यशैया 57:4 - नेवाः बाइबल

⁴ छं सुयात गिजय् यानाच्‍वनागु? छिमिसं सुयागु विरोधय् खँ ल्‍हानाः मे पिकयाच्‍वनागु? छु छिपिं हे विद्रोही मनूत थें ज्‍या याइपिं अले मखुगु खँ ल्‍हाइपिं थें ज्‍या याइपिं, मखु ला?

यशैया 57:4 ပူးပေါင်းရင်းမြစ်များ

२ इतिहास 36:16

तर इमिसं परमेश्‍वरया दूततय्‌त हिस्‍यात, वय्‌कःया वचनयात च्‍यूताः मतः। वय्‌कःया अगमवक्तातय्‌त हिस्‍यायेगु त्‍वःमतू। लिपतय्, परमप्रभु थः मनूत खनाः तसकं तंचायादिल। उकिं बचय् जुइगु छुं हे लँ मन्‍त।

भजनसंग्रहया सफू 22:13

सिंह थें हालाः इपिं जितः कुचा कुचा थलेत म्‍हुतुप्‍वाः चाय्‌काः न्‍ह्याःवयाच्‍वंगु दु।

भजनसंग्रहया सफू 22:17

जिगु म्‍हय् च्‍वंगु क्‍वँय् फुक्‍क खनेदये धुंकल। जिमि शत्रुतय्‌सं जितः स्‍वयाः “हः” धयाच्‍वंगु दु।

भजनसंग्रहया सफू 22:7

खँक्‍वसिनं जितः हेबाय्‌चबाय् याइ इमिसं थःगु म्‍हुतु स्‍यंकाः छ्यं क्‍वानाः थथे धाइ–

भजनसंग्रहया सफू 35:21

इमिसं ततःसलं जितः दोष बियाः धाइ, “छं छु यात धकाः जिमिसं थःगु हे मिखां स्‍वयेदत, बल्‍ल लात का!”

भजनसंग्रहया सफू 69:12

लँय् लँय् हे इमिसं जिगु खँ ल्‍हाना जुइ। अय्‌लाःगुलुतय्‌सं जितः ध्‍याचू नकाः म्‍ये हाला जुइ।

प्रस्‍थान 9:17

छं आः तक नं तःधंछुयाः जिमि मनूतय्‌त वने ब्‍यूगु मखु।

यशैया 1:4

धिक्‍कार पापी जाति! दोषं क्‍वत्‍यकाच्‍वने माःपिं मनूत, दुष्‍ट ज्‍या यानाजुइपिनि मस्‍त, मभिंगु ज्‍या यानाजुइपिनि सन्‍तान, इमिसं परमप्रभुयात ल्‍वमंकूगु दु, इमिसं इस्राएलया पवित्र परमेश्‍वरयात हेला याःगु दु अले वय्‌कःपाखें फहिलावंगु दु।

यशैया 10:15

छु पां वयात छ्यलीम्‍ह मनू स्‍वयाः थःत तःधं याये फइ ला? छु कःतिं थःत छ्यलीम्‍ह स्‍वयाः थःत तःधं याये फइ ला? धाय्‌की तुतां छ्यलीम्‍हय्‌सित तुतांम्‍ह हे छ्यःगु थें अथवा गुगु सिँ मखु उकियात सिँयागु मुगःचां ल्‍ह्वंगु थें।

यशैया 30:1

परमप्रभुं धयादी, “धिक्‍कार! उपिं अतेरि काय् म्‍ह्याय्‌पिन्‍त,” सुनां योजना दय्‌काः ज्‍याझ्‍वः न्‍ह्याकि तर उपिं जिगुपाखें मखु, सुनां स्‍वापु तइ, तर जिगु आत्‍मां मखु, अले पापय् पाप थपय् यानाब्‍यूगु दु।

यशैया 30:9

थ्‍व छगू जिराहा जातिया मनूत खः, धोखा बिइपिनि काय्‌म्‍ह्याय्‌पिं खः, वा परमप्रभुया स्‍यनातःगु खँ मानय् मयाःपिं काय्‌म्‍ह्याय्‌पिं खः।

यशैया 37:23

छं सुयात क्‍वह्यंकाः व ब्‍वः बिया? अले सुयागु विरोधय् छं न्‍ववानागु वा तःधंछुयागु दु? इस्राएलया पवित्र परमेश्‍वरया विरोधय् मखु ला!

यशैया 37:29

छंगु तं व घमण्‍डया बारे जिं न्‍यनागु दु। अथे जुयाः जिं छंगु न्‍हासय् काकःचा व छंगु म्‍हुतुइ लगाम तयाबी। छ गुगु लँ जुयाः वःगु खः व हे लं जिं छन्‍त लित छ्वयाबी।

यशैया 48:8

थुपिं खँया बारे छं न न्‍यंगु दु, न छुं स्‍यू। न्‍हापांनिसें हे छंगु न्‍हाय्‌पं चाःगु मदु। छ गुलि धोखा बीम्‍ह खः धकाः जिं स्‍यू। छ बूसांनिसें हे जिराहा धकाः धयातःगु खः।

यशैया 57:5

पुजा याइगु स्‍वसिमातय्‌गु दथुइ व फुक्‍क झ्‍याम्‍म च्‍वंगु सिमाया क्‍वय् येचाःपिं थें च्‍वं। छिमिसं थःकाय् म्‍ह्याय्‌पिन्‍त न्‍हसिकापय् व ल्‍वहंकापिइ बलि छाइ।

यर्मिया 20:8

जिं नवाये पतिकं तःसलं हालाः “स्‍यायेसीगु व तहसनहस जुल” धकाः धायेगु। उकिं परमप्रभुया वचन न्‍हिच्‍छि हे जितः ब्‍वःबीगु व हेस्‍याइगु कारण जूगु दु।

इजकिएल 2:4

जिं छन्‍त जिद्दी व नुगः छाःपिं मनूतय्‌थाय् छ्वयाच्‍वनागु दु। छं इमित थथे धा, ‘परमप्रभु परमेश्‍वरं थथे धयादी,’

होशे 10:9

परमप्रभुं धयादी, “अय् इस्राएल, गिबाय् पाप याःबलय् निसें छं आः तक नं जिगु विरोधय् पाप यायेगु मत्‍वःतूनी। दुष्‍ट ज्‍या याइपिनिगु विरोधय् लडाइँनं छु गिबाय् इमित नाप मलाइ ला?

गन्‍ती 16:11

छ व छिमि पासापिंनापं मुंगु परमप्रभुया विरोधय्‌ खः। हारून सु खः धकाः छिमिसं वयागु विरोधय् कचकच यानागु?”

मत्ती 13:38

बुँ थ्‍व संसार खः। भिंगु पुसा परमेश्‍वरया राज्‍ययापिं मनूत खः। अले नामायागु पुसा शैतानया मनूत खः।

मत्ती 27:29

कंयागु श्रीपेच दय्‌काः वय्‌कःयात पुइकाबिल। वय्‌कःयागु जव ल्‍हातय् तिंकथि छपु नं ज्‍वंकल। अले वय्‌कःया न्‍ह्यःने पुलिं चुयाः थथे धयाः हाय्‌कल – “यहूदीतय् जुजुया जय जुइमा।”

लूका 10:16

थुलि धयादी धुंकाः वय्‌कलं चेलातय्‌त धयादिल – “छिमिगु खँ न्‍यंपिन्‍सं जिगु हे खँ न्‍यंगुति ग्‍यनी। अले छिमित मयःगु जितः मयःगुति हे ग्‍यनी। अले जितः मयःगु ला जितः छ्वया हःम्‍हय्‌सित मयःगुति हे ग्‍यनी।”

प्रेरित 9:4

थथे जूगुलिं व बँय् भ्‍वसू वन। अले वयात थथे धयाहःगु सः ताये दत – “शाऊल, शाऊल, जितः छं छाय् दुःख बियाच्‍वनागु?”

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

कलस्‍सी 3:6

थज्‍याःगु खं यानाः हे परमेश्‍वरं धाःथें मयाइपिन्‍सं वय्‌कःयागु तं फयेमाली।

यहोशू 10:21

सकल सेना मक्‍केदाया छाउनीइ यहोशूयाथाय् बांलाक लिहां वल। इस्राएलीतय्‌गु विरोधय् सुनानं छसः नं न्‍वमवाः।

२ पत्रुस 2:13

कर्पिन्‍त दुःखकष्‍ट बिया तःगुया पलेसा इपिं नं दुःखकष्‍ट हे फयाः सिनावनी। न्‍हिनय् हे इमिसं थःत यःथें मोजमज्‍जा याना जुइ। इपिं नाप नयेत्‍वने यायेगु हे छिमित मछालापुगु व हेला जुइगु खँ खः। इमिसं न्‍ह्याबलें थगय् यायेत जक स्‍वयाच्‍वनी।