यशैया 57:5 - नेवाः बाइबल

⁵ पुजा याइगु स्‍वसिमातय्‌गु दथुइ व फुक्‍क झ्‍याम्‍म च्‍वंगु सिमाया क्‍वय् येचाःपिं थें च्‍वं। छिमिसं थःकाय् म्‍ह्याय्‌पिन्‍त न्‍हसिकापय् व ल्‍वहंकापिइ बलि छाइ।

यशैया 57:5 ပူးပေါင်းရင်းမြစ်များ

१ राजा 14:23

इमिसं थःगु निंतिं पुजा याइगु थाय्, च्‍वखगु ल्‍वहंया थां व अशेरा द्यःमय्‌जुया थांत फुक्‍क गुँच्‍वकाय् च्‍वकाय् व फुक्‍क वाउँगु सिमाया क्‍वय् थापं यात।

२ राजा 17:10

डाँडा डाँडाया च्‍वकाय् व फुक्‍क वाउँगु सिमाया क्‍वय् इमिसं च्‍वखगु ल्‍वहंया थां व अशेरा द्यःमय्‌जुया थां तल।

२ राजा 17:7

मिश्र देशयाम्‍ह जुजु फारोया ल्‍हातं त्‍वःतकाः मिश्र देशं पित हयादीम्‍ह परमप्रभु थः परमेश्‍वरया विरोधय् इस्राएलीतय्‌सं पाप याःगुलिं थ्‍व फुक्‍क जूगु खः। इमिसं मेपिं द्यःतय्‌त पुजा यात।

२ राजा 23:10

जुजु योशियाहं मोलोखया निंतिं सुनानं थःकाय् वा म्‍ह्याय्‌यात मिइ छाये मफयेमाः धकाः बेन-हिन्‍नोमया खोँचय् दुगु द्यःपुजा याइगु थाय् तोपेतयात अशुद्ध यानाबिल।

२ इतिहास 28:3

वं बेन-हिन्‍नोमया ब्‍यासिइ बलि बिल। इस्राएलीतय्‌त न्‍ह्यःनं गुगु जातियात परमप्रभुं देशं पितिनाछ्वःगु खः वं व हे जातियापिन्‍सं याइगु थें यानाः थः काय्‌पिन्‍त मिइ छ्वय्‌काः बलि बिल।

प्रस्‍थान 32:6

अले कन्‍हय् खुन्‍हु सुथय् न्‍हापां मनूतय्‌सं होमबलि छाल, अले मेलबलि नं हल। इपिं फेतुनाः नयेत्‍वने धुंकाः दनाः यःयःथें सन।

यशैया 1:29

थुकथं “छिमिसं पुजा यायेगु स्‍वसिमाया सिमा प्‍यूगूलिं व मूर्ति पुजा यायेगु बगैँचात दय्‌कूगुलिं छिपिं लाजय् लाये तिनि।

यर्मिया 17:2

वाउँगु वाउँगु सिमाया क्‍वय् व ततःजाःगु डाँडाय् दुगु वेदीत व अशेराया थांत इमि काय् म्‍ह्याय्‌पिन्‍सं नं लुमंकी।

यर्मिया 2:20

“यक्‍व न्‍हापा हे छं थःगु जुवा त्‍वःथुल, सिखःयात चफ्‍फुनाबिल, अले धाल, जिं छिगु सेवा याये मखुत। धात्‍थें फुक्‍क डाँडा डाँडाय् व फुक्‍क वाउँगु सिमाया क्‍वय् व वेश्‍या थें क्‍वछुल।

यर्मिया 3:13

“छं थः परमप्रभु परमेश्‍वरया विरोधय् विद्रोही जुया, छं फुक्‍क वाउँगु सिमाया क्‍वय् द्यःतय्‌त पुजा यानाः जिगु विरोधय् व्‍यभिचार याना धकाः स्‍वीकार जक या,” परमप्रभुं धयादी।

यर्मिया 3:6

योशियाह जुजुया पालय् परमप्रभुं जितः धयादिल, “विश्‍वास यायेबहः मजूम्‍ह इस्राएलं छु छु यात छु छं खना ला? वं फुक्‍क ततःजाःगु डाँडाय् व फुक्‍क वाउँगु सिमाया क्‍वय् वं व्‍यभिचार यात।

यर्मिया 32:35

अज्‍ज इमिसं बेन-हिन्‍नोमया बेसीइ बालद्यःयात पुजा याइगु थाय् दय्‌कल। मोलोखद्यःयात थः काय्‌म्‍ह्याय्‌पिं बलि बिल। इमिसं थज्‍याःगु घच्‍चाइपुगु ज्‍या यानाः यहूदायात पाप याके बीमा धकाः जिं इमित आज्ञा बियागु नं मदु, न जिगु मतिइ थज्‍याःगु खँ गुबलें वल।”

यर्मिया 50:38

वयागु लः सुनावनेमा धकाः वयागु विरोधय् वा मवइगु ई, छाय्‌धाःसा व मूर्तित हे मूर्तित दुगु देश खः, वया द्यःत ग्‍यानाः वँय् जुइ।

यर्मिया 51:7

बेबिलोन परमप्रभुया ल्‍हातय् लुँयागु ख्‍वला जूगु खः, वं फुक्‍क पृथ्‍वीयात दाखमद्यं काय्‌कल। जाति जातितय्‌सं वयागु दाखमद्य त्‍वन, उकिं इपिं वें थें जुल।

यर्मिया 7:31

इमिसं थः काय्‌म्‍ह्याय्‌पिं मेपिं द्यःतय्‌गु निंतिं मिइ भोग बीत हिन्‍नोमया ब्‍यासिइ दुगु तोपेतय् पुजा यायेगुथाय् दय्‌कूगु दु। जिं अथे यायेगु आज्ञा बियागु मखु, अज्‍याःगु खँ जिं मतिइ नं तयागु मदु।

इजकिएल 16:20

“‘अले छं जिगु निंतिं बुइकूपिं छिमि काय् म्‍ह्याय्‌पिन्‍त यंकाः मूर्तितय्‌गु लागि नयेगु नसाकथं बलि छाल। छु छंगु थ्‍व वेश्‍याया ज्‍या चिधंगु खँ खः ला?

इजकिएल 20:26

इमित वातां यायेत जिं इमित उपिं हे बलिदानतपाखें अपवित्र याकेबिया, गुगु बलिदानय् इमिसं थः फुक्‍कं न्‍हापा बूपिन्‍त मिइ बलि छाल। इमिसं जि परमप्रभु इमि परमेश्‍वर खः धयागु सीमा धकाः थथे याना।’

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

इजकिएल 20:31

छिमिसं थः मस्‍तय्‌त कोसेलिकथं मिइ बलि छायाः थौं तक हे थःगु मूर्तितपाखें थःत अशुद्ध यानाच्‍वंगु दु। अय् इस्राएलया घराना, छु! जिं छिमित जिके सल्‍लाह काय्‌के बीगु ला? गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, छिमिसं जिके न्‍यनेकने यायेदइ मखु।

इजकिएल 6:13

पुजा याइगु फुक्‍क ततःजाःगु थासय्, फुक्‍क पर्वतया च्‍वका च्‍वकाय्, फुक्‍क वाउँगु सिमाया क्‍वय् व इमिसं थःगु मूर्तितय्‌गु निंतिं नस्‍वाःगु धुपाँय् च्‍याकूगु यक्‍व हः दुगु फुक्‍क स्‍वसिमाया क्‍वय् इमि स्‍याःपिं मनूतय्‌गु सीम्‍ह इमिगु मूर्तितय्‌गु दथुइ वेदीया प्‍यखेरं छ्यालब्‍याल जुयाच्‍वनीबलय् इमिसं जि हे परमप्रभु खः धकाः सी।

लेवी 18:21

“‘थः काय्‌म्‍ह्याय् मोलेक द्यःया निंतिं मिइ छानाः थः परमेश्‍वरया नां अशुद्ध याये मते। जि हे परमप्रभु खः।

गन्‍ती 25:6

इस्राएलीत नापलायेगु पालया ध्‍वाखाय् ख्‍वयाच्‍वंबलय् हे छम्‍ह मनुखं मोशा व इस्राएलया फुक्‍क खलःया न्‍ह्यःने छम्‍ह मिद्यानी मिसायात थःगु छेँजःपिन्‍थाय् हल।

व्‍यवस्‍था 12:2

छिमिसं व देश त्‍याकाकाइबलय् अनयापिं मनूतय्‌सं तःजाःगु डाँडाय्‌, ततःमागु सिमा क्‍वय् व पर्वत पर्वतय् थः द्यःतय्‌त पुजा याइगु थाय् छिमिसं भज्‍यंक स्‍यंकाब्‍यु।

प्रकाश 18:3

छाय्‌धाःसा वयागु व्‍यभिचारयागु ख्‍वल्‍चां त्‍वंगुलिं फुक्‍क जात जातियापिं मनूत नाश जुइ धुंकल। पृथ्‍वीयापिं जुजुपिन्‍सं व नाप व्‍यभिचार यात। वयागु गुबलें हे पूमवनीगु इच्‍छां यानाः संसारयापिं व्‍यापारीत तसकं हे धनी जुल।”