यशैया 57:16 - नेवाः बाइबल

¹⁶ जिं न्‍ह्याबलें दोष बियाच्‍वने मखु, जि न्‍ह्याबलें तंम्‍वयाच्‍वने मखु, गुकिं यानाः जिं थम्‍हं दय्‌कागु मनूतय्‌गु नुगः जिं यानाः क्‍वतुं मवनेमा।

यशैया 57:16 ပူးပေါင်းရင်းမြစ်များ

उत्‍पत्ति 6:3

अले परमप्रभुं धयादिल, “जिगु आत्‍मा मनूतय्‌गु नुगलय् सदां च्‍वनी मखु। छाय्‌धाःसा इपिं सदां दइपिं मखु। आवंलि इपिं १२० दँ स्‍वया अप्‍वः म्‍वाइ मखु।”

२ शमूएल 24:16

परमप्रभुया दूतं यरूशलेमयात नाश यायेत ल्‍हाः ल्‍ह्वन, अय्‌नं परमप्रभुं मनूतय्‌त नाश यायेगुपाखें दया यानादिल, अले नाश यायेत वःम्‍ह स्‍वर्गदूतयात परमप्रभुं धयादिल, “म्‍वाल, गात। नाश यायेगु दिकि!” उबलय् दूत यबूसी अरौनाया अन्‍न दायेगु खलाया लिक्‍क थ्‍यंगु खः।

अय्‍यूब 12:10

वय्‌कःयागु हे ल्‍हातय् फुक्‍क म्‍वाःपिनिगु प्राण व फुक्‍क मनू जातिया सासः दु।

भजनसंग्रहया सफू 85:5

छु छि जिपिं खनाः न्‍ह्याबलें तंचायाच्‍वनादीगु ला? छिगु तं गुबलें क्‍वलाइ मखु ला?

उपदेशक 12:7

जमिनं वःगु धू बँय् हे लिहां वने न्‍ह्यः, वा आत्‍मा बियादीम्‍ह परमेश्‍वरयाथाय् आत्‍मा लिहां वने न्‍ह्यः वय्‌कःयात लुमंकी!

यशैया 27:8

वय्‌कलं थः प्रजायात सजाँय बीत देशं पितिना छ्वयादी। पुर्बं क्‍वाःगु फय् वइगु दिनय् थें थःगु तच्‍वःगु तमं वय्‌कलं इमित बिसिकेछ्वल।

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यशैया 42:5

परमप्रभु परमेश्‍वरं आकाश दय्‌काः उकियात चकंकादिल, अले पृथ्‍वी व उकी दुगु फुक्‍कयात न्‍यनावंकादिल, अले वय्‌कलं अन दुपिं मनूतय्‌त सासः व थुखे उखे जुइपिन्‍त जीवन बियादी। परमप्रभु परमेश्‍वरं थथे धयादी –

यशैया 64:8

अय्‌नं हे परमप्रभु, छि जिमि अबु खः। जिपिं चा खः, अले छि धाःसा कुमाः खः। जिपिं छिगु हे ल्‍हाःया ज्‍यात खः।

यर्मिया 10:24

हे परमप्रभु, जितः भिंकादिसँ, तर खःगु न्‍यायनं जक, तंम्‍वयाः मखु, मखुसा जि नाश जुइ।

यर्मिया 3:5

छु छि न्‍ह्याबलें तंचायाच्‍वनादीगु ला? छु छिगु तं न्‍ह्याबलें दयाच्‍वनी ला?’ छं थथे ला धाःगु दु, अय्‌नं छं फतले मभिंगु ज्‍या याःगु दु।”

यर्मिया 38:16

तर जुजु सिदकियाहं मेपिन्‍सं मसीक यर्मियालिसें थथे धकाः पाफल, “झीत सासः बियादीम्‍ह परमप्रभु गथे धात्‍थें म्‍वाःम्‍ह खः, जिं छन्‍त स्‍याये मखु, न त छन्‍त स्‍यायेत स्‍वःपिं मनूतय्‌गु ल्‍हातय् छन्‍त बिइगु जुइ।”

इजकिएल 18:4

छाय्‌धाःसा फुक्‍क प्राण जिगु हे खः। गथे बौया प्राण अथे हे काय्‌या प्राण नं जिगु खः। सुनां पाप याइ, व हे सी।

आमोस 1:11

परमप्रभुं थथे धयादी, “एदोमया मनूतय्‌सं तःक्‍व हे पाप यात, जिं इमित सजाँय मब्‍यूसे त्‍वःते मखु! इमिसं थः दाजु, इस्राएलीतय्‌त भतिचा नं दया माया मयासें तरवार ज्‍वनाः लिनाछ्वल, इमिगु तच्‍वःगु तंया कारणं याना, इमित झन अप्‍वः तं पिहां वल।

मीका 7:18

छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

जकरिया 12:1

छगू अगमवाणी– इस्राएलया बारे परमप्रभुया वचन थ्‍व हे खः। आकाशयात चकंकादीम्‍ह, पृथ्‍वीया जग तयादीम्‍ह अले मनूया आकार दय्‌कादीम्‍ह परमप्रभुं थथे धयादीगु दु,

गन्‍ती 16:22

अले मोशा व हारूनं बँय् भ्‍वपुयाः धाल, “हे परमेश्‍वर, फुक्‍क प्राणीतय्‌त सासः बियादीम्‍ह परमेश्‍वर, छम्‍ह मनुखं पाप याःगुलिं छु छि फुक्‍क खलःलिसें तं चायादियागु ला?”

हिब्रू 12:9

झीत बुइका तःम्‍ह अबुं न्‍वाःथें झीपिं च्‍वना, उकिं झीसं वय्‌कःयात मानय् याना। छु झीसं झीत आत्‍माय् बुइकादीम्‍ह बाःयागु खँ झन अप्‍वः न्‍यने म्‍वाः ला?