यशैया 6:12 - नेवाः बाइबल

¹² परमप्रभुं थनच्‍वंपिं मनूतय्‌त तापाक पितिना देय्‌यात मत्‍वःतुतले।

यशैया 6:12 ပူးပေါင်းရင်းမြစ်များ

२ राजा 25:11

सेनापति नबूजरदानं शहरय् ल्‍यंदुपिं मनूत, मेपिं मनूतय्‌त व बेबिलोनयाम्‍ह जुजुयाथाय् बिस्‍युं वंपिन्‍त ज्‍वनाः बेबिलोनय् यंकल।

२ राजा 25:21

बेबिलोनयाम्‍ह जुजुं हमात देशया रिब्‍ला शहरय् इमित स्‍याकेबिल। थुकथं यहूदायापिं मनूतय्‌त थःगु देशं ज्‍वना यंकल।

यशैया 13:12

जिं मनूतय्‌त तच्‍वकं भिंगु लुँ स्‍वयाः लुइके थाकुकाबी। अले ओपीरया लुँ स्‍वयाः नं यक्‍व थिकेगु यानाबी।

यशैया 26:15

परमप्रभु, छिं जिमि जातियात ब्‍वलने बियादीगु दु। उकिया सिमाना चाकःछिं न्‍यनावने बियादीगु दु। थुकिं यानाः छिगु हनाबना जूगु दु।

यशैया 5:9

दक्‍व शक्ति दुम्‍ह परमप्रभुं थथे धयादीगु जिं तायागु दु, “धात्‍थें हे अप्‍वः थें छेँत दुनावनी अले ततःखागु बांलाःगु छेँय् झिजांमिजां दनी।

यर्मिया 12:7

“जिं जिमि मनूत इस्राएलयात त्‍वःताबी। जिगु सर्बय जिं वांछ्वयाबी। जितः यःम्‍हय्‌सित जिं वया शत्रुतय्‌गु ल्‍हातय् बी।

यर्मिया 15:4

हिजकियाया काय् मनश्‍शें थः यहूदायाम्‍ह जुजु जुयाच्‍वंबलय् यरूशलेमय् छु याःगु खः उकिया लागि जिं इमित पृथ्‍वीयागु फुक्‍क देशय् छगू घच्‍चाइपुगु खँ यानाबी।

यर्मिया 4:29

सल गया वःपिनिगु व धनुष घाना तःपिनिगु सः न्‍यनाः फुक्‍क शहरयापिं मनूत बिस्‍युं वनी। गुलिं झालय् दुहां वनी, गुलिं ल्‍वहंधिकय् थाहांवनी। फुक्‍क शहर सुनसान जुल, अन सुं च्‍वनी मखु।

यर्मिया 52:27

बेबिलोनयाम्‍ह जुजुं हमात देशया रिब्‍ला शहरय् थुमित स्‍यायेगु आज्ञा बिल। थुकथं यहूदायापिं मनूतय्‌त थःगु देशं ज्‍वना यंकल।

विलाप 5:20

छाय् छिं जिमित ल्‍वमंकाः च्‍वनादियागु? छाय् छिं थुलिमछि ई तक जिमित त्‍वतादियागु?

सपन्‍याह 1:3

“जिं दक्‍व मनूत व पशुत निथिंयात भज्‍यंक नाश यानाबी। जिं आकाशय् ब्‍वइपिं झंगःत व समुद्रय् च्‍वंपिं न्‍यातय्‌त भज्‍यंक नाश यानाबी। जिं फुक्‍क मनूजातियात पृथ्‍वीं मदय्‌का छ्वयेबलय् दुष्‍टतय्‌गु निंतिं ल्‍वहंया कुचाकाचाया द्वँ जक दइ,” परमप्रभुं धयादी।

रोमी 11:15

छाय्‌धाःसा इमिसं इन्‍कार यानाः हे ला संसारयापिं मनूत परमेश्‍वर नाप मिलय् जुल धाःसा, झन इमित थः हे नाल धाःसा सीपिन्‍त म्‍वाकेगु ति मग्‍यनी ला?

व्‍यवस्‍था 28:64

अले पृथ्‍वीयागु छगू कुन्‍चांनिसें मेगु कुन्‍चा तक थीथी जातिया दथुइ परमप्रभुं छिमित छ्यालब्‍याल यानादी। अले अन च्‍वनाः छिमिसं थःपिन्‍सं व थः पुर्खां म्‍हमस्‍यूपिं सिँ व ल्‍वहंयापिं मेपिं द्यःतय्‌त पुजा याइ।