यशैया 51:23 - नेवाः बाइबल

²³ जिं व ख्‍वला छन्‍त दुःख बिइपिनिगु ल्‍हातय् बी, गुम्‍हय्‌सिनं छन्‍त धाइ, ‘क्‍वछु, अले जिपिं छंगु म्‍हय् न्‍हुयाः न्‍यासि वने।’ अले छंगु थःगु ल्‍यूनेया ब्‍वः बँ व न्‍यासि वनेगु लँ थें यानाबिल।”

यशैया 51:23 ပူးပေါင်းရင်းမြစ်များ

भजनसंग्रहया सफू 129:3

इमिसं जिगु जँन्‍धूफातय् गाःवंक घाः यानाबिल अले उकियात सा वाःगु बुँ थें यानाबिल।

भजनसंग्रहया सफू 66:12

छिं जिमित जिमि शत्रुतय्‌पाखें न्‍हुकेबियादिल। जिपिं लः व मिया दथुं जुयाः वना। तर छिं जिमित आः सुरक्षित थासय् हयादीगु।

हितोपदेश 11:8

दुःखकष्‍टया इलय् धर्मीपिं मनूतय्‌त बचय् याइ। इमिगु पलेसा दुष्‍टतय्‌त लाःवनी।

हितोपदेश 21:18

दुष्‍ट मनूतय्‌सं धर्मी मनूतय्‌त बीत स्‍वःगु दुःख थःपिन्‍सं हे फयेमाली।

ओबदिया 1:16

गथे छं जिगु पवित्र पर्वतय् त्‍वन, अथे हे दक्‍व जातितय्‌सं त्‍वनातुं च्‍वनी। इमिसं सजाँयया ख्‍वलां त्‍वनां हे च्‍वनी, अले इतिहासं मदयावनी।

मीका 7:10

“जितः परमप्रभु छिमि परमेश्‍वर गन दु?” धकाः धाइम्‍ह जि शत्रु थ्‍व खनाः तसकं मछाली। अले जिगु मिखां व क्‍वःदःगु खनी। वयात गल्‍लि गल्‍लिइ ध्‍याचःयात थें न्‍हुत्तुन्‍हुइ।

जकरिया 12:2

“जिं यरूशलेमयात उकिया जःखः च्‍वंपिं मनूतय्‌गु निंतिं छगू धेधे चुइकाबीगु दाखमद्यया ख्‍वला थें दय्‌काबी। यहूदा व यरूशलेम घेराय् लाइ।

यहोशू 10:24

इमिसं थुपिं जुजुपिन्‍त यहोशूयाथाय् हये धुंकाः वं इस्राएलयापिं सकल मनूतय्‌त सःतल अले इपिंलिसे वःपिं लडाइँया सेना नायःतय्‌त सःताः धाल, “थुखे वा, छिमिगु तुति जुजुपिनिगु ककुइ ति।” अले इपिं वयाः थथःगु तुति थुमिगु ककुइ तल।

प्रकाश 11:2

देगः पिने च्‍वंगु चुकय् धाःसा नापय् याये मते, छाय्‌धाःसा व ला यहूदीमखुपिन्‍त बी धुन। इमिसं थ्‍व पवित्रगु शहरयात पिइनिला तक न्‍हुत्तुन्‍हुया तइ।

प्रकाश 17:18

छं खंम्‍ह मिसायागु अर्थ संसारय् च्‍वंपिं जुजुपिन्‍त राज्‍य याइगु तःधंगु शहर खः।”