यशैया 54:5 - नेवाः बाइबल

⁵ छाय्‌धाःसा छन्‍त सृष्‍टि यानादीम्‍ह छिमि भाःत खः, वय्‌कःया नां दक्‍व शक्ति दुम्‍ह परमप्रभु खः। इस्राएलया पवित्र परमेश्‍वर छन्‍त उद्धार यानादीम्‍ह खः। वय्‌कःयात फुक्‍क पृथ्‍वीया परमेश्‍वर धकाः धाइ।

यशैया 54:5 ပူးပေါင်းရင်းမြစ်များ

अय्‍यूब 19:25

तर जिं स्‍यू, जितः उद्धार यानादीम्‍ह म्‍वानाच्‍वंगु दु। दकलय् लिपांगु इलय् वय्‌कः पृथ्‍वीइ दनादी।

यशैया 11:9

इमिसं जिगु फुक्‍क पवित्र पर्वतय् छुं नं स्‍यंके फइ मखु, अले छुं मभिंगु खँ नं अन दइ मखु, छाय्‌धाःसा समुद्र लखं जाः थें पृथ्‍वी परमप्रभुया ज्ञानं जाइ।

यशैया 43:1

तर आः, हे याकूब, छन्‍त सृष्‍टि यानादीम्‍ह, हे इस्राएल, छन्‍त आकार ब्‍यूम्‍ह परमप्रभुं थथे धयादी, “ग्‍याये मते, छाय्‌धाःसा जिं छन्‍त मू पुलाः त्‍वःतकागु दु। जिं छन्‍त छंगु नां कयाः सःतागु दु, छ जिम्‍ह हे खः।

यशैया 43:14

परमप्रभु छिमित उद्धार याइम्‍ह खः। इस्राएलया पवित्र परमेश्‍वरं थथे धयादी, “छिमिगु लागिं हे जिं बेबिलोनया विरोधय् सेना छ्वये। इमिसं हमला याइ अले बेबिलोनीत थःगु जीवन बचय् यायेत बिस्‍युं वनी। इमित इमिसं घमण्‍ड यानाच्‍वंगु इमिगु जहाजय् जबरजस्‍ती बिसिकेछ्वइ।

यशैया 45:11

“परमप्रभु, पवित्र परमेश्‍वर व इस्राएलया सृष्‍टिकर्तां थथे धयादी, आः वइतिनिगुया बारे, छु छिमिसं जिमि काय् म्‍ह्याय्‌पिनिगु बारे न्‍ह्यसः न्‍यना ला, अले जिगु ल्‍हाःया ज्‍याया बारे छिमिसं उजं बियागु ला?

यशैया 48:17

परमप्रभु, छन्‍त उद्धार यानादीम्‍ह व इस्राएलया पवित्र परमेश्‍वरं थथे धयादी, “जि परमप्रभु छिमि परमेश्‍वर खः, सुनां छंगु भिंया निंतिं छन्‍त स्‍यनादी, सुनां छ वनेमाःगु लँय् छन्‍त ब्‍वना यंकी।

यशैया 48:2

छिमिसं थःपिं पवित्र शहरया नागरिक खः धकाः धाइ अले इस्राएलया परमेश्‍वरयाके भलसा तइ। वय्‌कःया नां दक्‍व शक्ति दुम्‍ह परमप्रभु खः।

यशैया 51:15

छाय्‌धाःसा जि परमप्रभु छिमि परमेश्‍वर खः, सुनां समुद्रयात चले याइ अले लःया किसिद्वंम्‍बःयात संकाबी। जिगु नां दक्‍व शक्ति दुम्‍ह परमप्रभु खः।

यशैया 54:8

तमं जिं छन्‍त छुं ईया निंतिं जक जिगु ख्‍वाः छपाखें सुचुकागु खः। जिगु सदां दइगु दया मायां जिं छन्‍त दया याये,” छन्‍त उद्धार यानादीम्‍ह परमप्रभु परमेश्‍वरं थथे धयादी।

यशैया 6:3

अले छम्‍हय्‌सिनं मेम्‍हय्‌सित थथे धकाः हालाच्‍वन, “दक्‍व शक्ति दुम्‍ह परमप्रभु, पवित्र, पवित्र, पवित्रम्‍ह खः। वय्‌कःया महिमां फुक्‍क पृथ्‍वीइ जायाच्‍वंगु दु।”

यशैया 65:16

सुनां थ्‍व देशय् सुवाःयात फ्‍वनी, वं धात्‍थें परमेश्‍वरया नामं थथे याइ, थ्‍व देशय् पाफइपिन्‍सं परमेश्‍वरया नामय् हे पा फइ, छाय्‌धाःसा न्‍हापा न्‍हापाया दुःखत ल्‍वमने धुंकी, अले उपिं जिगु न्‍ह्यःनं सुपिकातःगु जुइ।

यर्मिया 10:16

याकूबया भाग उपिं थें मखु, वय्‌कः ला फुक्‍क दय्‌कादीम्‍ह खः। अले वय्‌कलं इस्राएलयात थः प्रजा दय्‌केत ल्‍ययादीगु दु। दक्‍व शक्ति दुम्‍ह परमप्रभु वय्‌कःया नां खः।

यर्मिया 3:14

“अय् विश्‍वास याये बहःमजूपिं मनूत लिहां वा,” परमप्रभुं धयादी, “छाय्‌धाःसा जि छिमि मालिक खः। जिं छगू छगू शहरं छम्‍ह छम्‍ह व छगू छगू कुलं निम्‍ह निम्‍हय्‌सित सियोनय् हये।

यर्मिया 51:19

याकूबया भाग इपिं थें मखु। वय्‌कलं हे फुक्‍क दय्‌कादिल। अले वय्‌कलं इस्राएलयात थः प्रजा दय्‌केत ल्‍ययादीगु दु। दक्‍व शक्ति दुम्‍ह परमप्रभु वय्‌कःया नां खः।

इजकिएल 16:8

“‘अनंलि जि छंगु लिक्‍क जुयाः वनाबलय् जिं छन्‍त मतिना याये ज्‍यूगु उमेरय् थ्‍यंगु खना। स्‍व, जिं थःगु गाः चक्‍कंकाः छंगु नांगा म्‍हय् फाय्‌काबिया। जिं छलिसें पाफयाः ब्‍याहाया बाचा चिना, अले छ जिम्‍ह जुल, परमप्रभु परमेश्‍वरं धयादी।

होशे 2:16

“परमप्रभुं धयादी, ‘उखुन्‍हु हे’ छं जितः ‘जिमि भाःत’ धाइ, अले ‘जिमि मालिक’ धाइ मखु।

होशे 2:18

व दिं हे जिं इमिगु निंतिं गुँपशुत, आकाशया झंगःत व बँय् घिसय् जुइपिं पशुतनापं बाचा ची। सकलें याउँक च्‍वने फयेमा धकाः जिं धनुष वाण, तरवार व लडाइँ देशं तापाकाबी।

जकरिया 14:9

उखुन्‍हु हे परमप्रभु फुक्‍क पृथ्‍वीयाम्‍ह जुजु जुयादी। सकल मनूतय्‌सं वय्‌कःयात परमप्रभु धकाः आराधना याइ अले व हे नामं वय्‌कःयात म्‍हसीकी।

मलाकी 1:11

“सूर्य लुया वइगु थासंनिसें सूर्य बिनावनीगु थाय् तक जात जातितय्‌गु दथुइ जिगु नां तःधनी। फुक्‍क थासय् जिगु नामय् धुपाँय् च्‍याकी अले नाले बहःगु देछा छाइ, छाय्‌धाःसा जाति जातितय् दथुइ जिगु नां तःधनी,” दक्‍व शक्ति दुम्‍ह परमप्रभुं धयादी।

लूका 1:32

थ्‍व मचा तसकं तःधनी, अले दकलय् तःधंम्‍ह परमेश्‍वरया काय् धकाः नां जाइ। अले परमप्रभु परमेश्‍वरं वयात वया तापाःबाज्‍या दाऊदयागु सिंहासन बियादी।

यूहन्‍ना 3:29

भम्‍चायात ब्‍याहा याःम्‍ह हे भाःतम्‍ह जुइ। ब्‍याहा याःम्‍ह मिजंया पासा वयागु खँ न्‍यनाः तसकं लय्‌ताइ। अथे हे जि नं आः लय्‌ताय् खन।

एफिसी 5:32

थ्‍व छगू तःधंगु गुप्‍ति खँ खः। अय्‌नं जिं छिमित ख्रीष्‍ट व मण्‍डलीया बारे खँ ल्‍हाना च्‍वनागु दु।

यहोशू 3:11

स्‍व! फुक्‍क पृथ्‍वीया प्रभुयागु बाचा चिनादीगु सनू छिमिगु न्‍ह्यः न्‍ह्यः यर्दन खुसिइ वनी।

यहोशू 3:13

फुक्‍क पृथ्‍वीया प्रभु परमप्रभुयागु बाचा चिनादीगु सनू क्‍वबिपिं पुजाहारीतय्‌गु तुतिपालि यर्दनया लखय् लाइबलय् च्‍वय्‌निसें न्‍ह्यानावइगु यर्दनया लः दिनाः छथाय् द्वँ मुनी।”

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”