यशैया 51:9 - नेवाः बाइबल

⁹ छुं यानादिसँ! हे परमप्रभु, जिमित ग्‍वाहालि यानादिसँ, अले थःगु शक्ति छ्यलाः जिमित बचय् यानादिसँ, पुलांगु इलय् थें अले न्‍हापाया पुस्‍तातय्‌गु इलय् थें छुं यानादिसँ। छु छि व हे मखु ला, गुम्‍हय्‌सिनं समुद्रया अजिङ्‌गर राहाबयात कुचा कुचा थलादिल अले व अजिङ्‌गरयात सुयाबिल।

यशैया 51:9 ပူးပေါင်းရင်းမြစ်များ

अय्‍यूब 26:12

थःगु शक्तिं वय्‌कलं समुद्रयात शान्‍त यानादिल, अले थःगु दुग्‍यानं तःधिकःम्‍ह समुद्री जन्‍तुयात कुचा कुचा यानादिल।

अय्‍यूब 9:13

परमेश्‍वरं थःगु तं क्‍वलाकादी मखु, राहाबया ग्‍वाहालिमितय्‌सं वय्‌कःया न्‍ह्यःने छ्यं क्‍वछुकी।

भजनसंग्रहया सफू 21:13

हे परमप्रभु! छिगु तःधंगु शक्तिया निंतिं जिमिसं छिगु प्रशंसा याये। छिगु शक्तियात तःधंकाः जिमिसं भजन हाले।

भजनसंग्रहया सफू 44:1

हे परमेश्‍वर, छिं यक्‍व न्‍हापा जिमि पुर्खातय्‌गु पालय् यानादीगु खँ इपिंपाखें जिमिसं थःगु हे न्‍हाय्‌पंनं न्‍यनागु दु।

भजनसंग्रहया सफू 44:2

छिं थःगु हे शक्तिं जाति जातियापिं मनूतय्‌त पितिनाः इमिगु थासय् जिमि पुर्खातय्‌त तयादिल। छिं इमि शत्रुतय्‌त क्‍वत्‍यलाः इमित ब्‍वलंकादिल।

भजनसंग्रहया सफू 44:23

हे परमप्रभु दनादिसँ! छि छाय् द्यनाच्‍वनादिया? दनादिसँ! जिमित सदांया लागि त्‍वःतादी मते।

भजनसंग्रहया सफू 44:24

छाय् छिं मेखेपाखे स्‍वयादियागु? अले जिमित जूगु दुःख व सास्‍ती छाय् ल्‍वःमंकादियागु?

भजनसंग्रहया सफू 59:4

जिं छुं अपराध यानागु मदुसां इपिं जितः हय्‌क्‍काःवयेत तयार जुयाच्‍वंगु दु। हे परमप्रभु, जितः बचय् यायेत दनादिसँ। जितः जुयाच्‍वंगु दुःख स्‍वयादिसँ।

भजनसंग्रहया सफू 7:6

हे परमप्रभु, दनाः थःगु तं क्‍यनादिसँ। जिमि शत्रुतय्‌गु तंया विरोधय् दनादिसँ। हे परमेश्‍वर, न्‍ह्यलं चाय्‌कादिसँ, अले न्‍याय यानादिसँ।

भजनसंग्रहया सफू 77:5

जिं वने धुंकूगु खँ लुमंके, यक्‍व न्‍हापाया दिंया खँ।

भजनसंग्रहया सफू 78:65

अले परमप्रभु न्‍ह्यलं दंम्‍ह थें दनादिल। वय्‌कः दाखमद्यं काःम्‍ह मनू थें दनादिल।

भजनसंग्रहया सफू 87:4

“जिगु आज्ञा पालन याइगु देशतय्‌गु धलखय् मिश्र व बेबिलोनया नां नं दइ। पलिश्‍त, टुरोस व कूशयापिं मनूतय्‌त यरूशलेमयापिं मनूतलिसें ल्‍याः खाइ।”

भजनसंग्रहया सफू 89:10

छिं हे तःधिकःम्‍ह समुद्रया जन्‍तुयात काच्‍याक कुचुक यानादिल, छिं थः शत्रुतय्‌त थःगु ल्‍हाःया बलं छ्यालब्‍याल यानादिल।

भजनसंग्रहया सफू 89:11

आकाश व पृथ्‍वी छिगु हे खः, संसार व उकी दुगु फुक्‍क छिं हे दय्‌कादीगु खः।

भजनसंग्रहया सफू 93:1

परमप्रभु जुजु खः। वय्‌कलं बल व गौरवया वसः फिनादीगु दु। पृथ्‍वीयागु जग बल्‍लाः व गुबलें लिगिलिगि सनी मखु।

प्रस्‍थान 6:6

“उकिं इस्राएलीतय्‌त धा, ‘जि परमप्रभु खः। जिं छिमित मिश्रीतय्‌गु दासत्‍वं पित हये। जिं थःगु ल्‍हाः ल्‍ह्वनाः इमित तःधंगु सजाँय बियाः छिमित बचय् याये।

यशैया 27:1

व दिंखुन्‍हु, परमप्रभुं थःगु ग्‍यानापुगु, तच्‍वःगु शक्तिं व तच्‍वकं ज्‍वःगु तरवारं सुल्‍ल न्‍ह्याइम्‍ह व हितु हीम्‍ह सर्प लिव्‍यातन्‌यात सजाँय बियादी, अले व समुद्रया तःधिकःम्‍ह अजिङ्‌गरयात स्‍यानादी।

यशैया 30:7

मिश्र देशं याइगु ग्‍वाहालि तसकं हे सितिं वंगु खः। अथे जुयाः जिं वयात छुं नं याइ मखुम्‍ह राहाब धयागु दु।

यशैया 51:17

अय् यरूशलेम, दनाः वा, छ गुम्‍हय्‌सिनं परमप्रभुया ल्‍हाःपाखें वय्‌कःया तंया ख्‍वलां त्‍वंगु दु, अले धेधेचुइकीगु ख्‍वलापाखें सुचुक्‍क त्‍वंगु दु, न्‍ह्यलं चाय्‌कि, न्‍ह्यलं चाय्‌कि!

यशैया 51:5

जिगु दया व न्‍याय याकनं हे लिक्‍क थ्‍यंगु दु। जिगु उद्धार लँपुइ हे दु, जिगु बल्‍लाःगु ल्‍हातं जाति-जातितय्‌गु निंतिं न्‍याय हये। तातापाक्‍क च्‍वंगु फुक्‍क देशं जिके मिखा ब्‍वयाच्‍वनी, अले जिगु बल्‍लाःगु ल्‍हातय् आशा तयाः पियाच्‍वनी।

यशैया 52:1

दँ, दँ, हे सियोन! छं बल व शक्तियात लं थें फ्‍यु! हे पवित्र शहर, यरूशलेम, थःगु महिमां जाःगु वसः फ्‍यु। थनिंनिसें म्‍हय् चिं मतःपिं व अशुद्धपिं छन्‍थाय् दुहां वइ मखु।

यशैया 52:10

फुक्‍क जातितय्‌त परमप्रभुं थःगु पवित्र ल्‍हाःया शक्ति क्‍यनादीगु दु। पृथ्‍वीया कुंकुलामय् च्‍वंपिन्‍सं नं झी परमेश्‍वरया उद्धार खनी।

यशैया 53:1

झीगु बुखँय् सुनां विश्‍वास याःगु दु? परमप्रभुया बल्‍लाःगु ल्‍हाःया शक्ति सुयात क्‍यन?

यशैया 62:8

परमप्रभुं थःगु जव ल्‍हातं अले थःगु दक्‍वसिबय् बल्‍लाःगु ल्‍हातं पाफयादीगु दु, “जिं हाकनं गुबलें छंगु अन्‍न छिमि शत्रुतय्‌त नयेत बिइ मखु। अले छं गुगु न्‍हूगु दाखमद्यया निंतिं ज्‍या याःगु दु, व परदेशीतय्‌सं गुबलें त्‍वने दइ मखु।

इजकिएल 29:3

वलिसें खँ ल्‍हा, अले वयात थथे धा, ‘परमप्रभु परमेश्‍वरं थथे धयादी – “‘हे मिश्र देशयाम्‍ह जुजु फारो, जि छंगु विरोधय् दु, थःगु खुसिचातय्‌गु दथुइ च्‍वनाच्‍वनीम्‍ह छ तःधीम्‍ह लखय् च्‍वनीम्‍ह जन्‍तु, छं थथे धाःगु दु, “निल खुसि जिगु हे खः, व जिगु निंतिं दय्‌कागु खः।”

मीका 7:15

“मिश्र देशं छिपिं पिहां वःगु इलय् थें जिं इमित जिगु अजू चायापुगु ज्‍या क्‍यने।”

हबकूक 2:19

धिक्‍कार वयात, सुनां सिँयात थथे धाइ, ‘म्‍वाना वा!’ अय् न्‍ववाय् मफुगु ल्‍वहं, ‘दँ!’ छु व मूर्तिं छिमित छुं खँ स्‍यने फइ ला? व ला लुँ व वहलं भुनातःगु दु, उकी सासः हे मदु।”

हबकूक 3:13

थः मनूतय्‌त उद्धारया निंतिं, थः अभिषेक जूम्‍हय्‌सित बचय् यायेत छि झायादिल। दुष्‍टताया देशया न्‍हेलुवाःयात छिं चुंचुं यानादिल, वयागु छेनंनिसें तुति तक पचिनांगा यानादिल। सेला

जकरिया 10:11

इपिं दुःखकष्‍टया समुद्र छिनावनी। समुद्रया किसिद्वम्‍बः तनावनी। नील खुसिया लः फुक्‍क सुनावनी। अले अश्‍शूरया घमण्‍ड चूर जुइ, मिश्रया शासन फुनावनी।

जकरिया 2:13

हे सकल मनूत, परमप्रभुया न्‍ह्यःने सुम्‍क च्‍वँ। छाय्‌धाःसा वय्‌कः थः च्‍वनीगु पवित्र थासं पिहां झाःगु दु।”

लूका 1:51

वय्‌कलं थःगु ल्‍हाःयागु शक्ति क्‍यनादीगु दु। वय्‌कलं घमण्‍ड याइपिनिगु मनय् च्‍वंगु ग्‍वसाः फुक्‍कं स्‍यंकादीगु दु।

यूहन्‍ना 12:38

यशैया अगमवक्तां धयाथकूगु खँ सत्‍य जुइत थथे जूगु खः – “हे परमप्रभु, जिमिगु खँ सुनानं विश्‍वास मयाः। परमप्रभुं यानादीगु तःधंगु अजू चायापुगु ज्‍या खंसां विश्‍वास मयाः।”

प्रेरित 7:7

अले गुगु जातिं इमित सास्‍ती यानातःगु खः इमिगु इन्‍साफ जिं हे याये। ‘अले इपिं अनं थन हे वयाः जितः आराधना यानाच्‍वनी’ धकाः नं परमेश्‍वरं धयादिल।

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?

प्रकाश 11:17

“न्‍हापा दीम्‍ह, आः नं दीम्‍ह, दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर जिमिसं छितः सुभाय् देछाया च्‍वना। छिं हे छिगु तःधंगु शक्ति ज्‍वनाः राज्‍य यानादिल।

प्रकाश 12:9

अले व तसकं ग्‍यानापुसे च्‍वंम्‍ह अजिङ्गरयात क्‍वय् क्‍वफाना हल। फुक्‍क संसारय् च्‍वंपिन्‍त थगय् याइम्‍ह पुलांम्‍ह सर्प व हे खः। वयात दुष्‍ट व शैतान धकाः नं धाः। वयात व वया दूततय्‌त पृथ्‍वीइ वान्‍छ्वया हल।

न्‍यायकर्ता 6:13

अले गिदोनं वयात धाल, “हे जिम्‍ह प्रभु, परमप्रभु जिपिंलिसें दीसा छाय् थ्‍व फुक्‍क आपत जिमिके वःगु? जिमि अबुपिन्‍सं जिमित थथे धाःगु खः, ‘छु परमप्रभुं झीत मिश्रं पित हयादीगु मखु ला?’ वय्‌कःया अजू चायापुगु ज्‍या गन दु? तर आः ला परमप्रभुं झीत त्‍वःतादीगु दु। अले मिद्यानीतय्‌गु ल्‍हातय् बियादीगु दु।”