‍चितया कृपा-आसनयात त्‍वपुयातःगु दु। इमिगु ख्‍वाः चूलाकाः प्रायश्‍चितया कृपा-आसनपाखे स्‍वय्‌का तयातःगु दु।

यशैया 6:6

अनंलि छम्‍ह सराफ चिम्‍तां वेदीया च्‍यानाच्‍वंगु हेंग्‍वामि कयाः ब्‍वयाः जिथाय् वल।

इजकिएल 1:11

इमिगु ख्‍वाः थथे हे च्‍वं। इमिगु पपू च्‍वय्‌पाखे चक्‍कंगु दु। छम्‍ह छम्‍हय्‌सिगु निपा पपुतिं छम्‍हय्‌सिगु पपुतिं मेम्‍हय्‌सिगु पपूयात थ्‍यूगु दु। मेगु निपा पपुतिं थथःगु म्‍ह त्‍वपुयातःगु दु।

इजकिएल 1:24

इपिं वंबलय् इमिगु पपूया सः यक्‍व लःया सः, दकलय् तःधंम्‍हय्‌सिगु सः, सेनाया हलचलयागु सः थें जिं ताया। इपिं झ्‍वातां दनीबलय् इमिसं थथःगु पपू क्‍वय् क्‍वकाइगु।

इजकिएल 1:4

जिं स्‍वया, जिं उत्तरपाखें वाफय् वयाच्‍वंगु खना। छगू तःधंगु सुपाँचय् मि प्‍वालाक प्‍वालाक्‍क च्‍यानाच्‍वंगु दु। उकिया प्‍यखें तसकं थीगु जः दु, अले मिया दथुइ ज्‍वाल्‍लच्‍वंगु धातु थें छुं दु।

इजकिएल 1:6

तर इपिं फुक्‍कसिके प्‍यपा प्‍यपा ख्‍वाः व प्‍यपु प्‍यपु पपू दु।

इजकिएल 1:9

इमिगु पपू छगुलिं मेगुयात थीगु दु। गनं वनीबलय् इपिं फुक्‍क तप्‍यंक न्‍ह्यज्‍याइगु, इमिसं थुखे उखे फहिली मखु।

इजकिएल 10:16

उपिं करूबत थुखे उखे वनीबलय् उमिगु लिक्‍कया घःचाःत नं इपिंलिसें वनीगु। करूबतय्‌सं जमिनं च्‍वय् थाहां वनेत थःगु पपू चक्‍कंकीबलय् उपिं घःचाःत करूबतय्‌गु लिक्‍कं चिलावनी मखु।

इजकिएल 10:21

इपिं फुक्‍कसिके प्‍यपा प्‍यपा ख्‍वाः व प्‍यपा प्‍यपा पपू दु, उपिं पपूया क्‍वय् मनूयागु थें ल्‍हाः दु।

दानिएल 7:10

अले व गद्दीं तःधाःगु मित्‍याः मदिक्‍क पिहां वयाच्‍वंगु दु। द्वलंद्वः मनूत वय्‌कःया सेवा यायेत न्‍ह्यःने दु। वय्‌कःया न्‍ह्यःने लखंलख मनूत दनाच्‍वंगु दु। न्‍याययागु अदालत अन हे च्‍वन। अले सफूत प्‍वल।

दानिएल 9:21

जिं प्रार्थना यानाच्‍वनाबलय् जिं थःगु न्‍हापांयागु दर्शनय् खनाम्‍ह मनू, गब्रिएल याकनं ब्‍वयाः सन्‍ध्‍याया बां बीगु इलय् जिथाय् वल।

जकरिया 3:4

थःगु न्‍ह्यःने दनाच्‍वंपिन्‍त दूतं धाल, “वया फोहरगु वसः त्‍वःकि।” अले वं यहोशूयात धाल, “स्‍व, जिं छंगु पाप चीकाछ्वयागु दु, अले जिं छन्‍त मू वंगु वसः फीकाबी।”

लूका 1:10

वं दुने गुँगू थनाच्‍वंबलय् फुक्‍क मनूतय्‌सं पिने च्‍वनाः प्रार्थना यानाच्‍वन।

हिब्रू 1:7

स्‍वर्गदूततय्‌गु बारे वय्‌कलं धयादी, “वय्‌कलं थः दूततय्‌त फय्, थः दासतय्‌त मित्‍याः यानादी।”

प्रकाश 14:6

अले छम्‍ह स्‍वर्गदूत आकाशं आकाशं ब्‍वया जूगु जिं खना। वं पृथ्‍वीइ च्‍वंपिं फुक्‍क जातियापिं मनूतय्‌त, कुलयापिं मनूतय्‌त, थीथी भाषां नवाइपिं मनूतय्‌त, व देश देशयापिं मनूतय्‌त न्‍यंकेत न्‍ह्याबलें दयाच्‍वनीगु भिंगु खँ ज्‍वना वयाच्‍वंगु दु।

प्रकाश 4:8

थ्‍व प्‍यम्‍ह जीवात्‍मातय्‌के खुपा खुपा पपू दु, अले दुनेपिने फुक्‍कभनं मिखाया मिखा दु। थुमिसं चच्‍छि न्‍हिच्‍छिं मदिक्‍क थथे म्‍ये हालाच्‍वनी। “पवित्र, पवित्र, पवित्रम्‍ह दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर। वय्‌कः न्‍हापांनिसें दीम्‍ह, आः नं दीम्‍ह, अले लिपा नं दीम्‍ह खः।”

प्रकाश 7:11

फुक्‍क स्‍वर्गदूतत सिंहासन, थकालिपिं व प्‍यम्‍ह जीवात्‍मातय्‌गु चाकःछिं दनाच्‍वन। थुपिं फुक्‍कसिनं सिंहासनयागु न्‍ह्यःने भागियानाः थथे धकाः परमेश्‍वरयात तःधंकल।

प्रकाश 8:13

थुलि जुइ धुंकाः जिं आकाशय् ततसलं थथे हालाः ब्‍वया च्‍वंम्‍ह छम्‍ह इमायात खना। “आवंनिसें पृथ्‍वीइ च्‍वंपिन्‍त तसकं धिक्‍कार, धिक्‍कार, धिक्‍कार, छाय्‌धाःसा अझ नं स्‍वम्‍ह स्‍वर्गदूततय्‌सं थथःगु तुरही पुयाहइतिनि।”