यशैया 53:9 - नेवाः बाइबल

⁹ इमिसं वयागु चिहान दुष्‍ट मनूतय्‌गुनापं दय्‌कल, व सीबलय् तःमिपिंनापं हे थुन, खः ला, वं छुं ल्‍वापुख्‍यापु याःगु मदु, वयागु म्‍हुतुं मभिंगु व मखुगु खँ ल्‍हाःगु मदु।

यशैया 53:9 ပူးပေါင်းရင်းမြစ်များ

१ कोरिन्‍थी 15:4

धर्मशास्‍त्रय् च्‍वया तः थें सीम्‍ह ख्रीष्‍टयात थुनाबिल, अले स्‍वन्‍हु दय्‌काः हानं म्‍वाना झाल।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

हिब्रू 4:15

झी दकलय् तःधंम्‍ह पुजाहारी झी बमलाइबलय् छुं याये मफुम्‍ह मखु, बरु झीत थें वय्‌कःयात नं फुक्‍क खँय् शैतानं जाँचय् यात, अय्‌सां वय्‌कलं पाप यानामदी।

हिब्रू 7:26

झीत मालाच्‍वंम्‍ह दकलय् तःधंम्‍ह पुजाहारी येशू हे खः। वय्‌कः पवित्रम्‍ह व दोष मदुम्‍ह खः। वय्‌कःयात पापीतय्‌गु पुचलं अलग तयादीगु दु, अले स्‍वर्गय् नं दकलय् तःधंम्‍ह यानादीगु दु।

१ पत्रुस 2:22

“वय्‌कलं गुब्‍सं नं पाप यानामदी। वय्‌कलं मखुगु खँ गुब्‍सं ल्‍हानामदी।”

१ यूहन्‍ना 3:5

झीगु पाप मदय्‌केत हे ख्रीष्‍ट झायादीगु खः। ख्रीष्‍टयाके पाप द हे मदु।