यशैया 53:10 - नेवाः बाइबल

¹⁰ वयात दुःखकष्‍ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।

यशैया 53:10 ပူးပေါင်းရင်းမြစ်များ

भजनसंग्रहया सफू 110:3

छिं थः शत्रुतलिसें लडाइँ याःगु दिनय् छिकपिनि मनूत छिगु हे इच्‍छां न्‍ह्यःने वनी। सुथ न्‍हापांया सुतिलः थें छिकपिनि ल्‍याय्‌म्‍हपिं पवित्र पहाडय् छिथाय् वइ।

भजनसंग्रहया सफू 147:11

तर परमप्रभु वय्‌कःया भय काइपिं खनाः अले वय्‌कःया सदां दइगु दया मायाय् भलसा काइपिं खनाः लय्‌तायादी।

भजनसंग्रहया सफू 149:4

परमप्रभु थः मनूत खनाः लय्‌ताः, वय्‌कलं क्‍वमिलुतय्‌त मुक्ति बियाः हनादी।

भजनसंग्रहया सफू 21:4

वं छिके जीवन फ्‍वन, अले छिं वयात जीवन बियादिल, छिं वयात ताःहकःगु आयु व गुबलें मफुइगु जीवन बियादिल।

भजनसंग्रहया सफू 22:30

लिपा वइपिं सन्‍तानतय्‌सं नं परमप्रभुयागु सेवा याइ। लिपा वइपिन्‍सं नं वय्‌कःयागु खँ न्‍यना काइ

भजनसंग्रहया सफू 22:31

बु हे मबूनिपिं मनूतय्‌त नं न्‍यंकी– “परमप्रभुं थः मनूतय्‌त बचय् यानादिल।”

भजनसंग्रहया सफू 69:26

छाय्‌धाःसा छिं सजाँय ब्‍यूम्‍हय्‌सित इमिसं लित्तुली। छिं घाःपाः याःम्‍हय्‌सिगु दुःखया बारे खँ ल्‍हाइ।

भजनसंग्रहया सफू 72:17

वयागु नां न्‍ह्याबलें लुमनाच्‍वनेमा। सूर्य दतले वयागु नां जायाच्‍वनेमा। फुक्‍क जातियापिन्‍सं वयापाखें परमेश्‍वरया आशिष कायेमा। सकसिनं वयात धन्‍य धायेमा।

भजनसंग्रहया सफू 72:7

वं राज्‍य यातले धर्मीत च्‍वन्‍ह्याना च्‍वनेमा। गुबलय् तक तिमिला दयाच्‍वनी, उबलय्‌तक शान्‍ति जुयाच्‍वनेमा।

भजनसंग्रहया सफू 89:29

जिं वया वंशयात न्‍ह्याबलें तयातये, अले आकाश दतले वयागु सिंहासन दयाच्‍वनी।

भजनसंग्रहया सफू 89:36

वयागु वंश न्‍ह्याबलें दयाच्‍वनी अले जिगु न्‍ह्यःने वयागु सिंहासन सूर्य थें दयाच्‍वनी।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

यशैया 46:10

शुरुंनिसें अन्‍त तक, व न्‍हापा पुर्खातय्‌गु इलंनिसें आः जू वइगु ई तकया खँ जिं छिमित सीकेबी। जिं धाये, जिगु योजना दया हे च्‍वनी जिं थःत यःकथं याये।

यशैया 49:4

तर जिं धया, “जिं सितिकं थाकुगु ज्‍या याना। जिं बलं यानागु ज्‍या सितिं वन। अय्‌नं जितः छु दयेमाःगु खः व परमप्रभुया ल्‍हातय् दु, उकिया इनाम जिमि परमेश्‍वरयाके हे दु।”

यशैया 53:12

अथे जुयाः जिं तःधंपिंनापं हे वयात नं छगू भाग बी, वं लाकाहःगु माल बल्‍लाःपिंनापं इनी। छाय्‌धाःसा वं थःगु जीवन पानाबिल, व पापीतनापं हे वयात ल्‍याः खात। वं यक्‍वसिगु पाप क्‍वबिल, व पापीतय्‌गु निंतिं स्‍वापु तइम्‍ह जुल।

यशैया 54:3

छाय्‌धाःसा छ अप्‍वयाः जवंखवं न्‍यनावनी, अले छिमि सन्‍तानतय्‌सं मेमेगु जातियात पितिनाछ्वइ, अले इपिं इमिगु झिजांमिजां दंगु शहरय् च्‍वनी।

यशैया 61:9

इमि सन्‍तानत जाति जातिया दथुइ, अले इमि मचाखाचातय्‌त मनूतय्‌गु दथुइ म्‍हसिइगु जुइ। इमित खंपिं सकसिनं ‘इपिं ला परमप्रभुपाखें सुवाः दुपिनि सन्‍तान खः’ धकाः स्‍वीकार याइ।”

यशैया 66:22

“गथे न्‍हूगु आकाश व न्‍हूगु पृथ्‍वी जिं दय्‌के, उपिं जिगु न्‍ह्यःने दयाच्‍वनी,” परमप्रभुं धयादी। “थुकथं छिमिगु नां व छिमि सन्‍तान ल्‍यनाच्‍वनी।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

यर्मिया 32:41

इमिगु भिं यायेगुलिइ हे जि लय्‌ताये, धात्‍थें हे जिं दुनुगलंनिसें न्‍ह्याबलेंयात इमित थ्‍व देशय् तये।

इजकिएल 33:11

उकिं छं इमित थथे धा, ‘गथे जि धात्‍थें म्‍वाःम्‍ह खः, जि, परमप्रभु परमेश्‍वर न्‍ववानागु दु, मभिंपिं मनूत सीगु खनाः जि लय्‌ताय् मखु, तर इमिसं थःगु मभिंगु पहःचहः त्‍वःताः इपिं म्‍वाःगु जितः स्‍वयेमास्‍ति वः। थःगु मभिंगु पहःचहः त्‍वःति! अय् इस्राएलया घराना छिपिं छाय् सीगु?’

इजकिएल 37:25

जिं जिम्‍ह दास याकूबयात बियागु देशय् इपिं च्‍वनी, अन इमि पुर्खात च्‍वनाच्‍वंगु खः। इपिं व इमि सन्‍तानत न्‍ह्याबलें अन च्‍वनी। जिम्‍ह दास दाऊद न्‍ह्याबलेंया निंतिं इमि शासक जुइ।

दानिएल 9:24

“पाप व मभिंपाखे छिमिगु जाति व पवित्र शहरयात त्‍वःतकेत, पाप क्षमा यायेत व अधर्मया प्रायश्‍चित यायेत परमेश्‍वरं न्‍हयेगू वाः क्‍वछिनादीगु दु। उकिं दर्शन व अगमवाणी पूवनी व पवित्र देगः हानं अभिषेक जुइ।

मीका 7:18

छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

सपन्‍याह 3:17

परमप्रभु छिमि परमेश्‍वर छनापं दु। वय्‌कः वचय् याये फुम्‍ह खः। वय्‌कः छनापं तस्‍सकं लय्‌ता। वय्‌कलं थःगु प्रेमय् छन्‍त शान्‍त याइ। अले छंगु कारणं ततःसलं म्‍ये हालाः वय्‌कः तसक्‍कं लय्‌ताइ।”

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

गन्‍ती 7:15

होमबलिया निंतिं छम्‍ह द्वहंचा, छम्‍ह भ्‍याःचा व छम्‍ह दच्‍छि दुम्‍ह चिधिकःम्‍ह भ्‍याःचा,

मत्ती 17:5

पत्रुसं थथे धयाच्‍वंबलय् तसकं थीगु सुपाँय् वयाः इमित त्‍वपुल। अले सुपाँय् दुनें थथे धयाहःगु सः ताये दत – “थ्‍व जि यःम्‍ह काय् खः। थ्‍व लिसे जि तसकं लय्‌तायागु दु। थ्‍वं धाःगु खँ न्‍यँ।”

मत्ती 3:17

अले स्‍वर्गं थथे धयाहल – “थ्‍व जि यःम्‍ह काय् खः, थ्‍व खनाः जि तसकं लय्‌ताः।”

लूका 1:33

वय्‌कः सदां याकूबया सन्‍तानतय् जुजु जुयादी। अले वय्‌कलं न्‍ह्याबलें न्‍ह्याबलें हे राज्‍य यानादी।”

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

यूहन्‍ना 12:24

जिं छिमित खःगु खँ धाये – छ्व चाय् लानाः ध्‍वमगीसा छगः हे जुयाच्‍वनी, चाय् लानाः ध्‍वगीसा जक यक्‍व छ्व सइ।

यूहन्‍ना 13:32

वयापाखें परमेश्‍वर तःधनिगुलिं परमेश्‍वरं वयात थःलिसे तःधंकादी, याकनं हे तःधंकादी।

रोमी 6:9

सिनाः हानं म्‍वानादी धुंकूम्‍ह ख्रीष्‍ट गुबलें हे सी मखुत धकाः झीसं स्‍यू। मृत्‍युं वय्‌कःयात गुबलें हे नं बुके फइ मखुत।

रोमी 8:32

सुनां थःकाय्‌यात हे ल्‍यंका मतसे झी सकसिगु निंतिं स्‍याकेत बियादीम्‍ह परमेश्‍वरं वय्‌कःया काय्‌पाखें झीत माःगु फुक्‍कं गथे बियामदी?

रोमी 8:8

शरीरयात यःथें यानाजुइपिं मनूतय्‌सं परमेश्‍वरयात लय्‌ताय्‌के फइ मखु।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

गलाती 3:13

येशू ख्रीष्‍टं व्‍यवस्‍थाया सरापं झीत मू पुलाः त्‍वःतकादिल। वय्‌कलं क्रूसय् यग्‍गानाः झीगु सराः थःम्‍हं फयादीगु दु। व्‍यवस्‍थाय् धयातःगु दु “सिँयागु थामय् यख्‍खाइम्‍हय्‌सित सराः लाइ।”

एफिसी 1:5

वय्‌कलं झीत माया यानाः येशू ख्रीष्‍टपाखें थःकाय्‌पिं यानादिल। वय्‌कलं थः यःकथं हे थथे यानादीगु खः।

एफिसी 1:9

ख्रीष्‍टपाखें पूवंकादीगु फुक्‍क गुप्‍ति ज्‍याखँ वय्‌कलं झीत सीके बियादिल।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

२ थेसलोनिकी 1:11

अय्‌जूगुलिं हे छिपिं झी परमेश्‍वरं सःतादी थें जुयाच्‍वने फयेमा, वय्‌कःयागु शक्तिं छिमिसं मतिइ तक्‍व भिंगु खँ व विश्‍वासयागु ज्‍या पूवंके फयेमा धकाः जिमिसं प्रार्थना यानाच्‍वनागु दु।

हिब्रू 2:13

अले थथे नं च्‍वयातःगु दु – “परमेश्‍वरयाके हे जिं भरोसा तयाच्‍वने।” अले थथे नं च्‍वयातःगु दु – “स्‍व, परमेश्‍वरं जितः बियादीपिं वय्‌कःया काय्‌म्‍ह्याय्‌पिं नाप जि च्‍वनाच्‍वनागु दु।”

हिब्रू 7:27

वय्‌कलं मेपिं दकलय् तःधंपिं पुजाहारीतय्‌सं थें न्‍हियान्‍हिथं थःगु व मेपिनिगु पापयागु निंतिं बलि बियाच्‍वने माःगु मदु, छाय्‌धाःसा थःत लः ल्‍हानादीबलय् हे वय्‌कः सदांया निंतिं छकलं बलिदान जुइ धुंकल।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

प्रकाश 1:18

जि म्‍वाःम्‍ह खः। जि सी धुनाम्‍ह जूसां आः जि न्‍ह्याबलें म्‍वाना च्‍वनीम्‍ह खः। मृत्‍यु व नरकया ताःचा जिके दु।