यशैया 54:12 - नेवाः बाइबल

¹² थीथी ह्यांउगु मणीं छन्‍त सुरक्षा याइगु पःखाः, तसकं थीगु रत्‍नं छंगु मू ध्‍वाखात व तसकं मू मू वंगु थीनं छंगु निंतिं फुक्‍क पःखाःत दय्‌की।

यशैया 54:12 ပူးပေါင်းရင်းမြစ်များ

१ राजा 7:4

उकिया झ्‍याःत थवंथः स्‍वकातःगु स्‍वंगू झ्‍वः तज्‍जाः यानाः दय्‌कूगु दु।

प्रस्‍थान 28:19

स्‍वंगूगु झ्‍वलय् कार्नेलेन, अकिक व प्‍याजी रंगयागु मणि।

यशैया 49:16

स्‍व! जिं छन्‍त जिगु ल्‍हातय् कियातयागु दु। छंगु पःखाःत जिं बिचाः यानाच्‍वनागु दु, अय् यरूशलेम!

यशैया 54:11

“हे दुःखय् लानाच्‍वंम्‍ह, ग्‍वःफसं पुइकाः छ्वावाःम्‍ह अले सान्‍त्‍वना काय् मखंगु शहर, स्‍व, जिं फिरोजाया थीनं छन्‍त दय्‌के, नीरं छंगु जग स्‍वने।

यशैया 54:13

छिमि सकलें काय्‌पिन्‍त परमप्रभुं हे स्‍यनेगु याइ, अले छिमि काय् म्‍ह्याय्‌पिन्‍त सुख शान्‍ति दइ।

इजकिएल 48:31

स्‍वंगू ध्‍वाखात दइ। शहरया ध्‍वाखाया नां इस्राएलया कुल कुलया नां थें हे जुइ। उत्तर पाखेया स्‍वंगू ध्‍वाखात रूबेनया ध्‍वाखा, यहूदाया ध्‍वाखा अले लेवीया ध्‍वाखा जुइ।

जकरिया 9:16

उखुन्‍हु परमप्रभु इमि परमेश्‍वरं थः मनूतय्‌त फैजवाःतय्‌सं फैच्‍वलय्‌या बथांयात बचय् याःथें बचय् यानादी, श्रीपेचया मणि थें इपिं वय्‌कःया देशय् थी।

प्रकाश 21:12

थ्‍व शहरय् तब्‍यागु व तःजाःगु पःखाः दनातःगु दु। थ्‍व पखालय् झिंनिद्वाः ध्‍वाखा तयातःगु दु। ध्‍वाखाय् झिंनिम्‍ह स्‍वर्गदूतत च्‍वनाच्‍वन। इस्राएलीतय् झिंनिगू कुलयागु नां उपिं ध्‍वाखाय् च्‍वयातःगु दु।