यशैया 51:8 - नेवाः बाइबल

⁸ छाय्‌धाःसा वसः किलं नः थें इमित नइतिनि। ऊनयात किलं नः थें इमित नइतिनि। जिगु धार्मिकता धाःसा न्‍ह्याबलेंया निंतिं दयाच्‍वनी, जिगु उद्धार पुस्‍तां पुस्‍ता तक दयाच्‍वनी।”

यशैया 51:8 ပူးပေါင်းရင်းမြစ်များ

अय्‍यूब 13:28

उकिं जि ध्‍वग्‍गिगु चिज व किलं नःगु वसः थें नाश जुयाः वनाच्‍वंगु दु।”

अय्‍यूब 4:19

चायागु छेँय् च्‍वंपिन्‍के छाय् झन अप्‍वः दोष लुइकामदी? इमिगु लिधंसा ला धू हे खः, गुगु लापाचा थें काच्‍याक कुच्‍युक याये फइ।

यशैया 14:11

वीणा थानाः छन्‍त हनाबना यायेमाःगु खः तर छ थन मृत्‍यु लोकय् वये धुंकूगु दु। त्‍वँ छंगु लासा व की छंगु फायेगु फांगा जूगु दु।

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

यशैया 46:13

जिं थःगु धार्मिकता लिक्‍क हयाच्‍वनागु दु। व तामपाः, छिमिगु लिक्‍क हे दु। जिगु उद्धारं लिबाकी मखु। जिं सियोनयात उद्धार बी, अले इस्राएलयात जिगु महिमा क्‍यने।

यशैया 50:9

परमप्रभु परमेश्‍वरं थःम्‍हं हे जितः ग्‍वाहालि यानादी। व सु खः, जि दोषी खः धकाः धाइम्‍ह? इपिं फुक्‍क वसः थें भ्‍वाथः जुयावनी। कीनं इमित नयाछ्वइ।

यशैया 51:6

छिमिसं च्‍वय् आकाशय् मिखा ब्‍व, अले क्‍वय् पृथ्‍वीइ स्‍व! आकाश कुँ थें खने मदयावनी, अले पृथ्‍वी पुलांगु कापः थें गनावनी। पृथ्‍वीइ च्‍वंपिं मनूत भुजिं थें सी। तर जिगु उद्धार न्‍ह्याबलें दयाच्‍वनी। जिगु धार्मिकता गुबलें अन्‍त जुइ मखु।

यशैया 54:9

“थ्‍व नोआया पालय्‌या दिं थें खः, छाय्‌धाःसा गथे जिं नोआया इलय् पाफया, जिं हाकनं खुसिबालं पृथ्‍वीयात त्‍वपुइ मखु, अथे हे आवंलि जिं छन्‍त तं क्‍यने मखु, अले गुबलें हक्‍के मखु धकाः पाफयागु दु।

यशैया 66:24

“अले इपिं पिहां वयाः जिगु विरोधय् जिराहा जूपिं मनूतय्‌गु सीम्‍ह स्‍वःवइ। इमिगु की सी मखु, इमिगु मि सी मखु, अले इपिं फुक्‍क मनूत व जातितय्‌त घच्‍चाइपुस्‍य च्‍वनी।”

दानिएल 9:24

“पाप व मभिंपाखे छिमिगु जाति व पवित्र शहरयात त्‍वःतकेत, पाप क्षमा यायेत व अधर्मया प्रायश्‍चित यायेत परमेश्‍वरं न्‍हयेगू वाः क्‍वछिनादीगु दु। उकिं दर्शन व अगमवाणी पूवनी व पवित्र देगः हानं अभिषेक जुइ।

होशे 5:12

अथे जुयाः जि एफ्राइमया निंतिं नवंकी थें व यहूदाया घरानाया निंतिं ध्‍वग्‍गीगु सिँ थें जुइ।

लूका 1:50

वय्‌कःयात मानय् याइपिन्‍त वय्‌कलं पुस्‍ता पुस्‍तां तकं दया यानादी।