9 हे ख्यलय् च्वंपिं फुक्क पशुत, वा! हे गुँइ च्वंपिं पशुत वा, मनूतय्त क्वाप्प नयेत वा!
छिं चा दय्कादिल, अले खिउँबलय् दक्व गुँपशुत पिहां वइ।
इपिं फुक्कसिगु सीम्हतय्त झंगःत व गुँपशुतय्गु निंतिं त्वःताबी। उपिं सीम्हतय्त तान्वःबलय् झंगःतय्सं नइ अले चिकुलाबलय् गुँपशुतय्सं नइ।
पुर्बं हमला याइम्ह पंक्षी सःते अले ताताःपाःगु देशं जिगु इच्छा पूवंकेगु निंतिं जिं छम्ह मनूयात सःते। जिं छु धयागु दु व जिं पूवंके। जिं छु योजना दय्कागु दु व जिं पूवंके।
छु जिगु सर्बय जिगु लागि शिकारी झंगःतय्सं घेरय् यानातःम्ह फुतिफुति दुम्ह शिकारी झंगः थें जूगु मदु ला? हुँ, ख्यलय् च्वंपिं फुक्क पशुतय्त मुंकि। अले वयात नयेत सःताः हजि!
परमप्रभुं धयादी, “जिगु ख्यःयापिं फैतय्त नाश यानाच्वंपिं व छ्यालब्याल यानाच्वंपिं फैजवाःतय्त धिक्कार दु।”
छ व छंगु खुसिचायापिं फुक्क न्यातय्त जिं मरुभूमिइ त्वःताबी। छ चक्कंगु ख्यलय् क्वःदली। छन्त सुनानं मुंकी मखु वा लानाकाइ मखु। जिं छन्त पृथ्वीयापिं पशुत व आकाशयापिं झंगःपन्छितय्गु आहारा यानाबी।
“अय् सीमानिम्ह मनू, परमप्रभु परमेश्वरं थथे धयादी – फुक्क कथंयापिं झंगःपन्छित व फुक्क गुँपशुतय्त सःताः धा, ‘प्यखेंनं मुनावा, जिं छगू तःधंगु बलिदान इस्राएलया पहाडय् छिमिगु निंतिं तयार यानाच्वनागु दु। अन छिमिसं ला नइ अले हि त्वनी।
छिपिं सिनावने धुंकाः झंगःत व पशुत वयाः छिमिगु सीम्ह नइ। इमित ख्यानाछ्वइम्ह सुं दइ मखु।