यशैया 56:1 - नेवाः बाइबल

¹ परमप्रभुं थथे धयादी, “न्‍याय यायेगु त्‍वःते मते। छु पाय्‌छि जू व हे या, छाय्‌धाःसा जिपाखें उद्धार कायेगु दिं लिक्‍क वयाच्‍वंगु दु, अले जिगु धार्मिकता याकनं खनेदः वइ।

यशैया 56:1 ပူးပေါင်းရင်းမြစ်များ

भजनसंग्रहया सफू 106:3

धन्‍य खः वय्‌कःया आज्ञा मानय् याइपिं व न्‍ह्याबलें खःगु ज्‍या याइपिं।

भजनसंग्रहया सफू 50:23

सुभाय्‌या बलि छाइम्‍हय्‌सिनं हे जिगु महिमा याइ, अले जिगु लँय् जूपिन्‍त जिं परमेश्‍वरयागु मुक्ति क्‍यने।”

भजनसंग्रहया सफू 85:9

धात्‍थें हे वय्‌कःया उद्धार वय्‌कःयात मानय् याइपिनिगु न्‍ह्यःने हे दु, अथे जुयाः वय्‌कःया महिमा झीगु देशय् च्‍वनाच्‍वनेमा।

यशैया 33:5

परमप्रभु दक्‍वसिबय् तःधंम्‍ह जुयादीगु दु, छाय्‌धाःसा वय्‌कः दक्‍वसिबय् च्‍वय् च्‍वनादी। वय्‌कलं सियोनयात न्‍याय व धार्मिकतां जाय्‌कादीगु दु।

यशैया 46:13

जिं थःगु धार्मिकता लिक्‍क हयाच्‍वनागु दु। व तामपाः, छिमिगु लिक्‍क हे दु। जिगु उद्धारं लिबाकी मखु। जिं सियोनयात उद्धार बी, अले इस्राएलयात जिगु महिमा क्‍यने।

यशैया 51:5

जिगु दया व न्‍याय याकनं हे लिक्‍क थ्‍यंगु दु। जिगु उद्धार लँपुइ हे दु, जिगु बल्‍लाःगु ल्‍हातं जाति-जातितय्‌गु निंतिं न्‍याय हये। तातापाक्‍क च्‍वंगु फुक्‍क देशं जिके मिखा ब्‍वयाच्‍वनी, अले जिगु बल्‍लाःगु ल्‍हातय् आशा तयाः पियाच्‍वनी।

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

यशैया 61:8

“छाय्‌धाःसा जि, परमप्रभु धाःसा न्‍याययात माया याये, खुइगु व अधर्मयात जिं तसकं मय्‌के। जिं थःगु विश्‍वास यायेबहलं जिमि मनूतय्‌त सिरपाः बी। अले जिं इपिंनापं सदांया निंतिं बाचा ची।

यशैया 64:5

सु पाय्‌छिगु ज्‍या यायेत लय्‌ताइ अले सुनां छिगु लँयात लुमंकी, इमिगु निंतिं ग्‍वाहालि यायेत छि झायादी। तर जिमिसं छिगु विरोधय् पाप यानाच्‍वनागुलिं छि तंम्‍वयादिल। जिपिं गुकथं बचय् जुइ फइ धकाः?

दानिएल 9:24

“पाप व मभिंपाखे छिमिगु जाति व पवित्र शहरयात त्‍वःतकेत, पाप क्षमा यायेत व अधर्मया प्रायश्‍चित यायेत परमेश्‍वरं न्‍हयेगू वाः क्‍वछिनादीगु दु। उकिं दर्शन व अगमवाणी पूवनी व पवित्र देगः हानं अभिषेक जुइ।

होशे 12:7

व्‍यापार याइपिन्‍सं मखुगु तराजु चले याइ, थगय् यायेगु यय्‌काच्‍वनी।

मीका 6:8

हे मनू, बांलाःगु अले भिंगु खँ वय्‌कलं छन्‍त क्‍यनादीगु दु। छपाखें परमप्रभुं छु यय्‌कादी? खःकथं ज्‍या यायेगु, मायायात यय्‌केगु, थः परमेश्‍वरलिसें क्‍वमिलु जुयाः जुयेगु।

मीका 7:9

परमप्रभुं जिगु पं कयाः न्‍ववानाः जिगु हक पक्‍का यानामदीतले जिं वय्‌कःयागु तंयात सहयाना च्‍वने। छाय्‌धाःसा जिं वय्‌कःया विरोधय् पाप यानागु दु। तर वय्‌कलं जितः पित हयाः जलय् हयादी। वय्‌कःयागु न्‍याय व धार्मिकता जिं स्‍वये दइ।

मलाकी 4:4

“जिं होरेब पर्वतय् सकल इस्राएलीतय्‌गु निंतिं जिम्‍ह दास मोशायात बियागु विधि व नियम दुगु व्‍यवस्‍थायात लुमंकी अले उकियात बांलाक मानय् या।

मत्ती 3:2

थथे धकाः भिंगु खँ न्‍यंकाजुल – “पश्‍चाताप या, छाय्‌धाःसा स्‍वर्गयागु राज्‍य न्‍ह्यःने थ्‍यंकः वःगु दु।”

मत्ती 4:17

उबलय् निसें वय्‌कलं थथे धकाः न्‍यंकादिल – “पश्‍चाताप या, छाय्‌धाःसा स्‍वर्गयागु राज्‍य न्‍ह्यःने थ्‍यंकः वये धुंकल।”

मर्कूस 1:15

“ई जुइ धुंकल, परमेश्‍वरयागु राज्‍य न्‍ह्यःने थ्‍यने धुंकल। पश्‍चाताप या, भिंगु खँय् विश्‍वास या।”

यूहन्‍ना 7:17

सुनानं परमेश्‍वरयागु इच्‍छा पालन यायेगु मतिइ तःसा व मनुखं जिं स्‍यनाच्‍वनागु खँ परमेश्‍वरयागु खः ला कि जिगु थःगु हे खँ खः धकाः सीके फइ।

रोमी 1:17

थ्‍व भिंगु खँ परमेश्‍वरं मनूतय्‌त गुकथं उद्धार यानादी धकाः क्‍यनी। विश्‍वासं हे जक मनूत धर्मी ठहरय् जुइ। धर्मशास्‍त्रय् नं थथे च्‍वयातःगु दु – “धर्मीत विश्‍वासं हे म्‍वाइ।”