यशैया 56:4 - नेवाः बाइबल

⁴ छाय्‌धाःसा परमप्रभुं थथे धयादी, “जिगु विश्रामबार मानय् याइपिं, जितः यःथें ज्‍या याइपिं, अले जि व जि मनूतय्‌गु दथुइया बाचायात विश्‍वास यायेबहः जुयाः पालन याइपिं नपुंसकतय्‌त धाःसा,

यशैया 56:4 ပူးပေါင်းရင်းမြစ်များ

२ शमूएल 23:5

छु जिगु घराना परमेश्‍वरलिसें ठीक मजू ला? छु वय्‌कलं जिलिसें फुक्‍क खँय् सुरक्षित व बल्‍लाःगु छगू न्‍ह्याबलेंया बाचा चिनादीगु मदु ला? छु वय्‌कलं जितः ग्‍वाहालि मालीबलय् उद्धार यानाः मदी ला? अले जिगु फुक्‍क इच्‍छा पूवंकामदी ला?

भजनसंग्रहया सफू 119:111

छिगु नियम न्‍ह्याबलेंया निंतिं जिगु मू वंगु सम्‍पत्ति जूगु दु। उकिं जिगु नुगःयात लय्‌ताय्‌की।

भजनसंग्रहया सफू 25:10

वय्‌कःयागु बाचाकथं जुइपिं व व्‍यवस्‍था मानय् याइपिन्‍त वय्‌कलं गुबलें मफुइगु दया माया व विश्‍वास क्‍यनादी।

यशैया 27:5

तर जिमि शत्रुत जिं रक्षा याःगु यय्‌काच्‍वंगु दु धयागु खःसा इमिसं जिनापं मिलय् जुइमा। खः, धात्‍थें इपिं जिनापं मिलय् जुइमा।”

यशैया 55:3

हे मनूत, जिथाय् वयाः जिगु खँ बांलाक न्‍यँ! अले छिमित जीवन दइ। जिं छिपिंनापं सदांया निंतिं छगू बाचा चिने, जिं दाऊदयात सदां दइगु दयामाया बी धकाः बचं बियागु पवित्र आशिष छिमित बी।

यशैया 56:2

व मनू धन्‍य खः गुम्‍हय्‌सिनं थ्‍व याइ, व मनू धन्‍य खः गुम्‍ह थ्‍व खँय् बलाक्‍क च्‍वनाच्‍वनी। गुम्‍हय्‌सिनं विश्रामबार अशुद्ध मयासें मानय् याइ, अले थःगु ल्‍हाःयात छुं नं मभिंगु ज्‍या यायेगुपाखें अलग तइ।”

यशैया 56:6

परमप्रभुया सेवा यायेत, परमप्रभुया नांयात माया यायेत व वय्‌कःया आराधना यायेत, विश्रामबार सदां मानय् यायेत अले जि व जि मनूतय्‌गु दथुइया बाचायात विश्‍वास यायेबहः जुयाः पालन यायेत परमप्रभुलिसें थःत मिलय् याःपिं परदेशीतय्‌त धाःसा,

यशैया 58:13

“छिमिसं विश्रामबारयात मत्‍वःतल अले जिगु पवित्र दिंयात थः यःथें मयात धाःसा व परमप्रभुया विश्रामबारय् खुशी जुल धाःसा व थःगु इच्‍छा कथं मयासें थ्‍व दिंयात हनाबना यात धाःसा व थुखुन्‍हु थः यःथें मयासें यय्‌थें खँ मल्‍हात धाःसा,

यर्मिया 50:5

“इमिसं सियोनपाखे वनीगु लँ गुगु खः धकाः न्‍यनी अले थःगु ख्‍वाः उखेपाखे स्‍वय्‌की। इपिं वयाः थःत हे परमप्रभुयाथाय् गुबलें ल्‍वःममंकीगु सदांया बाचाय् ची।

लूका 10:42

माःगु खँ छता हे जक दु। मरियमं व ल्‍यये धुंकल। थ्‍व वयागु ल्‍हातं लाकाकाये फइ मखु।”

हिब्रू 6:17

परमेश्‍वरं बी धकाः धयादीपिं मनूतय्‌त थःम्‍हं बी धकाः धयादीगु खँ पाइ मखु धकाः नं पाफयादिल।

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”