यशैया 59:9 - नेवाः बाइबल

⁹ अथे जुयाः न्‍याय झीपिंपाखें तापानाच्‍वंगु दु। धार्मिकतां झीत नापलाके फइ मखु। झीसं जःया लँपुयात स्‍वयाच्‍वनी, तर फुक्‍क खिउँसे च्‍वनाच्‍वंगु दु। झीसं तुयुजःया लँपु स्‍वयाच्‍वनी, तर तसकं खिउँसे च्‍वंगु लँपुइ जुयाच्‍वनी।

यशैया 59:9 ပူးပေါင်းရင်းမြစ်များ

अय्‍यूब 19:8

वय्‌कलं जिगु लँ पनादीगु दु, जि पुलावने मफु। जिगु लँयात वय्‌कलं खिउँगुलिं त्‍वपुयादीगु दु।

अय्‍यूब 30:26

जिं भिं जुइगु आशा यानागु खः, तर उकिया पलेसा मभिं वल। जःयागु आशा यानागु खः, तर खिउँगु वल।

भजनसंग्रहया सफू 82:5

“इमिसं छुं नं मथू, इमिसं छुं नं मस्‍यू, तर खिउँगुलिइ थुखे उखे जुयाच्‍वनी, पृथ्‍वीया फुक्‍क जग संगु दु।

हितोपदेश 4:19

दुष्‍टतय्‌गु लँ तसकं खिउँगु थें खः, इमिसं थःपिं छुकिं यानाः दल धयागु तकं सी मखु।

यशैया 5:30

व दिं वइबलय् समुद्रं सः पिकया हः थें इपिं वयाथाय् हाः वइ। व देशयात स्‍वःसा, अन खिउँगु व कष्‍ट जक दु अले जःयात सुपाचं त्‍वपुयाः खिउँकाबी।

यशैया 59:11

झीपिं सकलें भालुत थें हाली। अले सुकुभत्तुं थें तसकं विलाप याइ। झीसं न्‍याय फ्‍वनी तर सुयातं नं व दइ मखु, मुक्तिया लँपु मालाच्‍वनी तर व झीपिंपाखें तापाक्‍क हे दु।

यशैया 59:14

अथे जुयाः न्‍याय ल्‍यूनेपाखे चीकाछ्वःगु दु, धार्मिकता तापाक्‍क वंगु दु, अले खःगु खँ धाःसा लँय् लँय् लुफिं हानाच्‍वंगु दु, अय्‌जूगुलिं भिं यायेगु दुहां वये फइ मखु।

यशैया 59:8

इमिसं शान्‍तिया लँ म्‍हमस्‍यू, अले इमिगु लँपुइ न्‍याय मदु। इमिसं थःगु लँपु बेक्‍वय्‌कूगु दु। व लँपुइ न्‍यासि जुइपिं सुयातं नं शान्‍ति दइ मखु।

यशैया 8:21

इपिं तसकं कष्‍टय् लाना नयेपित्‍याकाः देशय् चाचाःहिलाजुइ। उबलय् इमित तसकं नयेपित्‍याइ, इपिं तसकं तंम्‍वइ अले च्‍वय् स्‍वयाः थः जुजु व थः परमेश्‍वरयात सराः बी।

यशैया 8:22

अनंलि इमिसं पृथ्‍वीपाखे स्‍वइबलय् अन दुःख, खिउँगु व ग्‍यानपुसे च्‍वंगु सिबय् मेगु छुं खनी मखु। अले इमित खिउँगुलिइ वांछ्वइगु जुइ।

यर्मिया 13:16

वय्‌कलं तसकं खिउँगु हये न्‍ह्यः हे, तसकं खिउँगु डाँडाय् छिपिं लुफिंहाये न्‍ह्यः हे परमप्रभु थः परमेश्‍वरया प्रशंसा या! छिमिसं जःया आशा याइ, तर वय्‌कलं उकियात खिउँगुलिइ हिलाः तसकं खिउँकादी।

यर्मिया 14:19

छु! छिं यहूदायात त्‍वःता हे दियागु खः ला? छितः सियोन तसकं मयः ला? जिमित लने हे मफय्‌क छाय् छिं कय्‌कादियागु? जिमिसं शान्‍तिया आशा यानाः तर छुं नं भिंगु खँ मवः। लनीगु ई पियाच्‍वनाः तर आतंक जक दु।

यर्मिया 8:15

झीसं शान्‍तिया आस यानागु खः, अय्‌नं छुं भिंगु खँ मवः, लाय्‌काबीगु ईया आस यानागु खः अय्‌नं आतंक जक दु।

विलाप 3:2

वय्‌कलं जितः यंकादिल, तुयु जलय् मखु बरु खिउँगु थासय् न्‍यासिकादिल।

विलाप 4:14

आः इपिं लँय् लँय् कांपिं थें पचिपचि यानाः जुइ। इपि हिया कारणं अशुद्ध जूगु दु। थुलि तक कि सुनानं इमिगु लं तक नं थीगु आँट याइ मखु।

आमोस 8:9

परमप्रभु परमेश्‍वरं धयादी, “व दिं” जिं सूर्य न्‍हिनय् बिनावंका बी, न्‍हिनय् हे पृथ्‍वीयात खिउँकाबी।

मीका 1:12

मारोतया मनूत नुगः खुलखुल मिंका उद्धार पियाच्‍वंगु दु। तर परमेश्‍वरयापाखें विपत्ति यरूशलेमयागु ध्‍वाखाय् तक थ्‍यंकः वःगु दु।

हबकूक 1:13

तसकं मभिंगु खँ स्‍वयेत छिगु मिखा शुद्ध जु, अले छिं मखुगु ज्‍या स्‍वयादी मफु, अय्‌नं आः ध्‍वं ल्‍हाइपिं मनूतय्‌त छिं छाय् स्‍वयाच्‍वनादियागु? थः स्‍वयाः धर्मी मनूतय्‌त दुष्‍टतय्‌सं नूना छ्वःसां छाय् छि सुम्‍क च्‍वनादियागु?

१ थेसलोनिकी 5:3

मनूतय्‌सं प्‍यखें “शान्‍ति दु, ग्‍याये माःगु मदु” धया च्‍वनीबलय् लाक्‍क हे इमिके प्‍वाथय् दुम्‍ह मिसायात मचाबुइ ब्‍यथा जू थें आकाझाकां विनाश जू वइ। अले इपिं छुं यानाः नं बचय् जुइ फइ मखु।