यशैया 57:13 - नेवाः बाइबल

¹³ छिमिसं ग्‍वाहालिया निंतिं बिन्‍ति यायेबलय् छिमिसं मुंकागु मूर्तितय्‌सं छिमित बचय् यायेमा! फसं इमित ब्‍वय्‌कायंकी, छगू हे सासलं इपिं सकसित ब्‍वय्‌कायंकी। तर सुनां जिके शरण काइ वं देशय् अधिकार याइ, अले जिगु पवित्र पर्वतय् नं अधिकार याइ।”

यशैया 57:13 ပူးပေါင်းရင်းမြစ်များ

२ राजा 3:13

एलीशां इस्राएलया जुजुयात धाल, “छाय् छि जिथाय् वयाच्‍वनागु? झासँ, छिकपिनि मां-बौया अधर्मी अगमवक्तातय्‌त हे न्‍यनादिसँ।” योरामं धाल, “मखु, छाय्‌धाःसा परमप्रभुं हे जिपिं स्‍वम्‍ह जुजुपिन्‍त छकलं मोआबया ल्‍हातय् बीत सःतादिल।”

अय्‍यूब 21:18

दुष्‍टम्‍ह मनू ग्‍वःकः फसय् सुपः थें, व तसकं वःगु फसं ब्‍वय्‌कूगु छ्वस थें जुइगु?

भजनसंग्रहया सफू 1:4

दुष्‍टत अथे जुइ मखु, इपिं छ्वसँ थें खः। फसं इमित पुइकायंकी।

भजनसंग्रहया सफू 118:8

मनूतय्‌त भरोसा यायेगु स्‍वयाः परमप्रभुयागु शरण कायेगु बांलाः।

भजनसंग्रहया सफू 125:1

परमप्रभुयाके भरोसा तइपिं सकलें सियोन पर्वत थें खः, गुकियात संके फइ मखु तर न्‍ह्याबलें दनाच्‍वनी।

भजनसंग्रहया सफू 37:11

क्‍वमिलुपिन्‍सं धाःसा देशय् अधिकार याइ, अले इमित तःधंगु सुख शान्‍ति दइ।

भजनसंग्रहया सफू 37:22

परमप्रभुं आशिष बियातःपिन्‍सं पृथ्‍वीइ अधिकार याइ, वय्‌कलं सराः बियातःपिं धाःसा नाश जुइ।

भजनसंग्रहया सफू 37:29

भिंपिं मनूतय्‌सं परमेश्‍वरं बियादीगु देशय् अधिकार याइ। अले अन न्‍ह्याबलें च्‍वनी।

भजनसंग्रहया सफू 37:3

परमप्रभुयात विश्‍वास या, अले भिंगु या अले परमेश्‍वरं बियादीगु देशय् च्‍वनाः सुरक्षित जुयाच्‍वँ।

भजनसंग्रहया सफू 37:34

परमेश्‍वरयागु लँ स्‍व, वय्‌कलं धाःथें जु, वय्‌कलं छिमित देश बियाः तःधंकी। अले मभिंपिं मनूत नाश जूगु छिमिसं स्‍वये खनि।

भजनसंग्रहया सफू 37:9

मभिंपिं मनूतय्‌त नाश यानाछ्वइ। परमप्रभुयागु लँ स्‍वयाच्‍वंपिं परमप्रभुं बियादीगु देशय् च्‍वने दइ।

भजनसंग्रहया सफू 58:9

कंया मिइ देछुइगु थल क्‍वाये न्‍ह्यः व वाउँगु जूसां गंगु जूसां उकियात फसं पुइकायंकू थें वय्‌कलं दुष्ततय्‌त पुइकायंकादी।

भजनसंग्रहया सफू 84:12

दक्‍व शक्ति दुम्‍ह परमप्रभु! धन्‍य खः छितः भरोसा याःपिं मनूत।

हितोपदेश 28:25

लोभी मनूतय्‌सं ल्‍वापुथया जुइ, तर परमप्रभुयात विश्‍वास याइपिं मनूत च्‍वजाया वइ।

यशैया 11:9

इमिसं जिगु फुक्‍क पवित्र पर्वतय् छुं नं स्‍यंके फइ मखु, अले छुं मभिंगु खँ नं अन दइ मखु, छाय्‌धाःसा समुद्र लखं जाः थें पृथ्‍वी परमप्रभुया ज्ञानं जाइ।

यशैया 14:32

अले पलिश्‍तीपाखें बुखँ ज्‍वनाः वइपिं मनूतय्‌त झीसं छु लिसः बियेगु? “परमप्रभुं सियोनयात पलिस्‍था यानादिल, अले दुःखकष्‍टय् लानाच्‍वंपिं वय्‌कःया प्रजात अन शरण कायेखनी।”

यशैया 25:4

मगाःमचाःपिं व चीमिपिनिगु निंतिं, छि बल्‍लाःगु शरण कायेगु थाय् जुयादीगु दु। छि इमिगु निंतिं ग्‍वःफय् वइबलय् शरण कायेगु थाय् व क्‍वइगु निभालं बचय् जुइत किचः जुयादीगु दु। दयामदुपिं मनूतय्‌सं पखालय् ग्‍वःफय् जू वः थें,

यशैया 40:24

इपिं पीवं, पुसा ह्वलेवं, इमिसं बुँइ हा कायेवं वय्‌कलं इमित स्‍वांपुयादी अले इपिं सुकूचिनावनी, अले ग्‍वःफसं इमित छ्वसँ थें पुइकेयंकी।

यशैया 41:16

छं इमित हायाछ्वइ अले फसं इमित च्‍वय् थत यंकी, अले ग्‍वःफसं इमित पुइकेयंकी। छं धाःसा परमप्रभुनापं हे लय्‌तायाच्‍वनी। अले छं इस्राएलया पवित्र परमेश्‍वरया महिमा याइ।

यशैया 45:20

“छिपिं फुक्‍कं छथाय् मूंवा। छिपिं जात-जातियापिं शरण कायेत वःपिं, फुक्‍क जिगु न्‍ह्यःने वा। सिँया मूर्तित क्‍वबिया जुइपिं, अले बचय् याये मफुपिं द्यःतय्‌के प्रार्थना याइपिं छुं हे मस्‍यूपिं खः।

यशैया 49:8

परमप्रभुं थथे धयादी, “जिं दयामाया यायेगु इलय् छन्‍त लिसः बी, अले उद्धारया दिनय् छन्‍त जिं ग्‍वाहालि याये। जिं छन्‍त जिमि मनूतलिसें जिगु बाचा चिनेत, देश हाकनं पलिस्‍था यायेत व उकिया नाश जूगु फुक्‍क सम्‍पत्ति हाकनं छिमिगु अधिकारय् हयेत,

यशैया 56:7

जिं जिगु पवित्र पर्वतय् हया। जिगु प्रार्थना यायेगु छेँय् लय्‌ताय्‌केबी। इमिसं जिगु वेदीइ छाःगु होमबलि व बलित जिं यय्‌के। छाय्‌धाःसा जिगु छेँ फुक्‍क जातितय्‌गु निंतिं प्रार्थनाया छेँ जुइ।”

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यशैया 65:11

“तर छिपिं मध्‍ये सुनां जि परमप्रभुयात त्‍वःती, अले जिमिगु पवित्र पर्वतयात ल्‍वमंकी, सुनां भाग्‍य द्यःया निंतिं टेबिल तयार याइ, अले कर्मया द्यःया निंतिं ल्‍वाकछ्यानातःगु दाखमद्यं जाय्‌की,

यशैया 65:25

गुँखिचा व भ्‍याःचा छथाय्‌नापं च्‍वनाः नइ, अले सिंहनं धाःसा द्वहं नं थें सु नइ, सर्पया नसा धाःसा धू जुइ। जिगु फुक्‍क पवित्र पर्वतय् न इमिसं हानि याइ न नाश हे याइ, परमप्रभुं धयादी।”

यशैया 65:9

जिं याकूबपाखें सन्‍तानत व यहूदापाखें जिगु पर्वतय् अधिकार याइपिं हये। जिं ल्‍ययातयापिन्‍सं हे अन अधिकार याइ, अले जिमि प्रजा अन च्‍वनी।

यशैया 66:20

अले इमिसं फुक्‍क जाति-जातितपाखें छिमि फुक्‍क थः मनूत, सलत, रथत, खच्‍चरत, ऊँटतय्‌के क्‍वबिकाः जिगु पवित्र पर्वत यरूशलेमय् परमप्रभुया निंतिं बलि थें यानाः हइ,” परमप्रभुं धयादी। “इस्राएलया सन्‍तानतय्‌सं थःगु अन्‍नबलि शुद्धगु थलय् तयाः परमप्रभुया देगलय् हइगु थें इमिसं थुमित हइ।

यर्मिया 2:28

तर छिमिसं थःगु निंतिं दय्‌कूपिं द्यःत गन वन? छिमित दुःख जुइबलय् इमिसं छिमित बचय् याये फुसा इपिं वयेमा। हे यहूदा, छिमि गुलि शहरत दु, छिमि द्यःत नं उलि हे दु।

यर्मिया 22:20

“लेबनानया पहाडय् वनाः तस्‍सलं हा, अले बाशानय् वनाः चिल्‍लाय् दनाः हा। हानं अबारीम पहाडय् वनाः हा। छाय्‌धाःसा छिमि जव खव च्‍वंगु फुक्‍क देश नाश जुइ धुंकल।

यर्मिया 22:22

फसं छिमि सकलें फैजवाःतय्‌त ब्‍वय्‌कायंकी, अले छन्‍त ग्‍वाहालि याइपिन्‍त ज्‍वनाः देशं पिने यंकी। छं मभिंगु ज्‍या याःगुलिं छ मछालेमाली अले छन्‍त हेपय् याइ।

यर्मिया 30:14

छं फुक्‍क पासापिन्‍सं छन्‍त ल्‍वःमंके धुंकल। इमिसं छन्‍त वास्‍ता मयाः। छं तःधंगु अपराध याःगुलिं व यक्‍व पाप याःगुलिं जिं छन्‍त शत्रु थें कय्‌कागु दु। अले दयामाया मदुम्‍हय्‌सिनं थें छन्‍त सजाँय बियागु दु।

इजकिएल 20:40

छाय्‌धाःसा परमप्रभु परमेश्‍वरं धयादी, ‘थ्‍व देशय् इस्राएलया फुक्‍क घरानां जिगु पवित्र पर्वत, इस्राएलया तज्‍जाःगु पर्वतय् जिगु सेवा याइ, अन जिं इमित नालाकाये। अन हे जिं छिमिगु बलिदानत, भेटीत व छिमिगु दकलय् भिंगु भिंगु क्‍वस्‍यलितनापं छिमिगु बलित कायेगु याये।

होशे 13:3

अथे जुयाः इपिं सुथसिया खसु थें, सुथय् हे मदयावनीगु सुतिलः थें, फसं ब्‍वय्‌कायंकीगु खलाय् च्‍वंगु छ्वस थें, अले झ्‍यालं पिहांवइगु कुँ थें जुइ।

योएल 3:17

“अले पवित्र पर्वत सियोनय् च्‍वनीम्‍ह परमप्रभु छिमि परमेश्‍वर जि हे खः धकाः छिमिसं सीका काइ। अले यरूशलेम पवित्र जुइ, विदेशीतय्‌सं हानं गुबलें थन हमला याःवइ मखु।

जकरिया 7:13

“‘गथे जिं सःताबलय् इमिसं मन्‍यन अथे हे इमिसं सःतिबलय् जिं इमिगु बिन्‍ति न्‍यने मखु,’ दक्‍व शक्ति दुम्‍ह परमप्रभुं धयादी।

न्‍यायकर्ता 10:14

वनाः छिमिसं ल्‍यःपिं द्यःतय्‌के ग्‍वाहालि फ्‍वँ, इमिसं हे छिमित दुःख जुइबलय् बचय् यायेमा।”