यशैया 52:10 - नेवाः बाइबल

¹⁰ फुक्‍क जातितय्‌त परमप्रभुं थःगु पवित्र ल्‍हाःया शक्ति क्‍यनादीगु दु। पृथ्‍वीया कुंकुलामय् च्‍वंपिन्‍सं नं झी परमेश्‍वरया उद्धार खनी।

यशैया 52:10 ပူးပေါင်းရင်းမြစ်များ

अय्‍यूब 40:9

छंगु लप्‍पा परमेश्‍वरयागु लप्‍पा थें च्‍वं ला? वय्‌कःया सः थें छ तसलं हाले फु ला?

भजनसंग्रहया सफू 22:27

फुक्‍क जातियापिन्‍सं वय्‌कःयात लुमंकी, अले परमप्रभुयाथाय् वइ। फुक्‍क जातिया मनूतय्‌सं वय्‌कःयात भागि याइ।

भजनसंग्रहया सफू 67:2

छिगु लँपुइ पृथ्‍वीइ च्‍वंपिं फुक्‍कं जुइफयेमा। छिगु उद्धारया शक्ति फुक्‍क जातियापिन्‍सं सीमा।

यशैया 11:9

इमिसं जिगु फुक्‍क पवित्र पर्वतय् छुं नं स्‍यंके फइ मखु, अले छुं मभिंगु खँ नं अन दइ मखु, छाय्‌धाःसा समुद्र लखं जाः थें पृथ्‍वी परमप्रभुया ज्ञानं जाइ।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 30:30

तसकं तं पिकयाः, भस्‍म याइगु मित्‍याः, नं न्‍याःगु सः व ग्‍वःफय् अले प्‍वँनापं परमप्रभुं मनूतय्‌त थःगु तःजिगु शक्तिया सः न्‍यंकेत अले थःगु ब्‍वहःया जलं खंके बियादी।

यशैया 33:13

अय् तापाक्‍क च्‍वंपिं मनूत, जिं छु यानागु दु न्‍यँ! अय् लिक्‍क च्‍वंपिं, जिगु शक्तियात नाला का!”

यशैया 40:5

अनंलि परमप्रभुया महिमा खने दइ, संसारया फुक्‍क मनूतय्‌सं छक्‍वलं व खनी, छाय्‌धाःसा परमप्रभुया म्‍हुतुं हे थथे धयादीगु खः।”

यशैया 45:22

“जिपाखे फःहिला वा, अले बचय् जु, हे पृथ्‍वीया कुन्‍चाय् थ्‍यंक च्‍वंपिं फुक्‍क मनूत, छाय्‌धाःसा जि हे परमेश्‍वर खः, जि बाहेक मेपिं सुं नं मदु।

यशैया 48:20

बेबिलोनं पिहां वा! बेबिलोनीतय्‌गु दथुं बिस्‍युं वा! लय्‌तातां तसलं थ्‍व खँ घोषणा या! पृथ्‍वीया कुन्‍चाय् थ्‍यंक च्‍वंपिन्‍त थ्‍व खँ न्‍यंकि! छिमिसं थथे धा, “परमप्रभुं थः दास याकूबयात त्‍वःतकादीगु दु।”

यशैया 49:6

वय्‌कलं थथे धयादी, “याकूबया मनूतय्‌त हाकनं थापं यायेत व इस्राएलयापिं ल्‍यंदुपिं फुक्‍क लित हयेत छ जिमि दास जुइगु खँ चिचाधंगु खँ खः ला? पृथ्‍वीयागु कुन्‍चाय् कुन्‍चाय् तक जिं जिगु उद्धार थ्‍यनेमा धकाः यहूदीमखुपिनिगु निंतिं जिं छन्‍त जः नं दय्‌काबी।”

यशैया 51:9

छुं यानादिसँ! हे परमप्रभु, जिमित ग्‍वाहालि यानादिसँ, अले थःगु शक्ति छ्यलाः जिमित बचय् यानादिसँ, पुलांगु इलय् थें अले न्‍हापाया पुस्‍तातय्‌गु इलय् थें छुं यानादिसँ। छु छि व हे मखु ला, गुम्‍हय्‌सिनं समुद्रया अजिङ्‌गर राहाबयात कुचा कुचा थलादिल अले व अजिङ्‌गरयात सुयाबिल।

यशैया 53:1

झीगु बुखँय् सुनां विश्‍वास याःगु दु? परमप्रभुया बल्‍लाःगु ल्‍हाःया शक्ति सुयात क्‍यन?

यशैया 59:16

परमप्रभुं क्‍वत्‍यलातःपिन्‍त ग्‍वाहालि याइपिं सुं नं मखन। अले वय्‌कः दथुइ च्‍वनाः बिन्‍ति याइम्‍ह सुं छम्‍ह नं मखंगुलि अजू चायादिल। अनंलि वय्‌कःया थःगु हे जव ल्‍हातं इमित उद्धार यानादिल, अले वय्‌कःयागु हे धार्मिकतां इमित बचय् यानादिल।

यशैया 62:1

यरूशलेमया धार्मिकता सुथ न्‍हापांया जः थें खनेमदुतले, अले वयागु मुक्ति च्‍यानाच्‍वंगु मिप्‍वाःया जः थें खनेमदुतले, सियोनया निंतिं जि सुम्‍क च्‍वने मखु। यरूशलेमया निंतिं जि सुम्‍क च्‍वने मखु।

यशैया 63:5

जिं स्‍वया, तर ग्‍वाहालि याइपिं सुं नं मखना। ग्‍वाहालि याइपिं सुं नं मखना जि अजू चाया। अथे जुयाः जिगु थःगु हे बल्‍लाःगु ल्‍हातं जिगु उद्धार याना, अले जिगु तमं जितः थामय् यात।

मीका 5:4

वय्‌कलं परमप्रभुयागु शक्तिं थः परमप्रभु परमेश्‍वरया नांया गौरवय् दनाः थः बथांयात ज्‍वयादी। अले इपिं सुरक्षित जुयाच्‍वनी, छाय्‌धाःसा पृथ्‍वीया तातापाःगु थासय् तक वय्‌कःयात इज्‍जत याइ।

लूका 2:30

जिं थःगु हे मिखां थौं छिं संसारय् च्‍वंपिन्‍त बियादीम्‍ह मुक्तिदातायात खने धुन।

लूका 3:6

अले तिनि दक्‍व मनूतय्‌सं परमेश्‍वरयागु मुक्ति खनी।’”

प्रेरित 13:47

छाय्‌धाःसा थथे या धकाः प्रभुं हे जिमित धयादीगु दु – “‘जिं छिमित यहूदीमखुपिन्‍थाय् जः ह्वलेत, अले संसारयात मुक्तियागु लँ क्‍यनेत छ्वयाच्‍वना।’”

यहोशू 4:24

पृथ्‍वीइ च्‍वंपिं फुक्‍क मनूतय्‌सं परमप्रभुया ल्‍हाः बल्‍ला धकाः सीमा अले छिमिसं न्‍ह्याबलें परमप्रभु छिमि परमेश्‍वरयागु ग्‍याःचिकु कायेमा धकाः थ्‍व फुक्‍क जूगु खः।”

प्रकाश 14:6

अले छम्‍ह स्‍वर्गदूत आकाशं आकाशं ब्‍वया जूगु जिं खना। वं पृथ्‍वीइ च्‍वंपिं फुक्‍क जातियापिं मनूतय्‌त, कुलयापिं मनूतय्‌त, थीथी भाषां नवाइपिं मनूतय्‌त, व देश देशयापिं मनूतय्‌त न्‍यंकेत न्‍ह्याबलें दयाच्‍वनीगु भिंगु खँ ज्‍वना वयाच्‍वंगु दु।

प्रकाश 15:4

हे परमप्रभु, सु जक छि खनाः मग्‍याइ? सुनां जक छिगु नांयात तःधं धकाः मानय् मयाइ? छि हे जक पवित्रम्‍ह खः। छिगु पाय्‌छिगु बिचाः व न्‍याय फुक्‍कसिनं सी धुंकूगुलिं फुक्‍क जातित छिथाय् छितः आराधना यायेत वइ।”