यशैया 51:6 - नेवाः बाइबल

⁶ छिमिसं च्‍वय् आकाशय् मिखा ब्‍व, अले क्‍वय् पृथ्‍वीइ स्‍व! आकाश कुँ थें खने मदयावनी, अले पृथ्‍वी पुलांगु कापः थें गनावनी। पृथ्‍वीइ च्‍वंपिं मनूत भुजिं थें सी। तर जिगु उद्धार न्‍ह्याबलें दयाच्‍वनी। जिगु धार्मिकता गुबलें अन्‍त जुइ मखु।

यशैया 51:6 ပူးပေါင်းရင်းမြစ်များ

भजनसंग्रहया सफू 103:17

तर परमप्रभुयागु सदां दयाच्‍वनीगु दया माया न्‍ह्याबलें वय्‌कःया भय काइपिन्‍के दु। इमि मस्‍त व छय्‌पिनिगु लागिं नं वय्‌कः न्‍ह्याबलें दयादुम्‍ह जुइ।

भजनसंग्रहया सफू 111:3

वय्‌कःया ज्‍या इज्‍जत व गौरवं जाःगु जुइ, वय्‌कःया धार्मिकता न्‍ह्याबलें दयाच्‍वनी।

यशैया 13:13

अथे जुयाः जिगु तमं व दिंखुन्‍हु आकाशयात थरथर खाकाबी। अले जि दक्‍व शक्ति दुम्‍ह परमप्रभुया क्रोधं पृथ्‍वी सनी।”

यशैया 33:6

छिमिगु ईया निंतिं वय्‌कः बल्‍लाःगु जग व मुक्ति अले ज्ञान व बुद्धिया तसकं मू वंगु धुकू जुयादी। परमप्रभुया भय कायेगु हे धुकूया ताःचा खः।

यशैया 34:4

आकाशया फुक्‍क नगुत तनावनी। अले आकाश भ्‍वँ थू तु थें तनावनी। दाखया मां सुकूचिंगु हःत व यःमरिमां सुकूचिंगु फलत कुतुं वः थें आकाशया नगु-नक्षत्रत कुतुंवइ।

यशैया 40:26

च्‍वय् आकाशय् मिखा ब्‍वयाः स्‍व, अनयागु फुक्‍क नगुत सुनां दय्‌कूगु खः? वय्‌कलं हे मखु ला? वय्‌कलं उपिं फुक्‍क नगु व नक्षत्रतय्‌त नां कयाः सःतादी, वय्‌कःया तःधंगु शक्तिया कारणं उपिं छगू नं तनावनी मखु।

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

यशैया 50:9

परमप्रभु परमेश्‍वरं थःम्‍हं हे जितः ग्‍वाहालि यानादी। व सु खः, जि दोषी खः धकाः धाइम्‍ह? इपिं फुक्‍क वसः थें भ्‍वाथः जुयावनी। कीनं इमित नयाछ्वइ।

यशैया 51:8

छाय्‌धाःसा वसः किलं नः थें इमित नइतिनि। ऊनयात किलं नः थें इमित नइतिनि। जिगु धार्मिकता धाःसा न्‍ह्याबलेंया निंतिं दयाच्‍वनी, जिगु उद्धार पुस्‍तां पुस्‍ता तक दयाच्‍वनी।”

यशैया 54:10

पर्वतयात संकूसां अले डाँडात चीकाःछ्वसां अय्‌नं छिमिगु निंतिं जिगु सदां दइगु दयामाया गुबलें अन्‍त जुइ मखु। अले जिं चिनागु शान्‍तिया बाचा गुबलें त्‍वधुली मखु,” छन्‍त दयामाया यानादीम्‍ह परमप्रभुं धयादी।

यशैया 54:9

“थ्‍व नोआया पालय्‌या दिं थें खः, छाय्‌धाःसा गथे जिं नोआया इलय् पाफया, जिं हाकनं खुसिबालं पृथ्‍वीयात त्‍वपुइ मखु, अथे हे आवंलि जिं छन्‍त तं क्‍यने मखु, अले गुबलें हक्‍के मखु धकाः पाफयागु दु।

दानिएल 9:24

“पाप व मभिंपाखे छिमिगु जाति व पवित्र शहरयात त्‍वःतकेत, पाप क्षमा यायेत व अधर्मया प्रायश्‍चित यायेत परमेश्‍वरं न्‍हयेगू वाः क्‍वछिनादीगु दु। उकिं दर्शन व अगमवाणी पूवनी व पवित्र देगः हानं अभिषेक जुइ।

मत्ती 24:35

आकाश व पृथ्‍वी मदयावनी, अय्‌नं जिगु वचन मदयावनी मखु।

यूहन्‍ना 5:24

“जिं छिमित खःगु खँ धाये – जिगु खँ न्‍यनाः जितः छ्वया हःम्‍हय्‌सित सुनां विश्‍वास याइ, वयात अनन्‍त जीवन दइ। थज्‍याःम्‍ह मनूयागु न्‍याय जुइ मखु, बरु सीम्‍वाय्‌क अनन्‍त जीवन दये धुंकी।”

व्‍यवस्‍था 4:19

छिमिसं आकाशपाखे थस्‍वइबलय् अन दुगु सूर्य, तिमिला, नगुत व फुक्‍क ग्रह नक्षत्रतय्‌त खनाः उमित भागियाये मते, पुजा नं याये मते। उपिं परमप्रभुं पृथ्‍वीया फुक्‍क जातितय्‌गु निंतिं बियादीगु खः।

२ थेसलोनिकी 2:16

प्रभु येशू ख्रीष्‍टं हे व झीत माया यानादीम्‍ह व दया माया याना गुबलें सिना मवनीगु साहस व भिंगु आशा बियादीम्‍ह परमेश्‍वर बाःनं

हिब्रू 5:9

अले छकः फुक्‍क पूवंम्‍ह जुयादी धुंकाः वय्‌कः थःगु आज्ञा मानय् याइपिन्‍त सदां दयाच्‍वनीगु मुक्ति बियादीम्‍ह जुयादिल।

हिब्रू 9:12

वय्‌कः दुगुचा व द्वहंचातय्‌गु हि हाय्‌काः मखु, बरु थःगु हे हि हाय्‌काः उद्धार बीम्‍ह जुयाः छकलं हे सदांयात महा-पवित्रगु थासय् दुहां झाःगु खः।

हिब्रू 9:15

परमेश्‍वरं बी धकाः धयादीगु सदां दयाच्‍वनीगु आशिष वय्‌कःया ल्‍ययातःपिं मनूतय्‌सं काये दयेमा धकाः थथे न्‍हूगु बाचा चिनाः ख्रीष्‍ट परमेश्‍वर व मनूतय्‌गु दथुइ च्‍वनादीगु खः। न्‍हापांगु बाचाय् मनूतय्‌सं याःगु अपराधं आः छुत्‍कारा दइ, छाय्‌धाःसा थ्‍व हे ज्‍याया लागि वय्‌कः सिनादी धुंकल।

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।