यशैया 53:5 - नेवाः बाइबल

⁵ तर वयात ला झीगु हे अपराधया निंतिं सुयाबिल। वयात झीगु अधर्मया निंतिं क्‍वत्‍यल। वं सजाँय फःगुलिं झीत सुख शान्‍ति दत। वं कोर्रा नःगुलिं झीपिं लन।

यशैया 53:5 ပူးပေါင်းရင်းမြစ်များ

उत्‍पत्ति 3:15

छंगु व मिसाया दथुइ अले छं मस्‍त व मिसाया मस्‍तय् दथुइ जिं ल्‍वापु थनाबी। वं छंगु छ्यं तछ्याइ, छं वयागु ग्‍वालिइ न्‍याइ।”

अय्‍यूब 33:24

अले वं वयात दया यानाः परमेश्‍वरयात थथे धाल धाःसा, ‘वयात त्‍वःताब्‍यु! वयात मृत्‍यु लोकय् वनेबी मते! वयात त्‍वःतकेगु ध्‍यबा जिके दु।’

भजनसंग्रहया सफू 30:2

हे परमप्रभु जिमि परमेश्‍वर! जिं ग्‍वाहालिया निंतिं छितः प्रार्थना याना। अले छिं जितः लाय्‌कादिल।

हितोपदेश 20:30

म्‍हया घाःपालं नं मभिं तनावने फु।

यशैया 40:2

यरूशलेमया मनूतय्‌त साहस ब्‍यु। इमित धा, इमिसं ताःइलंनिसें सास्‍ती नयावयाच्‍वंगु दु। आः इमिगु पाप क्षमा जूगु दु, इमिगु पापया लागिं जिं इमित पूरा सजाँय बियागु दु।

यशैया 57:18

जिं इमिगु पहःचहः खनागु दु, अय्‌नं जिं इमित लंकाबी। जिं इमित यंके, अले हाकनं दुखं च्‍वनीपिन्‍त सान्‍त्‍वना बी।

यशैया 6:7

अले वं जिगु म्‍हुतुइ व हेंग्‍वामिं थीकाः थथे धाल, “स्‍व, थुकिं छंगु म्‍हुतुइ थ्‍यूगु दु। आः छंगु दोष हुयाछ्वये धुंकल अले छंगु पाप क्षमा जुल।”

दानिएल 9:24

“पाप व मभिंपाखे छिमिगु जाति व पवित्र शहरयात त्‍वःतकेत, पाप क्षमा यायेत व अधर्मया प्रायश्‍चित यायेत परमेश्‍वरं न्‍हयेगू वाः क्‍वछिनादीगु दु। उकिं दर्शन व अगमवाणी पूवनी व पवित्र देगः हानं अभिषेक जुइ।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

रोमी 4:25

झीत पापं छुतय् यायेत येशूयात स्‍याकेत लःल्‍हानादिल, अले झीत धर्मी ठहरय् यायेत हानं म्‍वाकादिल।

१ कोरिन्‍थी 15:3

धर्मशास्‍त्रय् च्‍वया तः थें ख्रीष्‍ट हे झीगु पापयागु निंतिं सिनादिल धकाः जितः धयादीगु तःधगुं खँ हे जिं छिमित कना बियागु खः।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

व्‍यवस्‍था 11:2

थौं छिमिसं लुमंकि, छिमि मस्‍तय्‌सं परमप्रभु छिमि परमेश्‍वरया अनुशासन, वय्‌कःया महिमा, बल्‍लाःगु ल्‍हाः व चक्‍कंगु लप्‍पू,

हिब्रू 10:10

थुकथं वय्‌कलं परमेश्‍वरयागु इच्‍छा पूवंकादिल। सदांयात गाक्‍क छकलं थःत हे बलि बियाः वय्‌कलं झीगु पाप मदय्‌का छ्वयादिल।

हिब्रू 10:14

पापं शुद्ध जूपिन्‍त वय्‌कलं छगू हे बलिदानं सदांया लागि सिद्ध यानादिल।

हिब्रू 5:8

परमेश्‍वरया काय् जुयाः नं वय्‌कलं थःम्‍हं स्‍यूगु दुःखकष्‍टं यानाः परमेश्‍वरयागु आज्ञा मानय् यायेगु सय्‌कादिल।

हिब्रू 9:28

अथे हे तःम्‍हय्‌सिगु पाप हुया छ्वयेत ख्रीष्‍ट नं छकः सिनादिल। वय्‌कः निक्‍वः खुसि नं झाइतिनि। उबलय् वय्‌कः पाप हुया छ्वयेत मखु, बरु वय्‌कःयागु लँ स्‍वयाच्‍वंपिन्‍त बचय् यायेत झाइ।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।