यशैया 57:2 - नेवाः बाइबल

² भिंगु लँपुइ जुइपिन्‍त सीधुंकाः नं शान्‍ति व आराम दइ।

यशैया 57:2 ပူးပေါင်းရင်းမြစ်များ

उत्‍पत्ति 17:1

अब्राम गुइगुदँ दुबलय् परमप्रभु अब्रामयाथाय् खनेदय्‌कः झाल। अले वयात धयादिल, “जि दक्‍व शक्ति दुम्‍ह परमेश्‍वर खः। जिं धाःथें या, अले दोष मदय्‌क जु।

२ इतिहास 16:14

दाऊदया शहरय् वयात वं थःम्‍हं थःगु निंतिं ल्‍वहं कियाः दय्‌कातःगु चिहानय् थुनाबिल। इमिसं वयात थीथी कथंयागु नस्‍वाःगु मसलां जाःगु खाताय् तयाबिल। व मसला अत्तर दय्‌कीपिन्‍सं बांलाक तयार याःगु खः। अले इमिसं वयागु लुमन्‍तिइ ह्वाना ह्वाना मि च्‍याकल।

अय्‍यूब 3:17

चिहानय् दुष्‍टतय्‌सं हाकनं दुःख बी मखु, अन त्‍यानुचाःपिन्‍त आराम दइ।

भजनसंग्रहया सफू 37:37

दोष मदुम्‍ह मनूयात बिचाः या, अले भिंम्‍ह मनूयात बांलाक स्‍व, मिलय्‌चलय् जुयाच्‍वनिपिं मनूतय् सन्‍तान दइ।

उपदेशक 12:7

जमिनं वःगु धू बँय् हे लिहां वने न्‍ह्यः, वा आत्‍मा बियादीम्‍ह परमेश्‍वरयाथाय् आत्‍मा लिहां वने न्‍ह्यः वय्‌कःयात लुमंकी!

यशैया 14:18

जाति जातिया फुक्‍क जुजुपिं थथःगु हे गौरवं चिहानय् दुहांवनाच्‍वन।

यशैया 26:7

परमप्रभु, छिं धर्मी मनूया लँपु माथं वंकादी, हे भिंम्‍ह, छिं हे धर्मी मनूयागु लँपु तप्‍यंकादी।

यर्मिया 6:16

परमप्रभुं थथे धयादी, “प्‍यकालँय् दनाः स्‍व! पुलांगु लँ गन दु धकाः न्‍यँ! भिंगु लँयागु बारे न्‍यँ, व लँय् हुँ! अले छिमिगु मन याउँसे च्‍वनी। तर इमिसं धाल, ‘जिपिं व लँय् वने मखु।’

इजकिएल 32:25

वयागु चिहानया प्‍यखेरं वया सेनानापं स्‍याःपिनिगु दथुइ वयागु निंतिं छगू आराम यायेगुथाय् दय्‌कातःगु दु। इपिं सकलें तरवारं स्‍याःपिं म्‍हय् चिं मतःपिं खः। म्‍वाःपिनिगु देशय् इमिसं ख्‍याना जूगुलिं क्‍वय् पातालय् वंपिंनापं हे इमिसं बेइज्‍जत फयाच्‍वंगु दु।

दानिएल 12:13

“छ दानिएल धाःसा लिपाथ्‍यंक थःगु लँपुइ वनाच्‍वँ। छं आराम याइ, अले फुनावनीगु इलय् छंगु लागिं तयातःगु सर्बय कायेत दना वइ।”

मत्ती 25:21

“मालिकं वयात धाल – ‘स्‍याबास, छ भिंम्‍ह विश्‍वास याये बहःम्‍ह खः। चिधंगु खँय् हे छ विश्‍वास याये बहःम्‍ह जुल। उकिं जिं आः छन्‍त अज्‍जं यक्‍व खँय् जिम्‍मा बिया थके। छ नं जिनापं लय्‌ताया च्‍वँ।’

लूका 1:6

इपिं निम्‍हं परमेश्‍वरया न्‍ह्यःने धर्मीपिं खः। इपिं व्‍यवस्‍था फुक्‍कं मानय् याइपिं खः। उकिं इमित छुं धायेथाय् मदु।

लूका 16:22

“छन्‍हु व फ्‍वगिं सित, अले स्‍वर्गदूततय्‌सं वयात ब्‍वना यंकाः अब्राहाम दुथाय् तये यंकल। छन्‍हु व तःमिम्‍ह मनू नं सित, अले वयात थुनाबिल।

लूका 2:29

“परमप्रभु, छिं धयादीगु थ्‍व हे खँ थौं जिगु मिखां स्‍वयेदत। आः जि याउँक सिना वंसां जिल।

लूका 7:50

वय्‌कलं मिसायात धयादिल – “छंगु विश्‍वासं यानाः छंगु उद्धार जुल। आः याउँक हुँ।”

२ कोरिन्‍थी 5:1

झीगु थ्‍व म्‍ह झीपिं च्‍वनेगु संसारयागु छेँ थें खः। गुबलय् झीपिं सी अबलय् परमेश्‍वरं झीत मेगु न्‍हूगु म्‍ह बियादी। न्‍हूगु म्‍ह मनूतय्‌सं दय्‌कातःगु छेँ थें मखु। सदां दयाच्‍वनीगु स्‍वर्गयागु छेँ थें खः।

२ कोरिन्‍थी 5:8

जिमित पक्‍का विश्‍वास दु, अले थ्‍व म्‍हयात त्‍वःताः प्रभुलिसे च्‍वंवनेत जिपिं न्‍ह्याबलें न्‍ह्यचिलाच्‍वनागु दु।

फिलिप्‍पी 1:23

जि ला बाम्‍हय् कानाच्‍वंगु दु। थ्‍व संसार त्‍वःताः ख्रीष्‍टनाप च्‍वंवनेगु जिगु तःधंगु इच्‍छा खः।

प्रकाश 14:13

अले हानं जिं स्‍वर्गं थथे धयाहःगु सः ताल – “थ्‍व खँ च्‍व, आवंनिसें प्रभुयात विश्‍वास यानाः सीपिं मनूत धात्‍थें हे धन्‍यपिं खः।” आत्‍मां नं धयादिल – “धात्‍थें खः, आः इमिसं थःगु ज्‍यां झासु लने खनी, छाय्‌धाःसा इमिगु ज्‍यायागु फल इमिगु ल्‍यूल्‍यू वयाच्‍वनी।”