यशैया 52:8 - नेवाः बाइबल

⁸ ध्‍यान बियाः न्‍यँ! छिमि पाः च्‍वनाच्‍वंपिं पालेत लसतां थथे छसलं हाला हइ। परमप्रभु सियोनय् झाइबलय्, इमिसं व थःगु हे मिखां खनी।

यशैया 52:8 ပူးပေါင်းရင်းမြစ်များ

श्रेष्‍ठगीत 3:3

पिवाः च्‍वनीपिं सिपाइँत शहरय् चाहिला च्‍वंबलय् इमिसं जितः खन। जिं इमिके न्‍यना, “छु छिमिसं जिमि प्रिययात खनागु दु ला?”

श्रेष्‍ठगीत 5:7

शहरय् पिवाः च्‍वनीपिं सिपाइँतय्‌सं जितः नापलात, इमिसं जितः दाल अले घाःया घाः यानाबिल। शहरया पखलय् पिवाः च्‍वनीपिन्‍सं जिगु गाचा लाकायंकल।

यशैया 24:14

बचय्‌जूपिं लसतां म्‍ये हालाच्‍वनी। पच्‍छिमय् च्‍वनीपिन्‍सं परमप्रभुया तःधंगु महिमाया जयजय याइ!

यशैया 26:1

व दिंखुन्‍हु मनूतय्‌सं यहूदा देशय् थ्‍व भजन हाली। जिमिगु शहर बल्‍लाः, परमेश्‍वरं थुकिया अंगः व पःखाःयात उद्धार दय्‌कादी।

यशैया 27:2

व दिंखुन्‍हु, “फल सइगु छगू बांलाःगु दाखक्‍यबया बारे म्‍ये हा–

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

यशैया 35:10

अले परमप्रभुं मू पुलाः छुत्‍कारा यानादीपिं लिहां वइ। इपिं सियोनय् म्‍ये हा हां दुहां वनी। न्‍ह्याबलेंया लसता इमिगु छ्यंया श्रीपेच जुइ। इमिसं लसता व खुशी लुइकी, अले दुःखकष्‍ट व झसुका इपिंपाखें तापाक्‍क हे जुइ।

यशैया 40:9

हे भिंगु खँ हइम्‍ह सियोन, तज्‍जाःगु पर्वतय् थाहां हुँ, अले थ्‍व भिंगु खँ न्‍यंकि! हे भिंगु खँ हइम्‍ह यरूशलेम, ततःसलं हा, मग्‍यासें ततःसलं हा! अले यहूदाया शहरयात धा, “छिमि परमेश्‍वर झायाच्‍वंगु दु।”

यशैया 48:20

बेबिलोनं पिहां वा! बेबिलोनीतय्‌गु दथुं बिस्‍युं वा! लय्‌तातां तसलं थ्‍व खँ घोषणा या! पृथ्‍वीया कुन्‍चाय् थ्‍यंक च्‍वंपिन्‍त थ्‍व खँ न्‍यंकि! छिमिसं थथे धा, “परमप्रभुं थः दास याकूबयात त्‍वःतकादीगु दु।”

यशैया 56:10

इस्राएलया फुक्‍क पिवाःत कांपिं खः। इपिं फुक्‍कं ज्ञां मदुपिं खः। इपिं उइ मफुपिं खाखः खिचात थें खः। इपिं ग्‍वारातुली अले म्‍हगस खनी। इपिं द्येने जक मास्‍तिवय्‌काच्‍वनी।

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

यशैया 62:6

हे यरूशलेम! जिं छंगु पःखाःतय्‌के पाः च्‍वनीपिं तयागु दु, इपिं न न्‍हिनय् सुम्‍क च्‍वनी न चान्‍हय् हे सुम्‍क च्‍वनी। हे परमप्रभुयात सःतिपिं, आराम काये मते!

यर्मिया 31:12

इपिं वयाः सियोनया तज्‍जाःगु थासय् म्‍ये हाली। अले परमप्रभुया दयाया कारणं इपिं लय्‌ताइ। अन्‍न, न्‍हूगु दाखमद्य व चिकं, फैच्‍वलय्‌या मस्‍त व सा द्वहंया मस्‍तय्‌गु कारणं इपिं तसकं लय्‌ताइ। इमिगु जीवन लखं प्‍याःगु क्‍यब थें जुइ। इमित हाकनं गुबलें दुःख जुइ मखु।

यर्मिया 32:39

जिं इमिगु जीवनय् छगू हे मन व छगू हे बिचाः बी। अले इमिसं न्‍ह्याबलें थःगु भिं व थः सन्‍तानतय्‌गु भिंया निंतिं जिगु भय काइ।

यर्मिया 33:11

लसताः व खुसिया सः, भम्‍चा व जिलाजंया सः ताये दइ। अले परमप्रभुया देगलय् थथे धया सुभाय्‌या बलि हइपिनिगु सः ताये दइ, “‘दक्‍व शक्ति दुम्‍ह परमप्रभुयात सुभाय् ब्‍यु, छाय्‌धाःसा वय्‌कः भिंम्‍ह खः, वय्‌कःया दया सदां दयाच्‍वनी।’ “छाय्‌धाःसा जिं व देशयागु भिंगु दिं हाकनं लित बियाः न्‍हापायागु थें यानाबी,” परमप्रभुं धयादी।

यर्मिया 33:7

जिं यहूदा व इस्राएलयात कैदं लित हये। जिं इमित हाकनं न्‍हापा थें हे दय्‌के।

यर्मिया 6:17

जिं थथे धयाः छिमिगु लागि पालेत तया, ‘तुरहीया सः बांलाक न्‍यँ।’ तर छिमिसं धाल, ‘जिमिसं न्‍यने मखु।’

इजकिएल 3:17

“अय् सीमानिम्‍ह मनू, जिं छन्‍त इस्राएलया घरानाया पिवाः यानागु दु। उकिं जिं आः धयाच्‍वनागु खँ न्‍यँ, अले इमित जिगुपाखें ख्‍याच्‍वः ब्‍यु!

इजकिएल 33:7

“अय् सीमानिम्‍ह मनू, जिं छन्‍त इस्राएलया घरानाया पिवाः यानागु दु। उकिं जिं आः धयाच्‍वनागु खँ न्‍यँ, अले इमित जिगुपाखें ख्‍याच्‍वः ब्‍यु!

सपन्‍याह 3:9

“उबले देश देशयापिं मनूतय्‌गु म्‍हुतुसि शुद्ध यानाबी, गुकिं यानाः इपिं फुक्‍कसिनं परमप्रभुया नां कयाः छगू हे मन जुयाः वय्‌कःयागु सेवा यायेमा।

जकरिया 12:8

उखुन्‍हु हे परमप्रभुं यरूशलेमय् च्‍वंपिन्‍त रक्षा यानादी अले इपिं मध्‍ये तसकं बमलाःपिं दाऊद थें जुइ। दाऊदया घराना धाःसा परमेश्‍वर थें इमिगु न्‍ह्यःने वनाच्‍वंम्‍ह परमप्रभुया दूत थें जुइ।

प्रेरित 2:1

पेन्‍तिकोस नखःबलय् इपिं फुक्‍कं छथाय् मुनाच्‍वन।

प्रेरित 4:32

फुक्‍क विश्‍वासीतय्‌गु मन व नुगः छगू थें जू। अथे जूगुलिं सुनानं थ्‍व जिगु व छंगु धकाः मधासे फुक्‍कं मंकाः याना तल।

१ कोरिन्‍थी 1:10

यःपिं दाजुकिजापिं, झी प्रभु येशू ख्रीष्‍टया नामय् छिमित जिगु बिन्‍ति दु – छिपिं सकसिनं छगू हे खँ ल्‍हायेगु या। छिमिगु दथुइ ल्‍वापु मजुइमा बरु छिपिं फुक्‍कं मिलय् जुयाः छगू हे बिचाः व छगू हे मन जुयाच्‍वनेगु त्‍वःते मते।

१ कोरिन्‍थी 13:12

आः ला झीसं न्‍हाय्‌कनय् थें जक बुल्‍लुक खनाच्‍वना। अबलय् धाःसा झीसं चूलाक हे स्‍वये दइतिनि। आः ला जिं पूवंक मस्‍यूनि। अबलय् धाःसा परमेश्‍वरं जिगु खँ पूवंक स्‍यू थें तुं जिं नं पूवंक सी।

हिब्रू 13:17

छिमिसं मण्‍डलीया थकालिपिनिगु खँ न्‍यँ, अले इमिसं धाःथें च्‍वँ, छाय्‌धाःसा इमिसं थःगु ज्‍याया ल्‍याःचाः परमेश्‍वरयात क्‍यनेमाःगुलिं छिमित बांलाक हेरचाह याना तइ। इमित थःगु ज्‍या लसतां याकेब्‍यु, इमित नुगलय् स्‍याके मते। मखुसा छिमित हे बांलाइ मखु।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 19:4

अले नीप्‍यम्‍ह थकालिपिं व प्‍यम्‍ह जीवात्‍मा फुक्‍कसिनं भ्‍वसुलाः सिंहासनय् फ्‍यतुनादीम्‍ह परमेश्‍वरयात थथे धकाः आराधना यात – “आमेन, हल्‍लेलूयाह। प्रभुयागु नां तःधं जुयाच्‍वनेमा।”