यशैया 53:8 - नेवाः बाइबल

⁸ तसकं सास्‍ती बियाः व दोपं बियाः वयात इमिसं यंकल। वयात जुइगु बारे सुनां ध्‍यान मब्‍यू। छाय्‌धाःसा वयात म्‍वाःपिनिगु देशं अलग तल, जिमि प्रजाया अपराधया निंतिं वयात दाल।

यशैया 53:8 ပူးပေါင်းရင်းမြစ်များ

भजनसंग्रहया सफू 69:12

लँय् लँय् हे इमिसं जिगु खँ ल्‍हाना जुइ। अय्‌लाःगुलुतय्‌सं जितः ध्‍याचू नकाः म्‍ये हाला जुइ।

भजनसंग्रहया सफू 88:5

इमिसं जितः सीम्‍हतय् दथुइ त्‍वःतूगु दु, अले जि सीम्‍ह थें क्‍वदलाः च्‍वनाच्‍वनागु दु। छिं जितः ल्‍वःमंकादी धुंकल जितः छिगु ग्‍वाहालि नं मदु।

यशैया 53:12

अथे जुयाः जिं तःधंपिंनापं हे वयात नं छगू भाग बी, वं लाकाहःगु माल बल्‍लाःपिंनापं इनी। छाय्‌धाःसा वं थःगु जीवन पानाबिल, व पापीतनापं हे वयात ल्‍याः खात। वं यक्‍वसिगु पाप क्‍वबिल, व पापीतय्‌गु निंतिं स्‍वापु तइम्‍ह जुल।

यशैया 53:5

तर वयात ला झीगु हे अपराधया निंतिं सुयाबिल। वयात झीगु अधर्मया निंतिं क्‍वत्‍यल। वं सजाँय फःगुलिं झीत सुख शान्‍ति दत। वं कोर्रा नःगुलिं झीपिं लन।

यर्मिया 11:19

जि ला स्‍याये यंकेत्‍यंम्‍ह छुं मस्‍यूम्‍ह चिधिकःम्‍ह भ्‍याःचा खः। इमिसं थथे धयाः जिगु हे विरोधय् जाः ग्‍वःगु खः धकाः जिं मस्‍यूगु जुल, “व सिमायात उकिया फलनापं नाश यायेनु! उकियात म्‍वाःपिनिगु थासं पालाः वांछ्वयाब्‍यु। थुकिया नांयात आवंनिसें लुममंकेमा।”

विलाप 3:54

लखं जिगु छ्यं त्‍वपुल, जिं बिचाः याना, “आः जि सीगु जुल।”

दानिएल 9:26

“अले खुइनिगू वाः लिपा व अभिषेक जूम्‍ह मनूयात स्‍याइगु जुइ अले वयाके छुं ल्‍यं दइ मखु। अले हमला याःवइम्‍ह छम्‍ह शासकया सेनां शहर व देगः नाश याइ। खुसिबाः वःगु थें अन्‍त वइ। उकिं परमेश्‍वरं तयार यानादीगु लडाइँ व विनाश हइ।

मत्ती 1:1

अब्राहाम व दाऊदया सन्‍तान येशू ख्रीष्‍टया पुर्खा थथे दु –

यूहन्‍ना 19:7

यहूदीतय्‌सं पिलातसयात लिसः बिल – “जिमिके नं व्‍यवस्‍था दु, थ्‍व व्‍यवस्‍थाकथं थ्‍वयात स्‍याये हे माः, छाय्‌धाःसा थ्‍वं थःत परमेश्‍वरया काय् धकाः धयाजुल।”

प्रेरित 8:33

वय्‌कःयात क्‍वह्यंकाः बांलाक न्‍याय तकं मयात। वय्‌कःया सन्‍तानयागु खँ सुनां कनी? छाय्‌धाःसा वय्‌कःयात पृथ्‍वीइ स्‍यानाबिल।”

रोमी 1:4

अले पवित्र आत्‍मायागु शक्तिं वय्‌कः म्‍वाना तुं वयाः परमेश्‍वरया काय् खः धकाः क्‍यनादिल।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।