यशैया 6:11 - नेवाः बाइबल

¹¹ अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

यशैया 6:11 ပူးပေါင်းရင်းမြစ်များ

भजनसंग्रहया सफू 74:10

हे परमेश्‍वर, शत्रुतय्‌त गुबलय् तक न्‍हीकातयेगु? इमित सदां छिगु नांयात क्‍वह्यंके बियातयेगु ला?

भजनसंग्रहया सफू 79:5

हे परमप्रभु, छि गुबलय् तक जिपिंलिसें तंम्‍वयाच्‍वनादीगु? छि न्‍ह्याबलें तंम्‍वयादीगु ला? छिगु तं सह याये मफय्‌कः च्‍यानाच्‍वनी?

भजनसंग्रहया सफू 90:13

अज्‍ज ग्‍वःन्‍हु तक छिगु तं दयाच्‍वनी? हे परमप्रभु! थः दासतय्‌त दया यानादिसँ।

भजनसंग्रहया सफू 94:3

हे परमप्रभु, दुष्‍टत गुबलय् तक लय्‌तायाच्‍वनी? गुबलय् तक?

यशैया 1:7

छिमिगु देय् झिजांमिजां जूगु दु। छिमिगु शहरत मिं च्‍याःगु दु। छिमिगु हे न्‍ह्यःने परदेशीतय्‌सं छिमिगु बुँ लाकाकयाः नाश यानाब्‍यूगु दु।

यशैया 13:12

जिं मनूतय्‌त तच्‍वकं भिंगु लुँ स्‍वयाः लुइके थाकुकाबी। अले ओपीरया लुँ स्‍वयाः नं यक्‍व थिकेगु यानाबी।

यशैया 3:26

सियोनया मू ध्‍वाखा ध्‍वाखाय् ख्‍वःसः जक जुइ अले मनू सीगुलिं नुगः मछिंका बँय् फेतुनाच्‍वम्‍ह मिसा थें फुक्‍क शहर झिजांमिजां दनी।

यशैया 3:8

धात्‍थें, यरूशलेम छ्यालब्‍याल जुइ, अले यहूदा तनावनी, इमिसं ल्‍हाना जूगु खँ व याना जूगु ज्‍या परमप्रभुया विरोधय् जुइ। इमिसं परमप्रभुया महिमायात हेला याइ।

यशैया 32:14

जुजुया दरबार त्‍वःताछ्वइ, यक्‍व मनूत दुगु लिमलाःगु शहर सुनसान जुइ। किल्‍लात व धरहरात सदांया लागिं उजाड जुइगु बुँ जुइ। गुँ गधातय्‌गु निंतिं लसता व सा द्वहं व फैच्‍वलय्‌तय्‌गु निंतिं घाँय्‌ख्‍यः जुइ।

यशैया 35:1

झिजांमिजां दंगु बँ व गंगु बँ लय्‌ताइ। मरुभूमि लय्‌ताइ अले ह्वइ।

यशैया 5:9

दक्‍व शक्ति दुम्‍ह परमप्रभुं थथे धयादीगु जिं तायागु दु, “धात्‍थें हे अप्‍वः थें छेँत दुनावनी अले ततःखागु बांलाःगु छेँय् झिजांमिजां दनी।

यशैया 60:15

“छ त्‍वःतातःम्‍ह व हेला यानातःम्‍ह खः, छपाखें जुयाः सुं नं मवंसां नं जिं छन्‍त सदांया निंतिं गौरव व फुक्‍क पुस्‍ताया लसता यानाबी।

यशैया 64:10

छिगु पवित्र शहरत मरुभूमि जूगु दु, सियोननापं मरुभूमि जूगु दु अले यरूशलेम नाश जूगु दु।

यर्मिया 22:6

यहूदाया जुजुया दरबारया बारे परमप्रभुं थथे धयादी, “छ जिगु लागि गिलाद देश व लेबनानया गुँया च्‍वका थें तसकं बांला। अय्‌नं जिं धात्‍थें हे छन्‍त मरुभूमि व मनू मदुगु शहर यानाबी।

यर्मिया 4:7

छम्‍ह सिंह थःगु गुफां पिहां वःगु दु। जातितय्‌त नाश याइम्‍ह पिहां वये धुंकूगु दु। छिमिगु देशयात नाश यायेत व थःगु थासं पिहां वये धुंकूगु दु। छिमिगु शहर मनूत मदयाः नाश जुइ।

यर्मिया 44:2

“दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – यरूशलेम व यहूदाया फुक्‍क शहरय् जिं हयागु फुक्‍क विपत्ति ला छिमिसं खंगु हे दु। थौं व झिजांमिजां दंगु सुनसान थाय् जूगु दु, अन सुं नं मच्‍वं।

यर्मिया 52:27

बेबिलोनयाम्‍ह जुजुं हमात देशया रिब्‍ला शहरय् थुमित स्‍यायेगु आज्ञा बिल। थुकथं यहूदायापिं मनूतय्‌त थःगु देशं ज्‍वना यंकल।

इजकिएल 6:6

छिपिं न्‍ह्याथाय् च्‍वंसां छिमिगु शहरतय्‌त तहसनहस यानाबीगु जुइ। अले छिमिगु पुजा यायेगु थाय्‌त थुनाबीगु जुइ। छिमिगु वेदीत तहसनहस जुइ अले भज्‍यंक स्‍यनी। छिमिगु मूर्तित चुंचुं यानाबीगु जुइ, छिमिगु धुपाँय् च्‍याकीगु वेदीत कुचा कुचा याइगु जुइ। अले छिमिगु ज्‍या न्‍हंका छ्वइगु जुइ।

दानिएल 8:13

अले जिं छम्‍ह स्‍वर्गदूत न्‍ववाःगु ताया। हानं मेम्‍ह छम्‍ह स्‍वर्गदूतं न्‍हापा न्‍ववाःम्‍हय्‌सित न्‍यन, “थ्‍व दर्शनय् खनेदुगु खँ गबले तक जुयाच्‍वनी? न्‍हियान्‍हिथंया देछाया पलेसा गबले तक घच्‍चाय्‌पुगु पाप जुयाच्‍वनी? देगः व स्‍वर्गया सेनायात न्‍हुत्तुन्‍हुइगु ज्‍या गबले तक जुयाच्‍वनी।”

लेवी 26:31

जिं छिमिगु शहरत नाश यानाबी, छिमिगु पुजा यायेगु थाय्‌यात भज्‍यंक स्‍यंकाबी, अले छिमिसं ब्‍यूगु नस्‍वाः वःगु बलि नालाकाये मखु।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

मीका 2:4

उगु दिनय् मनूतय्‌सं छिमित हेस्‍याइ अले छिमित लाय्‌बुयाः थ्‍व बिलापया म्‍ये हाली, ‘जिपिं भज्‍यंक नाश जुल, जिमि मनूतय्‌गु सम्‍पत्ति इनाब्‍यूगु दु, वय्‌कलं थ्‍व जिपाखें लाकाकयादी। वय्‌कलं जिमिगु बुँ जिमित ध्‍वं लाइपिन्‍त इनाबियादी।’”

मीका 5:11

जिं छिमिगु देशया शहरत नाश यानाबी अले छिमिगु किल्‍लात नं थुनाबी।

मीका 6:13

छिमिसं यानातःगु पाप व अपराधयागु कारणं जिं छिमित नाश याये त्‍यनागु दु।

मीका 7:13

तर इमिगु ज्‍यायागु कारणं व अनयापिं मनूतय्‌गु कारणं पृथ्‍वी सुनसान हे जुयावनी।

व्‍यवस्‍था 28:62

परमप्रभु छिमि परमेश्‍वरया खँ मन्‍यंगुलिं आकाशया नगु थें अल्‍याख दुपिं छिपिं यक्‍व कम जक ल्‍यं दइ।

व्‍यवस्‍था 28:63

परमप्रभुं लय्‌ताःतां भिं यानादीगु व ल्‍याः अप्‍वयेकादीगु थें हे छिमित लय्‌ताःतां भज्‍यंक नाश यानादी। अले छिमिसं अधिकार यायेत दुहां वनेत्‍यंगु देशं छिमित लिनाः वांछ्वइ।