यशैया 52:11 - नेवाः बाइबल

¹¹ हुँ, थनं हुँ, कैदं पिहां हुँ, छुं नं अशुद्धगु थलबल थी मते! हे परमप्रभुया थल ज्‍वनीपिं, अनं पिहां वा, अले थःत शुद्ध या!

यशैया 52:11 ပူးပေါင်းရင်းမြစ်များ

१ इतिहास 15:12

अले इमित थथे धाल, “छिपिं हे लेवीतय् परिवार परिवारयापिं नायःत खः। छिमिसं थःपिन्‍त व छिमि थःथितितय्‌त पवित्र या। अले परमप्रभु इस्राएलया परमेश्‍वरया बाचाया सनू जिं व तयेत दय्‌कागु थासय् हजि।

प्रस्‍थान 30:19

उकी हारून व वया काय्‌पिन्‍सं थथःगु ल्‍हाःतुति सिलेमाः।

यशैया 1:16

छिपिं थःम्‍हं थःत सिलाः शुद्ध या। जिं खनागु पाप ज्‍या छिमिसं यायेगु त्‍वःताछ्व। मभिंगु ज्‍याखँ त्‍वःति।

यशैया 48:20

बेबिलोनं पिहां वा! बेबिलोनीतय्‌गु दथुं बिस्‍युं वा! लय्‌तातां तसलं थ्‍व खँ घोषणा या! पृथ्‍वीया कुन्‍चाय् थ्‍यंक च्‍वंपिन्‍त थ्‍व खँ न्‍यंकि! छिमिसं थथे धा, “परमप्रभुं थः दास याकूबयात त्‍वःतकादीगु दु।”

यशैया 66:20

अले इमिसं फुक्‍क जाति-जातितपाखें छिमि फुक्‍क थः मनूत, सलत, रथत, खच्‍चरत, ऊँटतय्‌के क्‍वबिकाः जिगु पवित्र पर्वत यरूशलेमय् परमप्रभुया निंतिं बलि थें यानाः हइ,” परमप्रभुं धयादी। “इस्राएलया सन्‍तानतय्‌सं थःगु अन्‍नबलि शुद्धगु थलय् तयाः परमप्रभुया देगलय् हइगु थें इमिसं थुमित हइ।

यर्मिया 31:21

“हे इस्राएली कुमारी, छ वंगु लँय् थां व झण्‍डा धस्‍वाकि। छ वःगु लँय् चिं ति लिहां वा! थुपिं थःगु शहरय् लिहां वा!

यर्मिया 50:8

“बेबिलोनं बिस्‍युं हुँ! बेबिलोनीतय्‌गु देश त्‍वःति, अले थःगु बथांयात लँ क्‍यनीपिं दुगुचात थें जु!

यर्मिया 51:45

“हे जिमि मनूत, वयागु दथुं पिहां वा! सकलें थथःगु ज्‍यान बचय् यायेत ब्‍वाँय् हुँ! परमप्रभुयागु ग्‍यानापुगु तंपाखें बिस्‍युं हुँ!

यर्मिया 51:6

“बेबिलोनं बिस्‍युं हुँ! सकलें थथःगु ज्‍यान बचय् यायेत बिस्‍युं हुँ! वयागु पापया कारणं छिपिं नाश जुइ मते। थ्‍व जिगु बदला कायेगु ई खः, वय्‌कलं वयात वं फयेमाःगु सजाँय बियादी।

इजकिएल 44:23

इमिसं जिगु प्रजायात पवित्र व साधारण छु पाः व स्‍यनेमाः अले इमित शुद्ध व अशुद्ध छुतय् यायेगु स्‍यनेमाः।

लेवी 10:3

अले मोशां हारूनयात धाल, “परमप्रभुं धयादीगु खँ थ्‍व हे खः, “‘जिगु न्‍ह्यःने वइपिंपाखें जिं जिगु पवित्रता क्‍यने। जिं फुक्‍क मनूतय्‌गु न्‍ह्यःने थःगु महिमा क्‍यने।’” हारून सुम्‍क च्‍वन।

लेवी 11:45

छाय्‌धाःसा जि छिमि परमेश्‍वर जुइत छिमित मिश्रंनिसें हयाम्‍ह परमप्रभु जि हे खः। उकिं छिपिं पवित्र जुइमाः, छाय्‌धाःसा जि पवित्र खः।

लेवी 11:47

छिमिसं शुद्ध व अशुद्ध, अले नये ज्‍यूपिं व नये मज्‍यूपिं प्राणीत पाःगु म्‍हसीकेमाः।’”

लेवी 21:6

थः परमेश्‍वरया निंतिं इपिं पवित्र जुइमाः, अले थः परमेश्‍वरया नां अशुद्ध मयायेमाः। छाय्‌धाःसा इमिसं विशेष देछा, परमेश्‍वरया नसा होमबलि छाइगु खः। उकिं इपिं पवित्र जुइमाः।

जकरिया 2:10

“अय् म्‍ह्याय् सियोन, तसलं म्‍ये हालाः न्‍ह्यइपुकि! छाय्‌धाःसा जि वयाच्‍वनागु दु, अले जि छिमिगु दथुइ च्‍वने” धकाः परमप्रभुं धयादी।

जकरिया 2:11

“उखुन्‍हु यक्‍व जातित परमप्रभुलिसे मिलय् जुइ अले जिम्‍ह मनूत जुइ। जि छिमिगु हे दथुइ च्‍वने। थुकिं यानाः छिमिसं दक्‍व शक्ति दुम्‍ह परमप्रभुं हे जितः छिमिथाय् छ्वयाहयादीगु खः धकाः सी।

गन्‍ती 16:26

खलःयात वं ख्‍याच्‍वः बिल, “थुपिं मभिंपिं मनूतय्‌गु पालपाखें तापाक्‍क च्‍वँ। अले इमिगु छुं नं थी मते, मखुसा इमिगु पापया हुनिं छिपिं नं मदयावनी।”

गन्‍ती 19:11

“सीम्‍ह थ्‍यूम्‍ह मनू न्‍हय्‌न्‍हु तक अशुद्ध जुइ।

गन्‍ती 19:16

“हानं सुं मनुखं पिने तरवारं स्‍याःम्‍ह मनू वा थःगु कालगतिं सीम्‍ह मनूयात थिल धाःसा वा सीम्‍हयागु क्‍वँय् वा सीगाः थिल धाःसा व न्‍हय्‌न्‍हु तक अशुद्ध जुइ।

गन्‍ती 8:6

“इस्राएलीत मध्‍ये लेवीतय्‌त कयाः विधिकथं शुद्ध या।

प्रेरित 10:14

वं धाल – “अथे जुइ मखु, प्रभु। जिं ला गुबलें हे शुद्ध मजूगु व नये मज्‍यूगु मनयानि।”

प्रेरित 10:28

अले वं इमित धाल – “छम्‍ह यहूदी जुयाः मेगु जातियापिन्‍थाय् वनाः इपिंनापं संगत याये मज्‍यू धयागु खँ ला छिकपिन्‍सं सि हे स्‍यू। अय्‌नं परमेश्‍वरं जितः सुं मनूयात शुद्ध मजू व थीमज्‍यूपिं धाये मते धकाः धयादिल।

रोमी 14:14

प्रभु येशूयात विश्‍वास यानागुलिं छुं नं नसा थः हे अशुद्ध धयागु मदु धकाः जिं बांलाक थुइकाः सीका तयागु दु। सुनानं थ्‍व अशुद्ध खः धकाः बिचाः याःसा वयात व अशुद्ध हे जुइ।

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

एफिसी 5:11

खिउँथाय् जुयाच्‍वंपिनिगु ज्‍याखं तापाक हे च्‍वँ, बरु इमिसं यानाच्‍वंगु ज्‍या मभिं धकाः क्‍यनाब्‍यु।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।

प्रकाश 18:4

अले जिं स्‍वर्गं थथे धयाहःगु मेगु सः ताल – “जि यःपिं मनूत, वयाथासं पिहां वा। मवल धाःसा छिमिसं नं व नाप व्‍यभिचार याइ। वलिसे पाप याये मते, मखुसा छिमिसं वलिसे तुं सजाँय फयेमाली।