यशैया 56:2 - नेवाः बाइबल

² व मनू धन्‍य खः गुम्‍हय्‌सिनं थ्‍व याइ, व मनू धन्‍य खः गुम्‍ह थ्‍व खँय् बलाक्‍क च्‍वनाच्‍वनी। गुम्‍हय्‌सिनं विश्रामबार अशुद्ध मयासें मानय् याइ, अले थःगु ल्‍हाःयात छुं नं मभिंगु ज्‍या यायेगुपाखें अलग तइ।”

यशैया 56:2 ပူးပေါင်းရင်းမြစ်များ

नहेम्‍याह 13:17

अले जिं यहूदायापिं भारदारतय्‌त हक्‍काः धया, “शबाथयात अपवित्र यानाः छिमिसं थ्‍व छु यानागु?

भजनसंग्रहया सफू 106:3

धन्‍य खः वय्‌कःया आज्ञा मानय् याइपिं व न्‍ह्याबलें खःगु ज्‍या याइपिं।

भजनसंग्रहया सफू 112:1

हल्‍लेलूयाह! धन्‍य खः व मनू गुम्‍हय्‌सिनं परमप्रभुया भय काइ, गुम्‍ह परमप्रभुया आज्ञा पालन यायेत लय्‌ताइ।

भजनसंग्रहया सफू 119:101

छिगु वचन पालन याये धकाः जिं थःगु तुतियात फुक्‍क मभिंगु लँपुपाखें अलग तयागु दु।

भजनसंग्रहया सफू 128:1

धन्‍य खः परमप्रभुया भय काइपिं व वय्‌कःया लँपुइ जुइपिं फुक्‍क मनूत।

भजनसंग्रहया सफू 34:14

मभिंगु खं तापाक च्‍वँ, अले भिंगु ज्‍या या। फुक्‍कलिसे मिलय् जुयाः च्‍वनेगु स्‍व।

भजनसंग्रहया सफू 37:27

मभिंगु ज्‍या त्‍वःति, भिंगु ज्‍या या। छिपिं न्‍ह्याबलें परमेश्‍वरं बियादीगु देशय् च्‍वने खनि।

प्रस्‍थान 20:10

न्‍हय्‌न्‍हु खुन्‍हु धाःसा परमप्रभु छिमि परमेश्‍वरया विश्रामबारया दिं खः। थुखुन्‍हु छिमिसं छुं ज्‍या याये मते। छिमि काय् म्‍ह्याय्‌पिन्‍सं, छिमि दास-दासीं, छिमि पशुतय्‌सं व छिपिंनापं च्‍वनाच्‍वंपिं परदेशीं नं छुं ज्‍या मयायेमाः।

प्रस्‍थान 20:8

“विश्रामबारयात पवित्रगु धकाः मानय् यायेत लुमंका ति।

हितोपदेश 14:16

बुद्धि दुपिं मनूतय्‌सं परमप्रभुया भय काइ, अले मभिंगु ज्‍यापाखें तापाक हे च्‍वनी। मूर्खत धाःसा हरबरय् चाइपिं व न्‍ह्यागु ज्‍यां बिचाः मयासें हथासं याइपिं जुइ।

हितोपदेश 16:17

भिंगु लँय् जुइगु धयागु पापपाखें तापायेगु खः, थः गन वनाच्‍वना धकाः बिचाः याना जुल कि वं थःगु जीवनया रक्षा याइ।

हितोपदेश 16:6

विश्‍वास याये बहःम्‍ह जुयाः व गुबलें मफुइगु मायां हे छिमिगु पाप क्षमा जुइ। परमप्रभुया भयं मनूत पापपाखें लिचिली।

हितोपदेश 4:13

छं सय्‌कागु खँ न्‍ह्याबलें लुमंका ति। सय्‌का थें जु। व छंगु जीवन खः।

हितोपदेश 4:27

उखेंथुखें पलाः तये मते। तप्‍यंक जु। मभिंपाखें तापाक हे पलाः ति।

उपदेशक 7:18

छगूयात ज्‍वना तयेगु व मेगुयात मत्‍वःतेगु नितां बांला। सुनां परमेश्‍वरया भय काइ व मनू थुपिं फुक्‍क तच्‍वःगु खँपाखें अलग च्‍वनी।

यशैया 56:4

छाय्‌धाःसा परमप्रभुं थथे धयादी, “जिगु विश्रामबार मानय् याइपिं, जितः यःथें ज्‍या याइपिं, अले जि व जि मनूतय्‌गु दथुइया बाचायात विश्‍वास यायेबहः जुयाः पालन याइपिं नपुंसकतय्‌त धाःसा,

यशैया 56:6

परमप्रभुया सेवा यायेत, परमप्रभुया नांयात माया यायेत व वय्‌कःया आराधना यायेत, विश्रामबार सदां मानय् यायेत अले जि व जि मनूतय्‌गु दथुइया बाचायात विश्‍वास यायेबहः जुयाः पालन यायेत परमप्रभुलिसें थःत मिलय् याःपिं परदेशीतय्‌त धाःसा,

यशैया 58:13

“छिमिसं विश्रामबारयात मत्‍वःतल अले जिगु पवित्र दिंयात थः यःथें मयात धाःसा व परमप्रभुया विश्रामबारय् खुशी जुल धाःसा व थःगु इच्‍छा कथं मयासें थ्‍व दिंयात हनाबना यात धाःसा व थुखुन्‍हु थः यःथें मयासें यय्‌थें खँ मल्‍हात धाःसा,

इजकिएल 20:12

हाकनं इमित पवित्र याइम्‍ह जि परमप्रभु हे खः धइगु खँ इमिसं सीमा धकाः इमिगु व जिगु दथुइ चिंया लागि जिं इमित विश्रामबारत नं बिया।

इजकिएल 20:20

जिगु विश्रामबारयात पवित्र तयाति! गुकिं यानाः व छंगु व जिगु दथुइया बाचाया छगू चिं जुइ! अले छिमिसं जि हे परमप्रभु छिमि परमेश्‍वर खः धकाः सी।”

लेवी 19:30

“‘छिमिसं जिगु विश्रामबार मानय् यायेमाः, अले जिगु पवित्र पालयागु हनाबना तयेमाः। जि परमप्रभु खः।

लूका 11:28

अले वय्‌कलं लिसः बियादिल – “अथे मखु, परमेश्‍वरयागु वचन न्‍यनाः व थें याइम्‍ह हे धन्‍यम्‍ह खः।”

लूका 12:43

वं अथे ज्‍या यानाच्‍वंगु वया मालिकं खन धाःसा वयात गुलि स्‍याबास बी।

यूहन्‍ना 13:17

थ्‍व खँ छिमिसं सीकाः यात धाःसा छिपिं धन्‍यपिं जुइ।

रोमी 12:9

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

प्रकाश 22:14

थथःगु वसः हियाः यचुसे च्‍वंक च्‍वना च्‍वनीपिं धन्‍यपिं खः। जीवनयागु सिमाय् सःगु फल इमिसं नयेखनी, अले इपिं ध्‍वाखां दुने शहरय् नं वने खनी।