यशैया 56:5 - नेवाः बाइबल

⁵ जिं जिगु देगलय् व उकिया पःखाःया दुने च्‍वंपिं काय् म्‍ह्याय्‌पिन्‍त स्‍वयाः अप्‍वः हनाबना याकेबी, अले इमित तसकं भिंगु नां बी। जिं इमित सदां दयाच्‍वनीगु नां बी।

यशैया 56:5 ပူးပေါင်းရင်းမြစ်များ

यशैया 2:2

लिपांगु दिनय् परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले फुक्‍क जातित अन मूंवइ।

यशैया 2:3

अले यक्‍व मनूत वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

यशैया 26:1

व दिंखुन्‍हु मनूतय्‌सं यहूदा देशय् थ्‍व भजन हाली। जिमिगु शहर बल्‍लाः, परमेश्‍वरं थुकिया अंगः व पःखाःयात उद्धार दय्‌कादी।

यशैया 43:7

सु सु जिगु नामं सःतूगु दु, सुयात जिं जिगु महिमाया निंतिं सृष्‍टि यानागु दु, सुयात बां लुइका अले सुयात जिं दय्‌का।”

यशैया 48:19

छिमि सन्‍तानत फि थें दइगु, अले छिमि काय्‌म्‍ह्याय्‌पिं अल्‍याख दइगु। इमिगु नां जिपाखें गुबलें हुयाछ्वयेगु जुइ मखुगु, अले इपिं जिगु न्‍ह्यःने नाश जुइ मखुगु।”

यशैया 55:13

अनंलि कंमाया पलेसा सल्‍लाया सिमा, व न्‍हाय्‌कंमाया पलेसा मेहदीया सिमात बुया वइ। थथे परमप्रभुया हनाबनाया निंतिं जुइ। थ्‍व गुबलें नाश मजुइगु सदां सदांया निंतिं चिं जुइ।”

यशैया 56:7

जिं जिगु पवित्र पर्वतय् हया। जिगु प्रार्थना यायेगु छेँय् लय्‌ताय्‌केबी। इमिसं जिगु वेदीइ छाःगु होमबलि व बलित जिं यय्‌के। छाय्‌धाःसा जिगु छेँ फुक्‍क जातितय्‌गु निंतिं प्रार्थनाया छेँ जुइ।”

यशैया 60:18

छंगु देशय् हाकनं गुबलें ल्‍वापुख्‍यापु न्‍यनेमाली मखु, छंगु सिमानाया दुने गुबलें स्‍यंगु व नाश जूगु न्‍यनेमाली मखु। तर छंगु पःखाःयात मुक्ति धकाः धाइ, अले छंगु मू ध्‍वाखायात प्रशंसा धकाः धाइ।

यशैया 62:12

इमित “पवित्र जाति” धकाः धाइ, अले “परमप्रभुपाखें छुत्‍कारा दुपिं।” छन्‍त धाःसा “मालाः लुइकूगु” व “मत्‍वःतूगु शहर” धकाः धायेगु याइ।

यशैया 62:2

जाति जातितय्‌सं छंगु धार्मिकता व फुक्‍क जुजुपिन्‍सं छंगु गौरव खनी, अले छन्‍त धाःसा परमप्रभु थःम्‍हं हे तयादीगु न्‍हूगु नामं सःती।

यशैया 66:20

अले इमिसं फुक्‍क जाति-जातितपाखें छिमि फुक्‍क थः मनूत, सलत, रथत, खच्‍चरत, ऊँटतय्‌के क्‍वबिकाः जिगु पवित्र पर्वत यरूशलेमय् परमप्रभुया निंतिं बलि थें यानाः हइ,” परमप्रभुं धयादी। “इस्राएलया सन्‍तानतय्‌सं थःगु अन्‍नबलि शुद्धगु थलय् तयाः परमप्रभुया देगलय् हइगु थें इमिसं थुमित हइ।

यशैया 66:22

“गथे न्‍हूगु आकाश व न्‍हूगु पृथ्‍वी जिं दय्‌के, उपिं जिगु न्‍ह्यःने दयाच्‍वनी,” परमप्रभुं धयादी। “थुकथं छिमिगु नां व छिमि सन्‍तान ल्‍यनाच्‍वनी।

सपन्‍याह 3:20

उबलय् जिं छिमित मुंके अले छिमित छेँय् हये। जिं छिमिगु मिखाया न्‍ह्यःने हे छिमिगु भिंगु दिं लित बीबलय्, पृथ्‍वी न्‍यंक जिं धात्‍थें हे छिमिगु नां व प्रशंसा च्‍वन्‍ह्याकाबी,” परमप्रभु धयादी।

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

यूहन्‍ना 1:12

वय्‌कःयात ग्रहण यानाः विश्‍वास याःपिन्‍त धाःसा परमेश्‍वरया सन्‍तान जुइगु हक बियादिल।

एफिसी 2:22

छिपिं नं मेपिं थें पवित्र आत्‍माय् परमेश्‍वर च्‍वनादीगु छेँ जुइत नापनापं च्‍वजाया वनी।

१ तिमोथी 3:15

अय्‌नं छुं जुयाः जि वये लिबात धाःसा परमेश्‍वरयागु छेँय् झीसं गय् यानाः च्‍वनेमाः धकाः थ्‍व हे पौपाखें सीकाति। परमेश्‍वरयागु छेँ धयागु हे मण्‍डली खः। अले थ्‍व सत्‍ययागु थां व किल्‍ला नं खः।

हिब्रू 3:6

ख्रीष्‍ट धाःसा परमेश्‍वरयागु छेँय् अधिकार दुम्‍ह काय् थें विश्‍वास याये बहःम्‍ह जुयादिल। झीसं आशा याना थें उत्‍थें साहस व भरोसा तयाच्‍वन धाःसा झीपिं हे परमेश्‍वरया छेँ जुइ।

१ यूहन्‍ना 3:1

स्‍व, परमेश्‍वर बाःनं झीत गुलि माया यानादीगु दु। उकिं हे झीत परमेश्‍वरया सन्‍तान धकाः धाःगु खः, धात्‍थें खः नं खः। अय्‌जूगुलिं हे थ्‍व संसारयापिं मनूतय्‌सं झीत म्‍हमस्‍यूगु, छाय्‌धाःसा इमिसं वय्‌कःयात म्‍हमस्‍यू।

प्रकाश 2:17

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःम्‍हय्‌सित जिं सुचुका तयागु मन्‍ना बी। अले छगू न्‍हूगु नां च्‍वयातःगु तुयुगु ल्‍वहं छगः नं बी। व काःम्‍हय्‌सिनं जक थ्‍व नां थुइ, मेपिन्‍सं थुइ मखु।

प्रकाश 3:12

त्‍याःम्‍हय्‌सित जिमि परमेश्‍वरयागु देगःया थां यानाबी। अले अनं व गुबलें हे पिहां वनेमाली मखु। अले जिं उकी जिमि परमेश्‍वरयागु नां च्‍वयाबी, स्‍वर्गं जिमि परमेश्‍वरयागु थासं क्‍वहां वयाच्‍वंगु न्‍हूगु यरूशलेम धाःगु शहरयागु नां व जिगु हे न्‍हूगु नां नं उकी च्‍वयाबी।

प्रकाश 3:5

थथे त्‍याःम्‍हय्‌सित जिं तुयुगु वसतं पुंकाबी। अले जिं वयागु नां जीवनयागु सफुलिं गुबलें हुयाछ्वये मखु। जिमि बाःयागु न्‍ह्यःने व वय्‌कःया स्‍वर्गदूततय्‌गु न्‍ह्यःने जिं थ्‍व जिम्‍ह मनू खः धकाः धाये।

१ शमूएल 1:8

वया भाःत एल्‍कानां वयात न्‍यनीगु, हन्‍नाह छ छाय् ख्‍वयाच्‍वनागु? छाय् छुं हे मनसें च्‍वनाच्‍वनागु? छं छाय् थुलिमछि दुःख ताय्‌काच्‍वनागु? छु जि छिमि झिम्‍ह काय् स्‍वयाः अप्‍वः मजू ला?