यशैया 59:8 - नेवाः बाइबल

⁸ इमिसं शान्‍तिया लँ म्‍हमस्‍यू, अले इमिगु लँपुइ न्‍याय मदु। इमिसं थःगु लँपु बेक्‍वय्‌कूगु दु। व लँपुइ न्‍यासि जुइपिं सुयातं नं शान्‍ति दइ मखु।

यशैया 59:8 ပူးပေါင်းရင်းမြစ်များ

भजनसंग्रहया सफू 125:5

तर मखुगु लँपुइ वनिपिन्‍त दुष्‍टतनापं हे परमप्रभुं पितिना छ्वयादिसँ। इस्राएलय् शान्‍ति जुइमा।

हितोपदेश 21:8

मखुगु ज्‍या याइपिनिगु लँ बेक्‍वइ, दोष मदुपिनिगु लँ तप्‍यनी।

हितोपदेश 28:18

इमान्‍दार जु, छन्‍त न्‍ह्याबलें रक्षा याना तइ, बेमान जुल कि आकाझाकां छ पतन जुयावनी।

हितोपदेश 3:17

थुकिं जीवनयात न्‍ह्याइपुसे च्‍वंगु लँय् न्‍ह्याकी, अले याउँक न्‍ह्याकी।

यशैया 48:22

तर परमप्रभुं धयादिल, “दुष्‍टतय्‌त शान्‍ति दइ मखु।”

यशैया 5:7

दक्‍व शक्ति दुम्‍ह परमप्रभुया दाखक्‍यब ला इस्राएल जाति खः, यहूदाया मनूत धाःसा वय्‌कःयात यःगु क्‍यब खः। स्‍व, वय्‌कलं न्‍यायया आशा यानादिल, अय्‌नं स्‍याये पालीगु जक जुल। वय्‌कलं धार्मिकताया आशा यानादिल, अय्‌नं दुःखया ख्‍वःगु सः ताये दत।

यशैया 59:11

झीपिं सकलें भालुत थें हाली। अले सुकुभत्तुं थें तसकं विलाप याइ। झीसं न्‍याय फ्‍वनी तर सुयातं नं व दइ मखु, मुक्तिया लँपु मालाच्‍वनी तर व झीपिंपाखें तापाक्‍क हे दु।

यशैया 59:9

अथे जुयाः न्‍याय झीपिंपाखें तापानाच्‍वंगु दु। धार्मिकतां झीत नापलाके फइ मखु। झीसं जःया लँपुयात स्‍वयाच्‍वनी, तर फुक्‍क खिउँसे च्‍वनाच्‍वंगु दु। झीसं तुयुजःया लँपु स्‍वयाच्‍वनी, तर तसकं खिउँसे च्‍वंगु लँपुइ जुयाच्‍वनी।

यशैया 65:2

जिं जिगु ल्‍हाः न्‍हिछि हे छगू विद्रोही प्रजाया न्‍ह्यःने ब्‍वय्‌काच्‍वना। तर इपिं थःगु हे बिचालं थज्‍याःगु मभिंगु लँपुइ जुइ।

यर्मिया 5:1

“यरूशलेमया लँय् लँय् थाहां क्‍वहां हुँ, प्‍यखेरं स्‍व अले बिचाः या! उकिया चुक चुकय् माला स्‍व, छं छम्‍ह जक नं विश्‍वास यायेबहः जुयाः ज्‍या याइम्‍ह व सत्‍य मालीम्‍ह मनू गनं लुइके फत धाःसा जिं व शहरयात क्षमा यानाबी।

मत्ती 23:23

“शास्‍त्री व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं नवःघाँय्, सोँप व जीया झिब्‍वय् छब्‍व परमेश्‍वरयात छाये हइ। अथेसां छिमिसं न्‍याय, दया व विश्‍वास थें ज्‍याःगु व्‍यवस्‍थाया मू खँय् च्‍यूताः मतः। छिमिसं थ्‍व नं मत्‍वःते माःगु खः।

लूका 1:79

थ्‍व निभाः जः स्‍वर्गं कालयागु हाकुगु किपालुइ च्‍वनाच्‍वंपिं मनूतय्‌थाय् खय्‌कादी। थ्‍व हे जलं झीत शान्‍तियागु लँपुइ यंकादी।”

रोमी 3:17

थज्‍याःपिन्‍सं शान्‍तियागु लँपु म्‍हमस्‍यू।