Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यशैया 54:8 - नेवाः बाइबल

8 तमं जिं छन्‍त छुं ईया निंतिं जक जिगु ख्‍वाः छपाखें सुचुकागु खः। जिगु सदां दइगु दया मायां जिं छन्‍त दया याये,” छन्‍त उद्धार यानादीम्‍ह परमप्रभु परमेश्‍वरं थथे धयादी।

အခန်းကိုကြည့်ပါ။ ကော်ပီ




यशैया 54:8
34 ပူးပေါင်းရင်းမြစ်များ  

तर परमप्रभुयागु सदां दयाच्‍वनीगु दया माया न्‍ह्याबलें वय्‌कःया भय काइपिन्‍के दु। इमि मस्‍त व छय्‌पिनिगु लागिं नं वय्‌कः न्‍ह्याबलें दयादुम्‍ह जुइ।


वय्‌कलं जितः सीगालं त्‍वःतकादिल, अले जितः सदां दइगु दया माया व मायां घेरय् यानादी।


हे परमप्रभु! छिं जितः गुबलय् तक ल्‍वःमंकाच्‍वनादी? सदां ल्‍वःमंकाच्‍वनेगु ला? छि गुबलय् तक जिपाखें फस्‍वयाच्‍वनादी?


जिपाखें थःगु ख्‍वाः फहिकादी मते, परमप्रभु। तमय् थः दासयात थःपाखें तापाकादी मते, छि जितः ग्‍वाहालि यानादीम्‍ह खः। जितः मुक्ति बियादीम्‍ह प्रभु, जितः त्‍वःतादी मते! जितः गुबलें त्‍यागय् यानादी मते!


वय्‌कःया तं धयागु घौपलखया निंतिं जक खः, वय्‌कःया दया माया मसीतले दयाच्‍वनी। चच्‍छि ख्‍वये माःसां सुथय् ला जितः सुख दइ।


परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।


हे जिमि प्रजा, थथःगु छेँ हुँ, अले छेँ दुहां वनाः लुखा तिनाब्‍यु। परमेश्‍वरया तं क्‍वमलाःतले छुं ईया निंतिं सुपिलाच्‍वँ।


हे याकूब, छ छाय्‌ क्‍वाराक्‍वारा हालाच्‍वनागु? हे इस्राएल, छं छाय् थथे धयागु, “परमप्रभुं जिगु दुःख मथू, जिं अन्‍याय सहयाना नं वास्‍ता यानामदी?”


हे परमेश्‍वर, इस्राएलया मुक्तिदाता। धात्‍थें छि हे परमेश्‍वर खः, सुनां थःत सुपिका तयादी।


जि जिमि प्रजा खनाः तंम्‍वयागु खः, अले जिं थः हे मनूयात अशुद्ध ठहरे याना। जिं इमित छंगु ल्‍हातय् बिया, तर छं इमित दयामाया मयात। बुरातय्‌त नं छं थःगु झ्‍यातुगु ककुसिँ क्‍वबिकल।


परमप्रभु, छन्‍त उद्धार यानादीम्‍ह व इस्राएलया पवित्र परमेश्‍वरं थथे धयादी, “जि परमप्रभु छिमि परमेश्‍वर खः, सुनां छंगु भिंया निंतिं छन्‍त स्‍यनादी, सुनां छ वनेमाःगु लँय् छन्‍त ब्‍वना यंकी।


इमित न नये मास्‍ति वइ न प्‍याः चाइ, न इमित मरुभूमिइ निभालं पुइ, छाय्‌धाःसा जिं इमित दयामाया याये अले ब्‍वनायंके। अले जिं इमित लः दुगु थासय् यंके।


हे आकाश, लय्‌तातां तसकं म्‍ये हा! हे पृथ्‍वी, लय्‌ता! हे पर्वतत कथुप्‍वाः चाय्‌काः तसकं म्‍ये हा! छाय्‌धाःसा परमप्रभुं थः प्रजायात सान्‍त्‍वना बियादीगु दु, अले दुःखकष्‍टय् लानाच्‍वंपिं प्रजातयात वय्‌कलं दयामाया यानादी।


छिमित दुःखकष्‍ट ब्‍यूपिन्‍त जिं इमिगु थःगु हे ला नके। दाखमद्यं का थें इपिं थःगु हे हिं काइतिनि। अनंलि फुक्‍क मनूतय्‌सं थ्‍व खँ सी जि, परमप्रभु छन्‍त मुक्ति बीम्‍ह खः, अले छन्‍त उद्धार याइम्‍ह, याकूबया तसकं बल्‍लाःम्‍ह खः।”


पर्वतयात संकूसां अले डाँडात चीकाःछ्वसां अय्‌नं छिमिगु निंतिं जिगु सदां दइगु दयामाया गुबलें अन्‍त जुइ मखु। अले जिं चिनागु शान्‍तिया बाचा गुबलें त्‍वधुली मखु,” छन्‍त दयामाया यानादीम्‍ह परमप्रभुं धयादी।


छाय्‌धाःसा छन्‍त सृष्‍टि यानादीम्‍ह छिमि भाःत खः, वय्‌कःया नां दक्‍व शक्ति दुम्‍ह परमप्रभु खः। इस्राएलया पवित्र परमेश्‍वर छन्‍त उद्धार यानादीम्‍ह खः। वय्‌कःयात फुक्‍क पृथ्‍वीया परमेश्‍वर धकाः धाइ।


हे मनूत, जिथाय् वयाः जिगु खँ बांलाक न्‍यँ! अले छिमित जीवन दइ। जिं छिपिंनापं सदांया निंतिं छगू बाचा चिने, जिं दाऊदयात सदां दइगु दयामाया बी धकाः बचं बियागु पवित्र आशिष छिमित बी।


दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।


“परदेशीतय्‌सं छंगु पःखाः हाकनं दय्‌की, अले इमि जुजुतय्‌सं छंगु सेवा याइ। जिगु तमं जिं छन्‍त कय्‌का, अय्‌नं जिं छन्‍त दया याये।


परमप्रभुं झीगु निंतिं यानादीगु फुक्‍क ज्‍याया निंतिं वय्‌कःयात प्रशंसा यायेमा, वय्‌कलं यानादीगु दयामायाया बारे जिं धयाबी, वय्‌कःया दया व करुणा कथं, वय्‌कलं इस्राएलया घरानाया निंतिं तसकं भिंगु ज्‍या यानादिल।


छिगु नां काइपिं छम्‍ह नं मदु, छितः ज्‍वनेगु सुनानं कुतः याइ मखु, छाय्‌धाःसा छिं थःगु ख्‍वाः जिपिंपाखें सुपिकादीगु दु, अले जिमित जिमिगु पापया शक्तिइ त्‍वःतादीगु दु।


याकूबया घरानापाखें थःगु ख्‍वाः फहिकादीम्‍ह परमप्रभुयाके हे जिं भरोसा तयाच्‍वने।


परमप्रभु पुलांगु इलय् थथे धाधां झीथाय् खनेदय्‌कः झाल, “जिं छन्‍त न्‍ह्याबलें दयाच्‍वनीगु मायां माया यानागु दु। उकिं जिं छन्‍त करुणा यानाः थःथाय् हयागु दु।


अले जक जिं याकूबयात व जिम्‍ह दास दाऊदया सन्‍तानयात त्‍वःताबी, अले वया सन्‍तानत मध्‍ये छम्‍हय्‌सित नं अब्राहाम, इसहाक व याकूबया वंशयात राज्‍य यायेत जिं ल्‍यये मखु। छाय्‌धाःसा जिं इमिगु सुख शान्‍ति लित हयाबी अले इमित दयामाया याये।’”


इस्राएल व यहूदायात इमि परमेश्‍वर, दक्‍व शक्ति दुम्‍ह परमप्रभुपाखें त्‍वःतूगु मदु, खः ला इस्राएलया पवित्र परमेश्‍वरया न्‍ह्यःने इमिगु देश दोषं जाःगु दु।


जिं हाकनं गुबलें थःगु ख्‍वाः इपिंपाखें फस्‍वय्‌के मखु, छाय्‌धाःसा जिं थःगु आत्‍मा इस्राएलया घरानायाके प्‍वंके, परमप्रभु परमेश्‍वरं धयादी।”


हे परमप्रभु, जिं छिगु बारे न्‍यनागु दु। हे परमप्रभु, छिं यानादीगु ज्‍या खनाः जि छक्‍क हे जुल। जिमिगु इलय् न्‍हूकथं थःगु ज्‍या क्‍यनादिसँ, जिमिगु इलय् व सीकेबियादिसँ। तंचायादीसां जिमित दया यानादिसँ।


अय्‌नं जि सुरक्षित जुयाः याउँक च्‍वनाच्‍वंपिं मेमेगु जातितलिसे तसकं तंम्‍वयागु दु। जि थः मनूतलिसें भचा जक तम्‍वयागु खः। अय्‌नं जिं सजाँय बीगु यानागु उपिं जातितय्‌सं इमित बांमलाःगु व्‍यवहार यात।’


“उकिं जिगु दया क्‍यनेत जि यरूशलेमय् लिहां वयागु दु। जिगु देगः हाकनं दय्‌की, यरूशलेमय् नापय् यायेगु खिपः तंके याइ, अले शहरयात हाकनं दय्‌की” दक्‍व शक्ति दुम्‍ह परमप्रभुं धयादी।


“जिं यहूदाया घरानायात बल्‍लाकाबी अले योसेफया घरानायात बचय् याये। जिं इमित हाकनं लित ब्‍वनाहय्। छाय्‌धाःसा जितः इपिं प्रति दया दु। जिं इमित गुबलें नं मत्‍वःतागु थें च्‍वंक इपिं न्‍हापा गथे खः अथे हे यानाबी। छाय्‌धाःसा जि इमि परमप्रभु परमेश्‍वर खः, अले जिं इमिगु प्रार्थनाया लिसः बी।


प्रभु येशू ख्रीष्‍टं हे व झीत माया यानादीम्‍ह व दया माया याना गुबलें सिना मवनीगु साहस व भिंगु आशा बियादीम्‍ह परमेश्‍वर बाःनं


थुकिं यानाः हे वय्‌कलं जितः माया यानादिल। जि थें ज्‍याःम्‍ह तसकं पापीयात थःगु धैर्य क्‍यनेत वय्‌कलं जितः नमूना दय्‌कादिल। थ्‍व नमूना लिपा वय्‌कःयात विश्‍वास याइपिं व अनन्‍त जीवन काइपिनिगु निंतिं खः।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ