यशैया 52:12 - नेवाः बाइबल

¹² अय्‌नं छिपिं हथाय् चाचां बिस्‍युं वनी मखु, छाय्‌धाःसा परमप्रभु छिमिगु न्‍ह्यः न्‍ह्यः झायादी, इस्राएलया परमेश्‍वरं छिमिगु ल्‍यूल्‍यू च्‍वनाः रक्षा यानादी।

यशैया 52:12 ပူးပေါင်းရင်းမြစ်များ

१ इतिहास 14:15

छं थाकुराः सिमाया च्‍वका च्‍वकां सिपाइँत न्‍यासि वंगु थें च्‍वंगु सः न्‍यनीबलय् हमला या, छाय्‌धाःसा जि परमेश्‍वर छंगु न्‍ह्यः न्‍ह्यः पलिश्‍ती सेनायात बुकेत वने।”

प्रस्‍थान 12:11

“छिमिसं थ्‍व ला नयेबलय् छिमिगु जँय् जँनी, तुतिइ लाकां व ल्‍हातिइ कथि दयेमाः। अले व हथासं नयेमाः। थ्‍व हे परमप्रभुया छुत्‍काराया नखः खः।

प्रस्‍थान 12:33

अले मिश्रीतय्‌सं इस्राएलीतय्‌त थत्‍थें देश त्‍वःताब्‍यु धकाः बिन्‍ति यात। इमिसं धाल, “मखुसा जिपिं फुक्‍कं सी।”

प्रस्‍थान 12:39

इमिसं सोडा मतसे हे मिश्रं ज्‍वनावःगु न्‍हायातःगु छ्वचुंया मरि छुल। मिश्रं हथासं पितछ्वयाहःगुलिं इमिसं न्‍हायातःगु छ्वचुंया मरि दय्‌के मलाःगु खः।

प्रस्‍थान 14:8

परमप्रभुं मिश्रया जुजु फारोया नुगः छाय्‌कादिल। उकिं वं इस्राएलीतय्‌त ल्‍यू वन, अय्‌नं इस्राएलीत मग्‍यासे वनाच्‍वन।

यशैया 26:7

परमप्रभु, छिं धर्मी मनूया लँपु माथं वंकादी, हे भिंम्‍ह, छिं हे धर्मी मनूयागु लँपु तप्‍यंकादी।

यशैया 28:16

अथे जुयाः परमप्रभुं धयादी, “स्‍व, जिं सियोनय् छग्‍वः ल्‍वहं तयागु दु, जाँचय् यानातःगु छग्‍वः ल्‍वहं, तसकं बल्‍लाःगु जगया निंतिं मदय्‌कं मगाःगु मू ल्‍वहं। थुकी विश्‍वास याइपिं सुनानं लज्‍या चाय् माली मखु।

यशैया 42:16

जिं जिमि कांपिं प्रजातय्‌त इपिं गुबलें मवंगु लँपुइ यंके। इमिसं मस्‍यूगु लँपुइ जिं इमित लँ क्‍यँक्‍यं यंके। जिं इमिगु निंतिं खिउँगुयात जलय् अले गाः वंगु थाय्‌यात माथं वंकाबी। थज्‍याःगु ज्‍या जिं याये। जिं इमित त्‍वःते मखु।

यशैया 45:2

जि छंगु न्‍ह्यः न्‍ह्यः वने, अले डाँडातय्‌त माथं वंकाबी। कँय्‌या ध्‍वाखात जिं कुचा कुचा थलाबी, अले नँयागु बालात चानाबी।

यशैया 49:10

इमित न नये मास्‍ति वइ न प्‍याः चाइ, न इमित मरुभूमिइ निभालं पुइ, छाय्‌धाःसा जिं इमित दयामाया याये अले ब्‍वनायंके। अले जिं इमित लः दुगु थासय् यंके।

यशैया 49:11

जिं जिगु फुक्‍क पर्वतयात माथंवंगु लँ दय्‌काबी, अले जिं जिगु मूलँयात तःजाय्‌के।

यशैया 51:14

ज्‍वनायंकूपिन्‍त याकनं त्‍वःतकीतिनि। झ्‍यालाखानाय् कुना तःपिं सी मखु, अले इमित नयेत्‍वनेगु छुं नं मगाःमचाः जुइ मखु।

यशैया 57:18

जिं इमिगु पहःचहः खनागु दु, अय्‌नं जिं इमित लंकाबी। जिं इमित यंके, अले हाकनं दुखं च्‍वनीपिन्‍त सान्‍त्‍वना बी।

यशैया 58:8

अले छिमिगु जः सुथय्‌सियागु थें पिहां वइ, अले छिपिं याकनं हे लनावनी। अनंलि छिमिगु धार्मिकता छिमिगु न्‍ह्यः न्‍ह्यः वनी, अले परमप्रभुया महिमा धाःसा छिमित रक्षा यायेत ल्‍यूल्‍यू वइ।

मीका 2:13

लँ दय्‌कादीम्‍ह इमिगु न्‍ह्यःने झाइ। इपिं ध्‍वाखा स्‍यंकाः पिने पिहांवनी। इमि जुजु इमिगु न्‍ह्यः न्‍ह्यः वनी। परमप्रभु इमिगु न्‍ह्यःने न्‍ह्यःने दइ।”

गन्‍ती 10:25

दक्‍वसिबय् लिपा दानया छाउनीया पुचः थःगु झण्‍डा ज्‍वनाः न्‍ह्यात। अम्‍मीशद्दैया काय् अहीएजेर इमि न्‍ह्यलुवाः खः।

व्‍यवस्‍था 16:3

व नापं सोडा दुगु मरि नये मते। न्‍हय्‌न्‍हु तक सोडा मतःगु मरि धाःसा नयेगु या, थ्‍व दुःखया मरि खः। छाय्‌धाःसा मिश्रं छिपिं हथाय् चाचां वःगु खः। मिश्रं पिहां वःगु छिमिसं जिवंकाछि लुमंका तयेत थ्‍व नयेमाःगु खः।

व्‍यवस्‍था 20:4

छाय्‌धाःसा परमप्रभु छिमि परमेश्‍वर हे छिमि शत्रुतलिसें ल्‍वानाः छिमित त्‍याकेत छिपिंनाप नापं झायादी।”

यहोशू 4:11

अले मनूत खुसिया उखे थ्‍यनेवं मनूतय्‌सं खंक हे पुजाहारीत नं परमप्रभुया सनूनापं खुसि छिनावन।

यहोशू 6:9

छपुचः सेना तुरही पुइपिं पुजाहारीतय्‌गु न्‍ह्यः न्‍ह्यः न्‍यासि वन, छपुचः सेना बाचा चिनादीगु सनूया ल्‍यूल्‍यू वन। पुजाहारीत फैया नेकूया तुरही पुपुं वनाच्‍वन।

न्‍यायकर्ता 4:14

अले दबोरां बाराकयात धाल, “हुँ थौं परमप्रभुं सीसरायात छंगु ल्‍हातय् बियादीगु दु। परमप्रभु छंगु न्‍ह्यःने झाःगु दु।” उकिं झिद्वः मनूत ज्‍वनाः बाराक तबोर डाँडां क्‍वहां वल।