यशैया 52:1 - नेवाः बाइबल

¹ दँ, दँ, हे सियोन! छं बल व शक्तियात लं थें फ्‍यु! हे पवित्र शहर, यरूशलेम, थःगु महिमां जाःगु वसः फ्‍यु। थनिंनिसें म्‍हय् चिं मतःपिं व अशुद्धपिं छन्‍थाय् दुहां वइ मखु।

यशैया 52:1 ပူးပေါင်းရင်းမြစ်များ

१ इतिहास 16:29

परमप्रभुया नांयात तःधंकेत वय्‌कःया प्रशंसा या, देछा ज्‍वनाः वय्‌कःया देगलय् वा। पवित्रतां झःझः धाय्‌कः परमप्रभुया आराधना या।

नहेम्‍याह 11:1

इस्राएलीयापिं नायःत यरूशलेमय् च्‍वन। मेपिं मनूतय्‌सं चिट्ठा तयाः झिम्‍हय् छम्‍ह मनू पवित्र शहर यरूशलेमय् वना च्‍वनेत ल्‍यल। मेपिं मनूत मेमेगु शहर व गामय् च्‍वन।

भजनसंग्रहया सफू 110:3

छिं थः शत्रुतलिसें लडाइँ याःगु दिनय् छिकपिनि मनूत छिगु हे इच्‍छां न्‍ह्यःने वनी। सुथ न्‍हापांया सुतिलः थें छिकपिनि ल्‍याय्‌म्‍हपिं पवित्र पहाडय् छिथाय् वइ।

प्रस्‍थान 28:2

छं छिमि दाजु हारूनया निंतिं पवित्रगु वसः दय्‌कि। उकिं वयात इज्‍जत बी अले बांलाकी।

प्रस्‍थान 28:40

“छं हारूनया काय्‌पिनिगु निंतिं जामालं, बेतालि व जँनी दय्‌कि। उकिं इमित इज्‍जत बी अले बांलाकी।

यशैया 1:21

स्‍वःसा, विश्‍वास याये बहःजूगु शहर आः गथे छम्‍ह वेश्‍या थें जुल! न्‍याय व धार्मिकतां जाःगु शहर तर आः स्‍याइपालिपिन्‍सं जाःगु दु!

यशैया 1:26

जिं छिमि न्‍यायकर्तातय्‌त न्‍हापा थें अले छिमित सल्‍लाह बीपिन्‍त नं दकलय् न्‍हापा थें हे लिफ्‍यानाहये। अनंलि छन्‍त ‘धार्मिकताया शहर’ व ‘विश्‍वास याये बहःगु शहर’ धकाः धाइ।”

यशैया 26:2

शहरय् च्‍वंगु मू ध्‍वाखा चाय्‌कि अले पाय्‌छिगु ज्‍या याइपिं विश्‍वासी जातित अन दुहां वनेमा।

यशैया 35:8

अन छपु मू लँ दइ, वयात पवित्रताया लँ धकाः धाइ। सुं अशुद्धपिं अनं जुयाः वनी मखु। तर व लँ इमिगु निंतिं जक जुइ गुम्‍ह अनं जुयाः वंगु दु। दुष्‍टत व मूर्खत अनं वने दइ मखु।

यशैया 4:3

सियोनय् त्‍वःताथकूपिं व यरूशलेमय् ल्‍यनाच्‍वंपिं अथे धइगु यरूशलेमय् च्‍वंपिं धकाः नां च्‍वयातःपिं फुक्‍कसित पवित्रपिं मनूत धकाः धाइ।

यशैया 48:2

छिमिसं थःपिं पवित्र शहरया नागरिक खः धकाः धाइ अले इस्राएलया परमेश्‍वरयाके भलसा तइ। वय्‌कःया नां दक्‍व शक्ति दुम्‍ह परमप्रभु खः।

यशैया 49:18

छंगु मिखा ब्‍वयाः चाकःछिं स्‍व। छिमि काय्‌पिं फुक्‍क छन्‍थाय् मूंवइ। परमप्रभुं थथे घोषणा यानादी, धात्‍थें जि म्‍वाःम्‍ह खः थें, छं इमित तिसायात थें पुनी, छं इमित भम्‍चायात थें समाः याइ।

यशैया 51:17

अय् यरूशलेम, दनाः वा, छ गुम्‍हय्‌सिनं परमप्रभुया ल्‍हाःपाखें वय्‌कःया तंया ख्‍वलां त्‍वंगु दु, अले धेधेचुइकीगु ख्‍वलापाखें सुचुक्‍क त्‍वंगु दु, न्‍ह्यलं चाय्‌कि, न्‍ह्यलं चाय्‌कि!

यशैया 51:9

छुं यानादिसँ! हे परमप्रभु, जिमित ग्‍वाहालि यानादिसँ, अले थःगु शक्ति छ्यलाः जिमित बचय् यानादिसँ, पुलांगु इलय् थें अले न्‍हापाया पुस्‍तातय्‌गु इलय् थें छुं यानादिसँ। छु छि व हे मखु ला, गुम्‍हय्‌सिनं समुद्रया अजिङ्‌गर राहाबयात कुचा कुचा थलादिल अले व अजिङ्‌गरयात सुयाबिल।

यशैया 60:1

“हे यरूशलेम दँ! छाय्‌धाःसा छंगु जः वये धुंकल! अले परमप्रभुया महिमा छंके खनेदः वःगु दु।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

यशैया 64:10

छिगु पवित्र शहरत मरुभूमि जूगु दु, सियोननापं मरुभूमि जूगु दु अले यरूशलेम नाश जूगु दु।

यर्मिया 31:23

दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “जिं थः मनूतय्‌त थःगु देशय् लित हयेबलय् इमिसं हाकनं छकः यहूदा देश व उकिया शहरय् हाकनं थथे धाइ, ‘परमप्रभुं थः च्‍वनीगु यरूशलेमया पवित्र डाँडायात सुवाः बियादीमा।’

इजकिएल 44:9

परमप्रभु परमेश्‍वरं थथे धयादी – मनय् व म्‍हय् निगुलिं चिं मतःपिं विदेशीत व इस्राएलीतय्‌गु दथुइ तन व मन निगुलिं खतना मजूपिं विदेशी सुं नं जिगु पवित्र थासय् दुहां वये मज्‍यू।

दानिएल 10:9

अले जिं व न्‍ववानाच्‍वंगु सः ताल। जिं वयागु सः न्‍यनेवं स्‍याक्‍क न्‍ह्यः वयाः जि बँय् भ्‍वसुल।

योएल 3:17

“अले पवित्र पर्वत सियोनय् च्‍वनीम्‍ह परमप्रभु छिमि परमेश्‍वर जि हे खः धकाः छिमिसं सीका काइ। अले यरूशलेम पवित्र जुइ, विदेशीतय्‌सं हानं गुबलें थन हमला याःवइ मखु।

नहूम 1:15

स्‍व, पहाड पहाडय् भिंगु खँ न्‍यंकीम्‍ह व शान्‍तिया खँ घोषणा याइम्‍हय्‌सिगु पलाः दु। हे यहूदा, छं थःगु नखःचखः हँ, थःगु भाकल पूवंकि। छाय्‌धाःसा आः गुबलें दुष्‍टतय्‌सं हमला याइ मखुत, इपिं भज्‍यंक नाश जुइ।

हाग्‍गै 2:4

परमप्रभुं धयादी, ‘हे यरूबाबेल, साहस या! हे यहोसादाकया काय्, दकलय् तःधंम्‍ह पुजाहारी यहोशू, साहस या!’ परमप्रभुं धयादी, ‘देशय् दक्‍व मनूत साहस यानाः ज्‍या न्‍ह्याकि। छाय्‌धाःसा जि छिपिंलिसे दु,’ दक्‍व शक्ति दुम्‍ह परमप्रभुं घोषणा यानादी।

जकरिया 3:4

थःगु न्‍ह्यःने दनाच्‍वंपिन्‍त दूतं धाल, “वया फोहरगु वसः त्‍वःकि।” अले वं यहोशूयात धाल, “स्‍व, जिं छंगु पाप चीकाछ्वयागु दु, अले जिं छन्‍त मू वंगु वसः फीकाबी।”

मत्ती 4:5

शैतानं हानं वय्‌कःयात पवित्रगु शहरय् यंकल, अले देगः च्‍वकाय् यंकाः थथे धाल –

लूका 15:22

“तर अबुम्‍हय्‌सिनं च्‍यःतय्‌त सःताः थथे धाल – ‘याकनं हे दकलय् बांलाःगु वसः हयाः वयात पुंकि। वयागु पतिनय् अंगू नं न्‍ह्याकाः ब्‍यु। अले तुतिइ लाकां नं न्‍ह्याकाः ब्‍यु।

रोमी 13:14

थथे मयासें बरु न्‍ह्यागु याःसां प्रभु येशू ख्रीष्‍टयात यय्‌क जक याना च्‍वँ। थः यःथें जक याना जुइ मते।

रोमी 3:22

येशू ख्रीष्‍टयात विश्‍वास याक्‍वसित परमेश्‍वरं धर्मी ठहरय् यानादी, छाय्‌धाःसा वय्‌कलं यहूदी व यहूदीमखुपिं धकाः पाकादी मखु।

एफिसी 4:24

परमेश्‍वरयात यःकथं जुयाः वय्‌कःया न्‍ह्यःने धर्मी ठहरय् जुयाः अले पवित्र जुयाः छिपिं परमेश्‍वरं दय्‌कादीपिं न्‍हूपिं मनूत जुयाच्‍वँ।

एफिसी 5:14

छाय्‌धाःसा जलय् वल कि जलं खइ। उकिं थथे नं च्‍वयातःगु दु – “अय् न्‍ह्यःगुलु दँ, सीपिं म्‍वाना वा। अले ख्रीष्‍ट येशूं छिमित जः बियादी।”

एफिसी 6:10

पौ क्‍वचाय्‌के न्‍ह्यः जिं छिमित धाये – प्रभुयात विश्‍वास यानाः छिपिं वय्‌कःयागु शक्तिं बल्‍लाना च्‍वँ।

प्रकाश 11:2

देगः पिने च्‍वंगु चुकय् धाःसा नापय् याये मते, छाय्‌धाःसा व ला यहूदीमखुपिन्‍त बी धुन। इमिसं थ्‍व पवित्रगु शहरयात पिइनिला तक न्‍हुत्तुन्‍हुया तइ।

प्रकाश 19:14

यचुसे च्‍वंगु, तुयुगु, बांलाःगु सुति वसतं पुनातःपिं स्‍वर्गय् च्‍वंपिं तुयुगु सल गया च्‍वंपिं सिपाइँत फुक्‍कं वय्‌कःया ल्‍यूल्‍यू जुल।

प्रकाश 19:8

वयात तसकं प्‍वाला प्‍वाला थीगु, यचुसे च्‍वंगु, बांलाःगु सुति कापतं पुंका तःगु दु।” (बांलाःगु सूती कापः विश्‍वासीतय्‌गु बांलाःगु भिंगु ज्‍याखँ खः।)

प्रकाश 21:2

न्‍हूगु पवित्रगु यरूशलेम शहर स्‍वर्गं परमेश्‍वरपाखें क्‍वहां वयाच्‍वंगु जिं खना। थ्‍वयात बिया छ्वयेत्‍यंम्‍ह भम्‍चायात थें समाः यानातःगु दु।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।