यशैया 54:1 - नेवाः बाइबल

¹ “हे यरूशलेम, थारिम्‍ह मिसा, म्‍ये हा गुबलें मचा बुइके मनंम्‍ह मिसा, मचाबू ब्‍यथाय् गुबलें मलाःम्‍ह, लय्‌लय्‌तातां हाला जु। छाय्‌धाःसा भाःतनाप च्‍वनाच्‍वंम्‍ह मिसाया स्‍वयाः भाःतं त्‍वःतूम्‍ह मिसायागु हे मस्‍त यक्‍व दु,” परमप्रभुं धयादी।

यशैया 54:1 ပူးပေါင်းရင်းမြစ်များ

उत्‍पत्ति 21:6

अले सारां धाल, “परमेश्‍वरं जितः लसताः बियादिल। थ्‍व खँ न्‍यनीपिं सकलें जि नाप लय्‌ताइ।

भजनसंग्रहया सफू 113:9

वय्‌कलं थारिम्‍ह मिसायात वयागु हे छेँय् इज्‍जत बियादी, वय्‌कलं वयात मचाखाचा बियाः लय्‌ताय्‌कादी। हल्‍लेलूयाह!

श्रेष्‍ठगीत 8:8

जिमि चिचाधिकःम्‍ह तसकं यःम्‍ह छम्‍ह मय्‌जु दु, वयागु दुरुप्‍वः उलि जाया मवनी, वयात ब्‍याहा यायेत सुं छम्‍हय्‌सिनं फ्‍वँ वल धाःसा उखुन्‍हु झीसं वयात छु धायेगु?

यशैया 12:6

सियोनय् च्‍वंपिं सकसिनं तःसलं म्‍ये हालेमा! इस्राएलया पवित्र परमेश्‍वर तःधंम्‍ह खः, अले वय्‌कः थः मनूतय् दथुइ च्‍वनादी।”

यशैया 24:14

बचय्‌जूपिं लसतां म्‍ये हालाच्‍वनी। पच्‍छिमय् च्‍वनीपिन्‍सं परमप्रभुया तःधंगु महिमाया जयजय याइ!

यशैया 44:23

हे आकाश, लसताया म्‍ये हा। परमप्रभुं थथे यानादीगु दु। हे क्‍वय्‌यागु पृथ्‍वी, तःसलं हा! हे पर्वतत, गुँ व अन च्‍वंगु फुक्‍क सिमात, तःसलं म्‍ये हा, छाय्‌धाःसा परमप्रभुं मू पुलाः याकूबयात त्‍वःतकादीगु दु। वय्‌कलं थःम्‍हं इस्राएलयात बचय् यानाः थःगु महिमा क्‍यनादी।

यशैया 49:13

हे आकाश, लय्‌तातां तसकं म्‍ये हा! हे पृथ्‍वी, लय्‌ता! हे पर्वतत कथुप्‍वाः चाय्‌काः तसकं म्‍ये हा! छाय्‌धाःसा परमप्रभुं थः प्रजायात सान्‍त्‍वना बियादीगु दु, अले दुःखकष्‍टय् लानाच्‍वंपिं प्रजातयात वय्‌कलं दयामाया यानादी।

यशैया 49:19

“अय्, यरूशलेम, छ पतन व नाश जूसां अले छिमिगु देश झिजांमिजां यानाब्‍यूसां आवंलि मनूत च्‍वनेत छ तसकं चीकू जुइ। अले छन्‍त नुनाछ्वइपिं धाःसा छपाखें यक्‍व तापाक्‍क वनी।

यशैया 49:20

ज्‍वना यंके धुंकाः बिदेशय् बूपिं छिमि मस्‍तय्‌सं छं तायेदय्‌क थथे धाइ, ‘थ्‍व थाय् झीगु निंतिं तसकं चिधंगु जुल। जिमित च्‍वनेत थन तःकूगु थाय् बियादिसँ।’

यशैया 62:4

छन्‍त हाकनं “आजुबा” धकाः धाइ मखु। छंगु देशयात हाकनं “समामा” धकाः धाइ मखु, तर छन्‍त “हेप्‍सीबा” धकाः धाइ, अले छंगु देश “ब्‍युलाह” धकाः धाइ। छाय्‌धाःसा परमप्रभु छनापं तसकं लय्‌तायादीगु दु, अले छंगु देशं ब्‍याहा याःगु जुइ।

यशैया 66:7

“मचाबू ब्‍यथा जुइ न्‍ह्यः हे वं मचा बुइकी, मचाबू ब्‍यथाया सास्‍ती जुइ न्‍ह्यः हे वं छम्‍ह काय् बुइकी।

सपन्‍याह 3:14

हे जिमि म्‍ह्याय् सियोन, म्‍ये हा! हे इस्राएल, तस्‍सलं हा! हे जिमि म्‍ह्याय् यरूशलेम, थःगु पूरा मनं छ लय्‌ता अले न्‍ह्यइपुकि!

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

गलाती 4:27

धर्मशास्‍त्रय् नं थथे च्‍वयातःगु दु – “हे मचा बुइकिमखुम्‍ह थारिम्‍ह लय्‌ताया च्‍वँ, मचा बुइकेबलय् गुलि दुःख जुइ धकाः मस्‍यूम्‍ह नुगः चाय्‌काः हाला जु। छाय्‌धाःसा भाःतनाप च्‍वनाच्‍वंम्‍ह मिसाया स्‍वयाः भाःतं त्‍वःतूम्‍ह मिसायागु हे मस्‍त यक्‍व दु।”

१ शमूएल 2:5

गाक्‍क दुपिं नसाया निंतिं ज्‍यामि ज्‍या यानाः जुइमाली, बरु नये मखंपिनि धाःसा गुबलें नये मास्‍ति वइ मखु। थारिम्‍ह मिसां न्‍हय्‌म्‍ह मचा बुइकूगु दु। अय्‌नं यक्‍वसिया मांयाके छम्‍ह नं मचा मदु।